॥ Shiva Ashtottara Namashtaka Stotram 2 Odia Lyrics ॥
॥ ଶିଵାଷ୍ଟୋତ୍ତରନାମଶତକସ୍ତୋତ୍ରମ୍ ୨ ॥
ଶ୍ରୀଗଣେଶାୟ ନମଃ ।
ଦେଵା ଊଚୁଃ ।
ଜୟ ଶମ୍ଭୋ ଵିଭୋ ରୁଦ୍ର ସ୍ଵୟମ୍ଭୋ ଜୟ ଶଙ୍କର ।
ଜୟେଶ୍ଵର ଜୟେଶାନ ଜୟ ସର୍ଵଜ୍ଞ କାମଦ ॥ ୧ ॥
ନୀଲକଣ୍ଠ ଜୟ ଶ୍ରୀଦ ଶ୍ରୀକଣ୍ଠ ଜୟ ଧୂର୍ଜଟେ ।
ଅଷ୍ଟମୂର୍ତେଽନନ୍ତମୂର୍ତେ ମହାମୂର୍ତେ ଜୟାନଘ ॥ ୨ ॥
ଜୟ ପାପହରାନଙ୍ଗନିଃସଙ୍ଗାଭଙ୍ଗନାଶନ ।
ଜୟ ତ୍ଵଂ ତ୍ରିଦଶାଧାର ତ୍ରିଲୋକେଶ ତ୍ରିଲୋଚନ ॥ ୩ ॥
ଜୟ ତ୍ଵଂ ତ୍ରିପଥାଧାର ତ୍ରିମାର୍ଗ ତ୍ରିଭିରୂର୍ଜିତ ।
ତ୍ରିପୁରାରେ ତ୍ରିଧାମୂର୍ତେ ଜୟୈକତ୍ରିଜଟାତ୍ମକ ॥ ୪ ॥
ଶଶିଶେଖର ଶୂଲେଶ ପଶୁପାଲ ଶିଵାପ୍ରିୟ ।
ଶିଵାତ୍ମକ ଶିଵ ଶ୍ରୀଦ ସୁହୃଚ୍ଛ୍ରୀଶତନୋ ଜୟ ॥ ୫ ॥
ସର୍ଵ ସର୍ଵେଶ ଭୂତେଶ ଗିରିଶ ତ୍ଵଂ ଗିରୀଶ୍ଵର ।
ଜୟୋଗ୍ରରୂପ ମୀମେଶ ଭଵ ଭର୍ଗ ଜୟ ପ୍ରଭୋ ॥ ୬ ॥
ଜୟ ଦକ୍ଷାଧ୍ଵରଧ୍ଵଂସିନ୍ନନ୍ଧକଧ୍ଵଂସକାରକ ।
ରୁଣ୍ଡମାଲିନ୍ କପାଲିଂସ୍ଥଂ ଭୁଜଙ୍ଗାଜିନଭୂଷଣ ॥ ୭ ॥
ଦିଗମ୍ବର ଦିଶାଂ ନାଥ ଵ୍ୟୋମକଶ ଚିତାମ୍ପତେ ।
ଜୟାଧାର ନିରାଧାର ଭସ୍ମାଧାର ଧରାଧର ॥ ୮ ॥
ଦେଵଦେଵ ମହାଦେଵ ଦେଵତେଶାଦିଦୈଵତ ।
ଵହ୍ନିଵୀର୍ୟ ଜୟ ସ୍ଥାଣୋ ଜୟାୟୋନିଜସମ୍ଭଵ ॥ ୯ ॥
ଭଵ ଶର୍ଵ ମହାକାଲ ଭସ୍ମାଙ୍ଗ ସର୍ପଭୂଷଣ ।
ତ୍ର୍ୟମ୍ବକ ସ୍ଥପତେ ଵାଚାମ୍ପତେ ଭୋ ଜଗତାମ୍ପତେ ॥ ୧୦ ॥
ଶିପିଵିଷ୍ଟ ଵିରୂପାକ୍ଷ ଜୟ ଲିଙ୍ଗ ଵୃଷଧ୍ଵଜ ।
ନୀଲଲୋହିତ ପିଙ୍ଗାକ୍ଷ ଜୟ ଖଟ୍ଵାଙ୍ଗମଣ୍ଡନ ॥ ୧୧ ॥
କୃତ୍ତିଵାସ ଅହିର୍ବୁଧ୍ନ୍ୟ ମୃଡାନୀଶ ଜଟାମ୍ବୁଭୃତ୍ ।
ଜଗଦ୍ଭ୍ରାତର୍ଜଗନ୍ମାତର୍ଜଗତ୍ତାତ ଜଗଦ୍ଗୁରୋ ॥ ୧୨ ॥
ପଞ୍ଚଵକ୍ତ୍ର ମହାଵକ୍ତ୍ର କାଲଵକ୍ତ୍ର ଗଜାସ୍ୟଭୃତ୍ ।
ଦଶବାହୋ ମହାବାହୋ ମହାଵୀର୍ୟ ମହାବଲ ॥ ୧୩ ॥
ଅଘୋରଘୋରଵକ୍ତ୍ର ତ୍ଵଂ ସଦ୍ୟୋଜାତ ଉମାପତେ ।
ସଦାନନ୍ଦ ମହାନନ୍ଦ ନନ୍ଦମୂର୍ତେ ଜୟେଶ୍ଵର ॥ ୧୪ ॥
ଏଵମଷ୍ଟୋତ୍ତରଶତଂ ନାମ୍ନାଂ ଦେଵକୃତଂ ତୁ ୟେ ।
ଶମ୍ଭୋର୍ଭକ୍ତ୍ୟା ସ୍ମରନ୍ତୀହ ଶୃଣ୍ଵନ୍ତି ଚ ପଠନ୍ତି ଚ ॥ ୧୫ ॥
ନ ତାପାସ୍ତ୍ରିଵିଧାସ୍ତେଷାଂ ନ ଶୋକୋ ନ ରୁଜାଦୟଃ ।
ଗ୍ରହଗୋଚରପୀଡା ଚ ତେଷାଂ କ୍ଵାପି ନ ଵିଦ୍ୟତେ ॥ ୧୬ ॥
ଶ୍ରୀଃ ପ୍ରଜ୍ଞାଽଽରୋଗ୍ୟମାୟୁଷ୍ୟଂ ସୌଭାଗ୍ୟଂ ଭାଗ୍ୟମୁନ୍ନତିମ୍ ।
ଵିଦ୍ୟା ଧର୍ମେ ମତିଃ ଶମ୍ଭୋର୍ଭକ୍ତିସ୍ତେଷାଂ ନ ସଂଶୟଃ ॥ ୧୭ ॥
ଇତି ଶ୍ରୀସ୍କନ୍ଦପୁରାଣେ ସହ୍ୟାଦ୍ରିଖଣ୍ଡେ
ଶିଵାଷ୍ଟୋତ୍ତରନାମଶତକସ୍ତୋତ୍ରଂ ସମ୍ପୂର୍ଣମ୍ ॥
– Chant Stotra in Other Languages –
Sri Shiva Slokam » Lord Shiva Ashtottara Namashtaka Stotram 2 Lyrics in Sanskrit » English » Bengali » Gujarati » Kannada » Malayalam » Telugu » Tamil