॥ Matangi Ashtottara Shatanama Stotram Gujarati Lyrics ॥
॥ શ્રીમાતઙ્ગીશતનામસ્તોત્રમ્ ॥
શ્રીભૈરવ્યુવાચ –
ભગવઞ્છ્રોતુમિચ્છામિ માતઙ્ગ્યાઃ શતનામકમ્ ।
યદ્ગુહ્યં સર્વતન્ત્રેષુ કેનાપિ ન પ્રકાશિતમ્ ॥ ૧ ॥
ભૈરવ ઉવાચ –
શૃણુ દેવિ પ્રવક્ષ્યામિ રહસ્યાતિરહસ્યકમ્ ।
નાખ્યેયં યત્ર કુત્રાપિ પઠનીયં પરાત્પરમ્ ॥ ૨ ॥
યસ્યૈકવારપઠનાત્સર્વે વિઘ્ના ઉપદ્રવાઃ ।
નશ્યન્તિ તત્ક્ષણાદ્દેવિ વહ્નિના તૂલરાશિવત્ ॥ ૩ ॥
પ્રસન્ના જાયતે દેવી માતઙ્ગી ચાસ્ય પાઠતઃ ।
સહસ્રનામપઠને યત્ફલં પરિકીર્તિતમ્ ।
તત્કોટિગુણિતં દેવીનામાષ્ટશતકં શુભમ્ ॥ ૪ ॥
અસ્ય શ્રીમાતઙ્ગીશતનામસ્તોત્રસ્ય ભગવાન્મતઙ્ગ ઋષિઃ
અનુષ્ટુપ્ છન્દઃ માતઙ્ગી દેવતા માતઙ્ગીપ્રીતયે જપે વિનિયોગઃ ।
મહામત્તમાતઙ્ગિની સિદ્ધિરૂપા તથા યોગિની ભદ્રકાલી રમા ચ ।
ભવાની ભવપ્રીતિદા ભૂતિયુક્તા ભવારાધિતા ભૂતિસમ્પત્કરી ચ ॥ ૧ ॥
ધનાધીશમાતા ધનાગારદૃષ્ટિર્ધનેશાર્ચિતા ધીરવાપીવરાઙ્ગી ।
પ્રકૃષ્ટપ્રભારૂપિણી કામરૂપપ્રહૃષ્ટા મહાકીર્તિદા કર્ણનાલી ॥ ૨ ॥
કરાલી ભગા ઘોરરૂપા ભગાઙ્ગી ભગાહ્વા ભગપ્રીતિદા ભીમરૂપા ।
ભવાની મહાકૌશિકી કોશપૂર્ણા કિશોરીકિશોરપ્રિયાનન્દ ઈહા ॥ ૩ ॥
મહાકારણાકારણા કર્મશીલા કપાલિપ્રસિદ્ધા મહાસિદ્ખણ્ડા ।
મકારપ્રિયા માનરૂપા મહેશી મહોલ્લાસિનીલાસ્યલીલાલયાઙ્ગી ॥ ૪ ॥
ક્ષમાક્ષેમશીલા ક્ષપાકારિણી ચાક્ષયપ્રીતિદા ભૂતિયુક્તા ભવાની ।
ભવારાધિતા ભૂતિસત્યાત્મિકા ચ પ્રભોદ્ભાસિતા ભાનુભાસ્વત્કરા ચ ॥ ૫ ॥
ધરાધીશમાતા ધરાગારદૃષ્ટિર્ધરેશાર્ચિતા ધીવરાધીવરાઙ્ગી ।
પ્રકૃષ્ટપ્રભારૂપિણી પ્રાણરૂપપ્રકૃષ્ટસ્વરૂપા સ્વરૂપપ્રિયા ચ ॥ ૬ ॥
ચલત્કુણ્ડલા કામિની કાન્તયુક્તા કપાલાચલા કાલકોદ્ધારિણી ચ ।
કદમ્બપ્રિયા કોટરીકોટદેહા ક્રમા કીર્તિદા કર્ણરૂપા ચ કાક્ષ્મીઃ ॥ ૭ ॥
ક્ષમાઙ્ગી ક્ષયપ્રેમરૂપા ક્ષપા ચ ક્ષયાક્ષા ક્ષયાહ્વા ક્ષયપ્રાન્તરા ચ ।
ક્ષવત્કામિની ક્ષારિણી ક્ષીરપૂર્ણા શિવાઙ્ગી ચ શાકમ્ભરી શાકદેહા ॥ ૮ ॥
મહાશાકયજ્ઞા ફલપ્રાશકા ચ શકાહ્વા શકાહ્વાશકાખ્યા શકા ચ ।
શકાક્ષાન્તરોષા સુરોષા સુરેખા મહાશેષયજ્ઞોપવીતપ્રિયા ચ ॥ ૯ ॥
જયન્તી જયા જાગ્રતીયોગ્યરૂપા જયાઙ્ગા જપધ્યાનસન્તુષ્ટસંજ્ઞા ।
જયપ્રાણરૂપા જયસ્વર્ણદેહા જયજ્વાલિની યામિની યામ્યરૂપા ॥ ૧૦ ॥
જગન્માતૃરૂપા જગદ્રક્ષણા ચ સ્વધાવૌષડન્તા વિલમ્બાવિલમ્બા ।
ષડઙ્ગા મહાલમ્બરૂપાસિહસ્તા પદાહારિણીહારિણી હારિણી ચ ॥ ૧૧ ॥
મહામઙ્ગલા મઙ્ગલપ્રેમકીર્તિર્નિશુમ્ભચ્છિદા શુમ્ભદર્પત્વહા ચ ।
તથાઽઽનન્દબીજાદિમુક્તસ્વરૂપા તથા ચણ્ડમુણ્ડાપદામુખ્યચણ્ડા ॥ ૧૨ ॥
પ્રચણ્ડાપ્રચણ્ડા મહાચણ્ડવેગા ચલચ્ચામરા ચામરાચન્દ્રકીર્તિઃ ।
સુચામીકરાચિત્રભૂષોજ્જ્વલાઙ્ગી સુસઙ્ગીતગીતા ચ પાયાદપાયાત્ ॥ ૧૩ ॥
ઇતિ તે કથિતં દેવિ નામ્નામષ્ટોત્તરં શતમ્ ।
ગોપ્યઞ્ચ સર્વતન્ત્રેષુ ગોપનીયઞ્ચ સર્વદા ॥ ૧૪ ॥
એતસ્ય સતતાભ્યાસાત્સાક્ષાદ્દેવો મહેશ્વરઃ ।
ત્રિસન્ધ્યઞ્ચ મહાભક્ત્યા પઠનીયં સુખોદયમ્ ॥ ૧૫ ॥
ન તસ્ય દુષ્કરં કિઞ્ચિજ્જાયતે સ્પર્શતઃ ક્ષણાત્ ।
સ્વકૃતં યત્તદેવાપ્તં તસ્માદાવર્તયેત્સદા ॥ ૧૬ ॥
સદૈવ સન્નિધૌ તસ્ય દેવી વસતિ સાદરમ્ ।
અયોગા યે તવૈવાગ્રે સુયોગાશ્ચ ભવન્તિ વૈ ॥ ૧૭ ॥
ત એવમિત્રભૂતાશ્ચ ભવન્તિ તત્પ્રસાદતઃ ।
વિષાણિ નોપસર્પન્તિ વ્યાધયો ન સ્પૃશન્તિ તાન્ ॥ ૧૮ ॥
લૂતાવિસ્ફોટકાસ્સર્વે શમં યાન્તિ ચ તત્ક્ષણાત્ ।
જરાપલિતનિર્મુક્તઃ કલ્પજીવી ભવેન્નરઃ ॥ ૧૯ ॥
અપિ કિં બહુનોક્તેન સાન્નિધ્યં ફલમાપ્નુયાત્ ।
યાવન્મયા પુરા પ્રોક્તં ફલં સાહસ્રનામકમ્ ।
તત્સર્વં લભતે મર્ત્યો મહામાયાપ્રસાદતઃ ॥ ૨૦ ॥
ઇતિ શ્રીરુદ્રયામલે માતઙ્ગીશતનામસ્તોત્રં સમ્પૂર્ણમ્ ॥
– Chant Stotra in Other Languages –
Sri Durga Slokam » Sri Matangi Ashtottara Shatanama Stotram Lyrics in Sanskrit » English » Bengali » Kannada » Malayalam » Odia » Telugu » Tamil