Narayaniyam Ekacatvarimsadasakam In Telugu – Narayaneyam Dasakam 41

Narayaniyam Ekacatvarimsadasakam in Telugu:

॥ నారాయణీయం ఏకచత్వారింశదశకమ్ ॥

ఏకచత్వారింశదశకమ్ (౪౧) – పూతనాదహనం తథా కృష్ణలాలనాహ్లాదమ్ ।

వ్రజేశ్వరః శౌరివచో నిశమ్య సమావ్రజన్నధ్వని భీతచేతాః ।
నిష్పిష్టనిశ్శేషతరుం నిరీక్ష్య కఞ్చిత్పదార్థం శరణం గతస్త్వామ్ ॥ ౪౧-౧ ॥

నిశమ్య గోపీవచనాదుదన్తం సర్వేఽపి గోపా భయవిస్మయాన్ధాః ।
త్వత్పాతితం ఘోరపిశాచదేహం దేహుర్విదూరేఽథ కుఠారకృత్తమ్ ॥ ౪౧-౨ ॥

త్వత్పీతపూతస్తనతచ్ఛరీరా-త్సముచ్చలన్నుచ్చతరో హి ధూమః ।
శఙ్కామధాదాగరవః కిమేష కిం చాన్దనో గౌల్గులవోఽథవేతి ॥ ౪౧-౩ ॥

మదఙ్గసఙ్గస్య ఫలం న దూరే క్షణేన తావద్భవతామపి స్యాత్ ।
ఇత్యుల్లపన్వల్లవతల్లజేభ్యస్త్వం పూతనామాతనుథాస్సుగన్ధిమ్ ॥ ౪౧-౪ ॥

చిత్రం పిశాచ్యా న హతః కుమారశ్చిత్రం పురైవాకథి శౌరిణేదమ్ ।
ఇతి ప్రశంసన్కిల గోపలోకో భవన్ముఖాలోకరసే న్యమాఙ్క్షీత్ ॥ ౪౧-౫ ॥

దినే దినేఽథ ప్రతివృద్ధలక్ష్మీరక్షీణమాఙ్గల్యశతో వ్రజోఽయమ్ ।
భవన్నివాసాదయి వాసుదేవ ప్రమోదసాన్ద్రః పరితో విరేజే ॥ ౪౧-౬ ॥

గృహేషు తే కోమలరూపహాసమిథః కథాసఙ్కులితాః కమన్యః ।
వృత్తేషు కృత్యేషు భవన్నిరీక్షాసమాగతాః ప్రత్యహమత్యనన్దన్ ॥ ౪౧-౭ ॥

అహో కుమారో మయి దత్తదృష్టిః స్మితం కృతం మాం ప్రతి వత్సకేన ।
ఏహ్యేహి మామిత్యుపసార్య పాణిం త్వయీశ కిం కిం న కృతం వధూభిః ॥ ౪౧-౮ ॥

భవద్వపుఃస్పర్శనకౌతుకేన కరాత్కరం గోపవధూజనేన ।
నీతస్త్వమాతామ్రసరోజమాలా-వ్యాలంబిలోలంబతులామలాసీః ॥ ౪౧-౯ ॥

నిపాయయన్తీ స్తనమఙ్కగం త్వాం విలోకయన్తీ వదనం హసన్తీ ।
దశాం యశోదా కతమాన్న భేజే స తాదృశః పాహి హరే గదాన్మామ్ ॥ ౪౧-౧౦ ॥

See Also  1000 Names Of Sri Shanmukha » Sadyojata Mukha Sahasranamavali 5 In Telugu

ఇతి ఏకచత్వారింశదశకం సమాప్తమ్ ।

– Chant Stotras in other Languages –

Narayaniyam Ekacatvarimsadasakam in EnglishKannada – Telugu – Tamil