॥ Shiva Ashtakam 6 Telugu Lyrics ॥
॥ శివాష్టకమ్ ౬ ॥
నమో నమస్తే త్రిదశేశ్వరాయ
భూతాదినాథాయ మృడాయ నిత్యమ్ ।
గఙ్గాతరఙ్గోత్థితబాలచన్ద్ర-
చూడాయ గౌరీనయనోత్సవాయ ॥ ౧ ॥
సుతప్తచామీకరచన్ద్రనీల-
పద్మప్రవాలామ్బుదకాన్తివస్త్రైః ।
సునృత్యరఙ్గేష్టవరప్రదాయ
కైవల్యనాథాయ వృషధ్వజాయ ॥ ౨ ॥
సుధాంశుసూర్యాగ్నివిలోచనేన
తమోభిదే తే జగతః శివాయ ।
సహస్రశుభ్రాంశుసహస్రరశ్మి-
సహస్రసఞ్జిత్త్వరతేజసేఽస్తు ॥ ౩ ॥
నాగేశరత్నోజ్జ్వలవిగ్రహాయ
శార్దూలచర్మాంశుకదివ్యతేజసే ।
సహస్రపత్రోపరి సంస్థితాయ
వరాఙ్గదాముక్తభుజద్వయాయ ॥ ౪ ॥
సునూపురారఞ్జితపాదపద్మ-
క్షరత్సుధాభృత్యసుఖప్రదాయ ।
విచిత్రరత్నౌఘవిభూషితాయ
ప్రేమానమేవాద్య హరౌ విధేహి ॥ ౫ ॥
శ్రీరామ గోవిన్ద ముకున్ద శౌరే
శ్రీకృష్ణ నారాయణ వాసుదేవ ।
ఇత్యాదినామామృతపానమత్త-
భృఙ్గాధిపాయాఖిలదుఃఖహన్త్రే ॥ ౬ ॥
శ్రీనారదాద్యైః సతతం సుగోప్య-
జిజ్ఞాసితాయాశు వరప్రదాయ ।
తేభ్యో హరేర్భక్తిసుఖప్రదాయ
శివాయ సర్వగురవే నమో నమః ॥ ౭ ॥
శ్రీగౌరీనేత్రోత్సవమఙ్గలాయ
తత్ప్రాణనాథాయ రసప్రదాయ ।
సదా సముత్కణ్ఠగోవిన్దలీలా-
గానప్రవీణాయ నమోఽస్తు తుభ్యమ్ ॥ ౮ ॥
ఏతత్ శివస్యాష్టకమద్భుతం మహత్
శృణ్వన్ హరిప్రేమ లభేత శీఘ్రమ్ ।
జ్ఞానఞ్చ విజ్ఞానమపూర్వవైభవం
యో భావపూర్ణః పరమం సమాదరమ్ ॥ ౯ ॥
ఇతి శివాష్టకం సమ్పూర్ణమ్ ।
– Chant Stotra in Other Languages –
Lord Siva Stotram » Lord Shiva Ashtakam 6 Lyrics in Sanskrit » English » Bengali » Gujarati » Kannada » Malayalam » Odia » Tamil