॥ Kali Shatanama Stotra Lyrics Bengali Lyrics ॥
॥ কালীশতনামস্তোত্রম্ বৃহন্নীলতন্ত্রার্গতম্ ॥
শ্রীদেব্যুবাচ ।
পুরা প্রতিশ্রুতং দেব ক্রীডাসক্তো য়দা ভবান্ ।
নাম্নাং শতং মহাকাল্যাঃ কথয়স্ব ময়ি প্রভো ॥ ২৩-১ ॥
শ্রীভৈরব উবাচ ।
সাধু পৃষ্টং মহাদেবি অকথ্যং কথয়ামি তে ।
ন প্রকাশ্যং বরারোহে স্বয়োনিরিব সুন্দরি ॥ ২৩-২ ॥
প্রাণাধিকপ্রিয়তরা ভবতী মম মোহিনী ।
ক্ষণমাত্রং ন জীবামি ত্বাং বিনা পরমেশ্বরি ॥ ২৩-৩ ॥
য়থাদর্শেঽমলে বিম্বং ঘৃতং দধ্যাদিসংয়ুতম্ ।
তথাহং জগতামাদ্যে ত্বয়ি সর্বত্র গোচরঃ ॥ ২৩-৪ ॥
শৃণু দেবি প্রবক্ষ্যামি জপাত্ সার্বজ্ঞদায়কম্ ।
সদাশিব ঋষিঃ প্রোক্তোঽনুষ্টুপ্ ছন্দশ্চ ঈরিতঃ ॥ ২৩-৫ ॥
দেবতা ভৈরবো দেবি পুরুষার্থচতুষ্টয়ে ।
বিনিয়োগঃ প্রয়োক্তব্যঃ সর্বকর্মফলপ্রদঃ ॥ ২৩-৬ ॥
মহাকালী জগদ্ধাত্রী জগন্মাতা জগন্ময়ী ।
জগদম্বা গজত্সারা জগদানন্দকারিণী ॥ ২৩-৭ ॥
জগদ্বিধ্বংসিনী গৌরী দুঃখদারিদ্র্যনাশিনী ।
ভৈরবভাবিনী ভাবানন্তা সারস্বতপ্রদা ॥ ২৩-৮ ॥
চতুর্বর্গপ্রদা সাধ্বী সর্বমঙ্গলমঙ্গলা ।
ভদ্রকালী বিশালাক্ষী কামদাত্রী কলাত্মিকা ॥ ২৩-৯ ॥
নীলবাণী মহাগৌরসর্বাঙ্গা সুন্দরী পরা ।
সর্বসম্পত্প্রদা ভীমনাদিনী বরবর্ণিনী ॥ ২৩-১০ ॥
বরারোহা শিবরুহা মহিষাসুরঘাতিনী ।
শিবপূজ্যা শিবপ্রীতা দানবেন্দ্রপ্রপূজিতা ॥ ২৩-১১ ॥
সর্ববিদ্যাময়ী শর্বসর্বাভীষ্টফলপ্রদা ।
কোমলাঙ্গী বিধাত্রী চ বিধাতৃবরদায়িনী ॥ ২৩-১২ ॥
পূর্ণেন্দুবদনা নীলমেঘবর্ণা কপালিনী ।
কুরুকুল্লা বিপ্রচিত্তা কান্তচিত্তা মদোন্মদা ॥ ২৩-১৩ ॥
মত্তাঙ্গী মদনপ্রীতা মদাঘূর্ণিতলোচনা ।
মদোত্তীর্ণা খর্পরাসিনরমুণ্ডবিলাসিনী ॥ ২৩-১৪ ॥
নরমুণ্ডস্রজা দেবী খড্গহস্তা ভয়ানকা ।
অট্টহাসয়ুতা পদ্মা পদ্মরাগোপশোভিতা ॥ ২৩-১৫ ॥
বরাভয়প্রদা কালী কালরাত্রিস্বরূপিণী ।
স্বধা স্বাহা বষট্কারা শরদিন্দুসমপ্রভা ॥ ২৩-১৬ ॥
শরত্জ্যোত্স্না চ সংহ্লাদা বিপরীতরতাতুরা ।
মুক্তকেশী ছিন্নজটা জটাজূটবিলাসিনী ॥ ২৩-১৭ ॥
সর্পরাজয়ুতাভীমা সর্পরাজোপরি স্থিতা ।
শ্মশানস্থা মহানন্দিস্তুতা সংদীপ্তলোচনা ॥ ২৩-১৮ ॥
শবাসনরতা নন্দা সিদ্ধচারণসেবিতা ।
বলিদানপ্রিয়া গর্ভা ভূর্ভুবঃস্বঃস্বরূপিণী ॥ ২৩-১৯ ॥
গায়ত্রী চৈব সাবিত্রী মহানীলসরস্বতী ।
লক্ষ্মীর্লক্ষণসংয়ুক্তা সর্বলক্ষণলক্ষিতা ॥ ২৩-২০ ॥
ব্যাঘ্রচর্মাবৃতা মেধ্যা ত্রিবলীবলয়াঞ্চিতা ।
গন্ধর্বৈঃ সংস্তুতা সা হি তথা চেন্দা মহাপরা ॥ ২৩-২১ ॥
পবিত্রা পরমা মায়া মহামায়া মহোদয়া ।
ইতি তে কথিতং দিব্যং শতং নাম্নাং মহেশ্বরি ॥ ২৩-২২ ॥
য়ঃ পঠেত্ প্রাতরুত্থায় স তু বিদ্যানিধির্ভবেত্ ।
ইহ লোকে সুখং ভুক্ত্বা দেবীসায়ুজ্যমাপ্নুয়াত্ ॥ ২৩-২৩ ॥
তস্য বশ্যা ভবন্ত্যেতে সিদ্ধৌঘাঃ সচরাচরাঃ ।
খেচরা ভূচরাশ্চৈব তথা স্বর্গচরাশ্চ য়ে ॥ ২৩-২৪ ॥
তে সর্বে বশমায়ান্তি সাধকস্য হি নান্যথা ।
নাম্নাং বরং মহেশানি পরিত্যজ্য সহস্রকম্ ॥ ২৩-২৫ ॥
পঠিতব্যং শতং দেবি চতুর্বর্গফলপ্রদম্ ।
অজ্ঞাত্বা পরমেশানি নাম্নাং শতং মহেশ্বরি ॥ ২৩-২৬ ॥
ভজতে য়ো মহকালীং সিদ্ধির্নাস্তি কলৌ য়ুগে ।
প্রপঠেত্ প্রয়তো ভক্ত্যা তস্য পুণ্যফলং শৃণু ॥ ২৩-২৭ ॥
লক্ষবর্ষসহস্রস্য কালীপূজাফলং ভবেত্ ।
বহুনা কিমিহোক্তেন বাঞ্ছিতার্থী ভবিষ্যতি ॥ ২৩-২৮ ॥
ইতি শ্রীবৃহন্নীলতন্ত্রে ভৈরবপার্বতীসংবাদে কালীশতনামনিরূপণং
ত্রয়োবিংশঃ পটলঃ ॥ ২৩ ॥
– Chant Stotra in Other Languages –
Goddess Durga Slokam » Kali Shatanama Stotram » Brihan Nila Tantra Lyrics in Sanskrit » English » Gujarati » Kannada » Malayalam » Odia » Telugu » Tamil