Narayaniyam Catvarimaadasakam In Telugu – Narayaneyam Dasakam 40

Narayaniyam Catvarimaadasakam in Telugu:

॥ నారాయణీయం చత్వారింశదశకమ్ ॥

చత్వారింశదశకమ్ (౪౦) – పూతనామోక్షమ్

తదను నన్దమమన్దశుభాస్పదం నృపపురీం కరదానకృతే గతమ్ ।
సమవలోక్య జగాద భవత్పితా విదితకంససహాయజనోద్యమః ॥ ౪౦-౧ ॥

అయి సఖే తవ బాలకజన్మ మాం సుఖయతేఽద్య నిజాత్మజజన్మవత్ ।
ఇతి భవత్పితృతాం వ్రజనాయకే సమధిరోప్య శశంస తమాదరాత్ ॥ ౪౦-౨ ॥

ఇహ చ సన్త్యనిమిత్తశతాని తే కటకసీమ్ని తతో లఘు గమ్యతామ్ ।
ఇతి చ తద్వచసా వ్రజనాయకో భవదపాయభియా ద్రుతమాయయౌ ॥ ౪౦-౩ ॥

అవసరే ఖలు తత్ర చ కాచన వ్రజపదే మధురాకృతిరఙ్గనా ।
తరలషట్పదలాలితకున్తలా కపటపోతక తే నికటం గతా ॥ ౪౦-౪ ॥

సపది సా హృతబాలకచేతనా నిశిచరాన్వయజా కిల పూతనా ।
వ్రజవధూష్విహ కేయమితి క్షణం విమృశతీషు భవన్తముపాదదే ॥ ౪౦-౫ ॥

లలితభావవిలాసహృతాత్మభిర్యువతిభిః ప్రతిరోద్ధుమపారితా ।
స్తనమసౌ భవనాన్తనిషేదుషీ ప్రదదుషీ భవతే కపటాత్మనే ॥ ౪౦-౬ ॥

సమధిరుహ్య తదఙ్కమశఙ్కితస్త్వమథ బాలకలోపనరోషితః ।
మహదివామ్రఫలం కుచమణ్డలం ప్రతిచుచూషిథ దుర్విషదూషితమ్ ॥ ౪౦-౭ ॥

అసుభిరేవ సమం ధయతి త్వయి స్తనమసౌ స్తనితోపమనిస్వనా ।
నిరపతద్భయదాయి నిజం వపుః ప్రతిగతా ప్రవిసార్య భుజావుభౌ ॥ ౪౦-౮ ॥

భయదఘోషణభీషణవిగ్రహశ్రవణదర్శనమోహితవల్లవే ।
వ్రజపదే తదురఃస్థలఖేలనం నను భవన్తమగృహ్ణత గోపికాః ॥ ౪౦-౯ ॥

భువనమఙ్గలనామభిరేవ తే యువతిభిర్బహుధా కృతరక్షణః ।
త్వమయి వాతనికేతననాథ మామగదయం కురు తావకసేవకమ్ ॥ ౪౦-౧౦ ॥

See Also  Sri Rama Krishna Ashtottara Shatanama Stotram In Telugu

ఇతి చత్వారింశదశకం సమాప్తమ్ ।

– Chant Stotras in other Languages –

Narayaniyam Catvarimaadasakam in EnglishKannada – Telugu – Tamil