॥ Shiva Ashtakam 4 Telugu Lyrics ॥
॥ శివాష్టకమ్ ౪ ॥
జయ శఙ్కర శాన్త శశాఙ్కరుచే రుచితార్థద సర్వద సర్వరుచే ।
శుచిదత్తగృహీతమహోపహృతే హృతభక్తజనోద్ధతతాపతతే ॥ ౧ ॥
తతసర్వహృదమ్బరవరదనుతే నతవృజినమహావనదాహకృతే ।
కృతవివిధచరిత్రతనో సుతనో తను విశిఖవిశోషణధైర్యనిధే ॥ ౨ ॥
నిధనాదివివర్జితకృతనతికృత్కృతవిహితమనోరథపన్నగభృత్ ।
నగభర్తృసుతార్పితవామవపుః స్వవపుఃపరిపూరితసర్వజగత్ ॥ ౩ ॥
త్రిజగన్మయరూప విరూపసుదృగృగుదఞ్చనకిఞ్చనకృద్ధుతభుక్ ।
భవభూతపతే ప్రమథైకపతే పతితేష్వతిదత్తకరప్రసృతే ॥ ౪ ॥
ప్రసృతాఖిలభూతలసంవరణప్రణవధ్వనిసౌధసుధాంశుధర ।
గిరిరాజకుమారికయా పరయా పరితః పరితుష్ట నతోఽస్మి శివ ॥ ౫ ॥
శివ దేవ మహేశ గిరీశ విభో విభవప్రద శర్వ శివేశ మృడ ।
మృడయోడుపతీధ్రజగత్త్రితయం కృతయన్త్రణ భక్తివిఘాతకృతామ్ ॥ ౬ ॥
న కృతాన్తత ఏష బిభేమి హర ప్రహరాశు మమాఘమమోఘమతే ।
న మతాన్తరమన్యమవైమి శివం శివపాదనతేః ప్రణతోఽస్మి తతః ॥ ౭ ॥
వితతేఽత్ర జగత్యఖిలాఘహరం పరితోషణమేవ పరం గుణవత్ ।
గుణహీనమహీనమహావలయం లయపావకమీశ నతోఽస్మి తతః ॥ ౮ ॥
ఇతి స్తుత్వా మహాదేవం విరరామాఙ్గిరఃసుతః ।
వ్యతరచ్చ మహాదేవః స్తుత్యా తుష్టో వరాన్ బహూన్ ॥ ౯ ॥
ఇతి శివాష్టకం సమాప్తమ్ ॥
– Chant Stotra in Other Languages –
Sri Siva Slokam » Lord Shiva Ashtakam 4 Lyrics in Sanskrit » English » Bengali » Gujarati » Kannada » Malayalam » Odia » Tamil