Narayaniyam Caturasititamadasakam In Kannada – Narayaneyam Dasakam 84

Narayaniyam Caturasititamadasakam in Kannada:

॥ ನಾರಾಯಣೀಯಂ ಚತುರಶೀತಿತಮದಶಕಮ್ ॥

ನಾರಾಯಣೀಯಂ ಚತುರಶೀತಿತಮದಶಕಮ್ (೮೪) – ಸಮನ್ತಪಞ್ಚಕತೀರ್ಥಯಾತ್ರಾ – – ಬನ್ಧುಮಿತ್ರಾದಿ ಸಮಾಗಮಮ್ ।

ಕ್ವಚಿದಥ ತಪನೋಪರಾಗಕಾಲೇ
ಪುರಿ ನಿದಧತ್ಕೃತವರ್ಮಕಾಮಸೂನೂ ।
ಯದುಕುಲಮಹಿಲಾವೃತಃ ಸುತೀರ್ಥಂ
ಸಮುಪಗತೋಽಸಿ ಸಮನ್ತಪಞ್ಚಕಾಖ್ಯಮ್ ॥ ೮೪-೧ ॥

ಬಹುತರಜನತಾಹಿತಾಯ ತತ್ರ
ತ್ವಮಪಿ ಪುನರ್ವಿನಿಮಜ್ಜ್ಯ ತೀರ್ಥತೋಯಮ್ ।
ದ್ವಿಜಗಣಪರಿಮುಕ್ತವಿತ್ತರಾಶಿಃ
ಸಮಮಿಲಥಾಃ ಕುರುಪಾಣ್ಡವಾದಿಮಿತ್ರೈಃ ॥ ೮೪-೨ ॥

ತವ ಖಲು ದಯಿತಾಜನೈಃ ಸಮೇತಾ
ದ್ರುಪದಸುತಾ ತ್ವಯಿ ಗಾಢಭಕ್ತಿಭಾರಾ ।
ತದುದಿತಭವದಾಹೃತಿಪ್ರಕಾರೈ-
ರತಿಮುಮುದೇ ಸಮಮನ್ಯಭಾಮಿನೀಭಿಃ ॥ ೮೪-೩ ॥

ತದನು ಚ ಭಗವನ್ ನಿರೀಕ್ಷ್ಯ ಗೋಪಾ-
ನತಿಕುತುಕಾದುಪಗಮ್ಯ ಮಾನಯಿತ್ವಾ ।
ಚಿರತರವಿರಹಾತುರಾಙ್ಗರೇಖಾಃ
ಪಶುಪವಧೂಃ ಸರಸಂ ತ್ವಮನ್ವಯಾಸೀಃ ॥ ೮೪-೪ ॥

ಸಪದಿ ಚ ಭವದೀಕ್ಷಣೋತ್ಸವೇನ
ಪ್ರಮುದಿತಮಾನಹೃದಾಂ ನಿತಂಬಿನೀನಾಮ್ – [** ಪ್ರಮುಷಿತ **]
ಅತಿರಸಪರಿಮುಕ್ತಕಞ್ಚುಲೀಕೇ
ಪರಿಚಿತಹೃದ್ಯತರೇ ಕುಚೇ ನ್ಯಲೈಷೀಃ ॥ ೮೪-೫ ॥

ರಿಪುಜನಕಲಹೈಃ ಪುನಃ ಪುನರ್ಮೇ
ಸಮುಪಗತೈರಿಯತೀ ವಿಲಂಬನಾಭೂತ್ ।
ಇತಿ ಕೃತಪರಿರಂಭಣೇ ತ್ವಯಿ ದ್ರಾ-
ಗತಿವಿವಶಾ ಖಲು ರಾಧಿಕಾ ನಿಲಿಲ್ಯೇ ॥ ೮೪-೬ ॥

ಅಪಗತವಿರಹವ್ಯಥಾಸ್ತದಾ ತಾ
ರಹಸಿ ವಿಧಾಯ ದದಾಥ ತತ್ತ್ವಬೋಧಮ್ ।
ಪರಮಸುಖಚಿದಾತ್ಮಕೋಽಹಮಾತ್ಮೇ-
ತ್ಯುದಯತು ವಃ ಸ್ಫುಟಮೇವ ಚೇತಸೀತಿ ॥ ೮೪-೭ ॥

ಸುಖರಸಪರಿಮಿಶ್ರಿತೋ ವಿಯೋಗಃ
ಕಿಮಪಿ ಪುರಾಽಭವದುದ್ಧವೋಪದೇಶೈಃ ।
ಸಮಭವದಮುತಃ ಪರಂ ತು ತಾಸಾಂ
ಪರಮಸುಖೈಕ್ಯಮಯೀ ಭವದ್ವಿಚಿನ್ತಾ ॥ ೮೪-೮ ॥

ಮುನಿವರನಿವಹೈಸ್ತವಾಥ ಪಿತ್ರಾ
ದುರಿತಶಮಾಯ ಶುಭಾನಿ ಪೃಚ್ಛ್ಯಮಾನೈಃ ।
ತ್ವಯಿ ಸತಿ ಕಿಮಿದಂ ಶುಭಾನ್ತರೈರಿ-
ತ್ಯುರುಹಸಿತೈರಪಿ ಯಾಜಿತಸ್ತದಾಸೌ ॥ ೮೪-೯ ॥

ಸುಮಹತಿ ಯಜನೇ ವಿತಾಯಮಾನೇ
ಪ್ರಮುದಿತಮಿತ್ರಜನೇ ಸಹೈವ ಗೋಪಾಃ ।
ಯದುಜನಮಹಿತಾಸ್ತ್ರಿಮಾಸಮಾತ್ರಂ
ಭವದನುಷಙ್ಗರಸಂ ಪುರೇವ ಭೇಜುಃ ॥ ೮೪-೧೦ ॥

See Also  Surya Gita In Kannada

ವ್ಯಪಗಮಸಮಯೇ ಸಮೇತ್ಯ ರಾಧಾಂ
ದೃಢಮುಪಗೂಹ್ಯ ನಿರೀಕ್ಷ್ಯ ವೀತಖೇದಾಮ್ ।
ಪ್ರಮುದಿತಹೃದಯಃ ಪುರಂ ಪ್ರಯಾತಃ
ಪವನಪುರೇಶ್ವರ ಪಾಹಿ ಮಾಂ ಗದೇಭ್ಯಃ ॥ ೧೧ ॥

ಇತಿ ಚತುರಶೀತಿತಮದಶಕಂ ಸಮಾಪ್ತಂ

– Chant Stotras in other Languages –

Narayaneeyam Caturasititamadasakam in English – Kannada – TeluguTamil