Narayaniyam Dvatrimsadasakam in Telugu:

॥ నారాయణీయం ద్వాత్రింశదశకమ్ ॥

ద్వాత్రింశదశకమ్ (౩౨) మత్స్యావతారమ్

పురా హయగ్రీవమహాసురేణ షష్ఠాన్తరాన్తోద్యదకాణ్డకల్పే ।
నిద్రోన్ముఖబ్రహ్మముఖాద్ధృతేషు వేదేష్వధిత్సః కిల మత్స్యరూపమ్ ॥ ౩౨-౧ ॥

సత్యవ్రతస్య ద్రమిలాధిభర్తుర్నదీజలే తర్పయతస్తదానీమ్ ।
కరాఞ్జలౌ సఞ్జ్వలితాకృతిస్త్వమదృశ్యథాః కశ్చన బాలమీనః ॥ ౩౨-౨ ॥

క్షిప్తం జలే త్వాం చకితం విలోక్య నిన్యేఽంబుపాత్రేణ మునిః స్వగేహమ్ ।
స్వల్పైరహోభిః కలశీం చ కూపం వాపీం సరశ్చానశిషే విభో త్వమ్ ॥ ౩౨-౩ ॥

యోగప్రభావాద్భవదాజ్ఞయైవ నీతస్తతస్త్వం మునినా పయోధిమ్ ।
పృష్టోఽమునా కల్పదిదృక్షుమేనం సప్తాహమాస్వేతి వదన్నయాసీః ॥ ౩౨-౪ ॥

ప్రాప్తే త్వదుక్తేఽహని వారిధారాపరిప్లుతే భూమితలే మునీన్ద్రః ।
సప్తర్షిభిః సార్ధమపారవారిణ్యుద్ఘూర్ణమానః శరణం యయౌ త్వామ్ ॥ ౩౨-౫ ॥

ధరాం త్వదాదేశకరీమవాప్తాం నౌరూపిణీమారురుహుస్తదా తే ।
తత్కమ్పకమ్ప్రేషు చ తేషు భూయస్త్వమంబుధేరావిరభూర్మహీయాన్ ॥ ౩౨-౬ ॥

ఝషాకృతిం యోజనలక్షదీర్ఘాం దధానముచ్చైస్తరతేజసం త్వామ్ ।
నిరీక్ష్య తుష్టా మునయస్త్వదుక్త్యా త్వత్తుఙ్గశృఙ్గే తరణిం బబన్ధుః ॥ ౩౨-౭ ॥

ఆకృష్టనౌకో మునిమణ్డలాయ ప్రదర్శయన్విశ్వజగద్విభాగాన్ ।
సంస్తూయమానో నృవరేణ తేన జ్ఞానం పరం చోపదిశన్నచారీః ॥ ౩౨-౮ ॥

కల్పావధౌ సప్తమునీన్పురోవత్ప్రస్థాప్య సత్యవ్రతభూమిపం తమ్ ।
వైవస్వతాఖ్యం మనుమాదధానః క్రోధాద్ధయగ్రీవమభిద్రుతోఽభూః ॥ ౩౨-౯ ॥

స్వతుఙ్గశృఙ్గక్షతవక్షసం తం నిపాత్య దైత్యం నిగమాన్గృహీత్వా ।
విరిఞ్చయే ప్రీతహృదే దదానః ప్రభఞ్జనాగారపతే ప్రపాయాః ॥ ౩౨-౧౦ ॥

ఇతి ద్వాత్రింశదశకం సమాప్తమ్ ।

– Chant Stotras in other Languages –

Narayaniyam Dvatrimsadasakam in English – Kannada – Telugu – Tamil