॥ Shiva Ashtottara Namashtaka Stotram 2 Gujarati Lyrics ॥
॥ શિવાષ્ટોત્તરનામશતકસ્તોત્રમ્ ૨ ॥
શ્રીગણેશાય નમઃ ।
દેવા ઊચુઃ ।
જય શમ્ભો વિભો રુદ્ર સ્વયમ્ભો જય શઙ્કર ।
જયેશ્વર જયેશાન જય સર્વજ્ઞ કામદ ॥ ૧ ॥
નીલકણ્ઠ જય શ્રીદ શ્રીકણ્ઠ જય ધૂર્જટે ।
અષ્ટમૂર્તેઽનન્તમૂર્તે મહામૂર્તે જયાનઘ ॥ ૨ ॥
જય પાપહરાનઙ્ગનિઃસઙ્ગાભઙ્ગનાશન ।
જય ત્વં ત્રિદશાધાર ત્રિલોકેશ ત્રિલોચન ॥ ૩ ॥
જય ત્વં ત્રિપથાધાર ત્રિમાર્ગ ત્રિભિરૂર્જિત ।
ત્રિપુરારે ત્રિધામૂર્તે જયૈકત્રિજટાત્મક ॥ ૪ ॥
શશિશેખર શૂલેશ પશુપાલ શિવાપ્રિય ।
શિવાત્મક શિવ શ્રીદ સુહૃચ્છ્રીશતનો જય ॥ ૫ ॥
સર્વ સર્વેશ ભૂતેશ ગિરિશ ત્વં ગિરીશ્વર ।
જયોગ્રરૂપ મીમેશ ભવ ભર્ગ જય પ્રભો ॥ ૬ ॥
જય દક્ષાધ્વરધ્વંસિન્નન્ધકધ્વંસકારક ।
રુણ્ડમાલિન્ કપાલિંસ્થં ભુજઙ્ગાજિનભૂષણ ॥ ૭ ॥
દિગમ્બર દિશાં નાથ વ્યોમકશ ચિતામ્પતે ।
જયાધાર નિરાધાર ભસ્માધાર ધરાધર ॥ ૮ ॥
દેવદેવ મહાદેવ દેવતેશાદિદૈવત ।
વહ્નિવીર્ય જય સ્થાણો જયાયોનિજસમ્ભવ ॥ ૯ ॥
ભવ શર્વ મહાકાલ ભસ્માઙ્ગ સર્પભૂષણ ।
ત્ર્યમ્બક સ્થપતે વાચામ્પતે ભો જગતામ્પતે ॥ ૧૦ ॥
શિપિવિષ્ટ વિરૂપાક્ષ જય લિઙ્ગ વૃષધ્વજ ।
નીલલોહિત પિઙ્ગાક્ષ જય ખટ્વાઙ્ગમણ્ડન ॥ ૧૧ ॥
કૃત્તિવાસ અહિર્બુધ્ન્ય મૃડાનીશ જટામ્બુભૃત્ ।
જગદ્ભ્રાતર્જગન્માતર્જગત્તાત જગદ્ગુરો ॥ ૧૨ ॥
પઞ્ચવક્ત્ર મહાવક્ત્ર કાલવક્ત્ર ગજાસ્યભૃત્ ।
દશબાહો મહાબાહો મહાવીર્ય મહાબલ ॥ ૧૩ ॥
અઘોરઘોરવક્ત્ર ત્વં સદ્યોજાત ઉમાપતે ।
સદાનન્દ મહાનન્દ નન્દમૂર્તે જયેશ્વર ॥ ૧૪ ॥
એવમષ્ટોત્તરશતં નામ્નાં દેવકૃતં તુ યે ।
શમ્ભોર્ભક્ત્યા સ્મરન્તીહ શૃણ્વન્તિ ચ પઠન્તિ ચ ॥ ૧૫ ॥
ન તાપાસ્ત્રિવિધાસ્તેષાં ન શોકો ન રુજાદયઃ ।
ગ્રહગોચરપીડા ચ તેષાં ક્વાપિ ન વિદ્યતે ॥ ૧૬ ॥
શ્રીઃ પ્રજ્ઞાઽઽરોગ્યમાયુષ્યં સૌભાગ્યં ભાગ્યમુન્નતિમ્ ।
વિદ્યા ધર્મે મતિઃ શમ્ભોર્ભક્તિસ્તેષાં ન સંશયઃ ॥ ૧૭ ॥
ઇતિ શ્રીસ્કન્દપુરાણે સહ્યાદ્રિખણ્ડે
શિવાષ્ટોત્તરનામશતકસ્તોત્રં સમ્પૂર્ણમ્ ॥
– Chant Stotra in Other Languages –
Sri Shiva Slokam » Lord Shiva Ashtottara Namashtaka Stotram 2 Lyrics in Sanskrit » English » Bengali » Kannada » Malayalam » Odia » Telugu » Tamil