॥ Shiva Ashtakam 6 Malayalam Lyrics ॥
॥ ശിവാഷ്ടകം 6 ॥
നമോ നമസ്തേ ത്രിദശേശ്വരായ
ഭൂതാദിനാഥായ മൃഡായ നിത്യം ।
ഗങ്ഗാതരങ്ഗോത്ഥിതബാലചന്ദ്ര-
ചൂഡായ ഗൌരീനയനോത്സവായ ॥ 1 ॥
സുതപ്തചാമീകരചന്ദ്രനീല-
പദ്മപ്രവാലാംബുദകാന്തിവസ്ത്രൈഃ ।
സുനൃത്യരങ്ഗേഷ്ടവരപ്രദായ
കൈവല്യനാഥായ വൃഷധ്വജായ ॥ 2 ॥
സുധാംശുസൂര്യാഗ്നിവിലോചനേന
തമോഭിദേ തേ ജഗതഃ ശിവായ ।
സഹസ്രശുഭ്രാംശുസഹസ്രരശ്മി-
സഹസ്രസഞ്ജിത്ത്വരതേജസേഽസ്തു ॥ 3 ॥
നാഗേശരത്നോജ്ജ്വലവിഗ്രഹായ
ശാര്‍ദൂലചര്‍മാംശുകദിവ്യതേജസേ ।
സഹസ്രപത്രോപരി സംസ്ഥിതായ
വരാങ്ഗദാമുക്തഭുജദ്വയായ ॥ 4 ॥
സുനൂപുരാരഞ്ജിതപാദപദ്മ-
ക്ഷരത്സുധാഭൃത്യസുഖപ്രദായ ।
വിചിത്രരത്നൌഘവിഭൂഷിതായ
പ്രേമാനമേവാദ്യ ഹരൌ വിധേഹി ॥ 5 ॥
ശ്രീരാമ ഗോവിന്ദ മുകുന്ദ ശൌരേ
ശ്രീകൃഷ്ണ നാരായണ വാസുദേവ ।
ഇത്യാദിനാമാമൃതപാനമത്ത-
ഭൃങ്ഗാധിപായാഖിലദുഃഖഹന്ത്രേ ॥ 6 ॥
ശ്രീനാരദാദ്യൈഃ സതതം സുഗോപ്യ-
ജിജ്ഞാസിതായാശു വരപ്രദായ ।
തേഭ്യോ ഹരേര്‍ഭക്തിസുഖപ്രദായ
ശിവായ സര്‍വഗുരവേ നമോ നമഃ ॥ 7 ॥
ശ്രീഗൌരീനേത്രോത്സവമങ്ഗലായ
തത്പ്രാണനാഥായ രസപ്രദായ ।
സദാ സമുത്കണ്ഠഗോവിന്ദലീലാ-
ഗാനപ്രവീണായ നമോഽസ്തു തുഭ്യം ॥ 8 ॥
ഏതത് ശിവസ്യാഷ്ടകമദ്ഭുതം മഹത്
ശൃണ്വന്‍ ഹരിപ്രേമ ലഭേത ശീഘ്രം ।
ജ്ഞാനഞ്ച വിജ്ഞാനമപൂര്‍വവൈഭവം
യോ ഭാവപൂര്‍ണഃ പരമം സമാദരം ॥ 9 ॥
ഇതി ശിവാഷ്ടകം സമ്പൂര്‍ണം ।
– Chant Stotra in Other Languages –
Lord Siva Stotram » Lord Shiva Ashtakam 6 Lyrics in Sanskrit » English » Bengali » Gujarati » Kannada » Odia » Telugu » Tamil