Narayaniyam Ekacatvarimsadasakam In Kannada – Narayaneyam Dasakam 41

Narayaniyam Ekacatvarimsadasakam in Kannada:

॥ ನಾರಾಯಣೀಯಂ ಏಕಚತ್ವಾರಿಂಶದಶಕಮ್ ॥

ನಾರಾಯಣೀಯಂ ಏಕಚತ್ವಾರಿಂಶದಶಕಮ್ (೪೧) – ಪೂತನಾದಹನಂ ತಥಾ ಕೃಷ್ಣಲಾಲನಾಹ್ಲಾದಮ್ ।

ವ್ರಜೇಶ್ವರಃ ಶೌರಿವಚೋ ನಿಶಮ್ಯ ಸಮಾವ್ರಜನ್ನಧ್ವನಿ ಭೀತಚೇತಾಃ ।
ನಿಷ್ಪಿಷ್ಟನಿಶ್ಶೇಷತರುಂ ನಿರೀಕ್ಷ್ಯ ಕಞ್ಚಿತ್ಪದಾರ್ಥಂ ಶರಣಂ ಗತಸ್ತ್ವಾಮ್ ॥ ೪೧-೧ ॥

ನಿಶಮ್ಯ ಗೋಪೀವಚನಾದುದನ್ತಂ ಸರ್ವೇಽಪಿ ಗೋಪಾ ಭಯವಿಸ್ಮಯಾನ್ಧಾಃ ।
ತ್ವತ್ಪಾತಿತಂ ಘೋರಪಿಶಾಚದೇಹಂ ದೇಹುರ್ವಿದೂರೇಽಥ ಕುಠಾರಕೃತ್ತಮ್ ॥ ೪೧-೨ ॥

ತ್ವತ್ಪೀತಪೂತಸ್ತನತಚ್ಛರೀರಾ-ತ್ಸಮುಚ್ಚಲನ್ನುಚ್ಚತರೋ ಹಿ ಧೂಮಃ ।
ಶಙ್ಕಾಮಧಾದಾಗರವಃ ಕಿಮೇಷ ಕಿಂ ಚಾನ್ದನೋ ಗೌಲ್ಗುಲವೋಽಥವೇತಿ ॥ ೪೧-೩ ॥

ಮದಙ್ಗಸಙ್ಗಸ್ಯ ಫಲಂ ನ ದೂರೇ ಕ್ಷಣೇನ ತಾವದ್ಭವತಾಮಪಿ ಸ್ಯಾತ್ ।
ಇತ್ಯುಲ್ಲಪನ್ವಲ್ಲವತಲ್ಲಜೇಭ್ಯಸ್ತ್ವಂ ಪೂತನಾಮಾತನುಥಾಸ್ಸುಗನ್ಧಿಮ್ ॥ ೪೧-೪ ॥

ಚಿತ್ರಂ ಪಿಶಾಚ್ಯಾ ನ ಹತಃ ಕುಮಾರಶ್ಚಿತ್ರಂ ಪುರೈವಾಕಥಿ ಶೌರಿಣೇದಮ್ ।
ಇತಿ ಪ್ರಶಂಸನ್ಕಿಲ ಗೋಪಲೋಕೋ ಭವನ್ಮುಖಾಲೋಕರಸೇ ನ್ಯಮಾಙ್ಕ್ಷೀತ್ ॥ ೪೧-೫ ॥

ದಿನೇ ದಿನೇಽಥ ಪ್ರತಿವೃದ್ಧಲಕ್ಷ್ಮೀರಕ್ಷೀಣಮಾಙ್ಗಲ್ಯಶತೋ ವ್ರಜೋಽಯಮ್ ।
ಭವನ್ನಿವಾಸಾದಯಿ ವಾಸುದೇವ ಪ್ರಮೋದಸಾನ್ದ್ರಃ ಪರಿತೋ ವಿರೇಜೇ ॥ ೪೧-೬ ॥

ಗೃಹೇಷು ತೇ ಕೋಮಲರೂಪಹಾಸಮಿಥಃ ಕಥಾಸಙ್ಕುಲಿತಾಃ ಕಮನ್ಯಃ ।
ವೃತ್ತೇಷು ಕೃತ್ಯೇಷು ಭವನ್ನಿರೀಕ್ಷಾಸಮಾಗತಾಃ ಪ್ರತ್ಯಹಮತ್ಯನನ್ದನ್ ॥ ೪೧-೭ ॥

ಅಹೋ ಕುಮಾರೋ ಮಯಿ ದತ್ತದೃಷ್ಟಿಃ ಸ್ಮಿತಂ ಕೃತಂ ಮಾಂ ಪ್ರತಿ ವತ್ಸಕೇನ ।
ಏಹ್ಯೇಹಿ ಮಾಮಿತ್ಯುಪಸಾರ್ಯ ಪಾಣಿಂ ತ್ವಯೀಶ ಕಿಂ ಕಿಂ ನ ಕೃತಂ ವಧೂಭಿಃ ॥ ೪೧-೮ ॥

ಭವದ್ವಪುಃಸ್ಪರ್ಶನಕೌತುಕೇನ ಕರಾತ್ಕರಂ ಗೋಪವಧೂಜನೇನ ।
ನೀತಸ್ತ್ವಮಾತಾಮ್ರಸರೋಜಮಾಲಾ-ವ್ಯಾಲಂಬಿಲೋಲಂಬತುಲಾಮಲಾಸೀಃ ॥ ೪೧-೯ ॥

ನಿಪಾಯಯನ್ತೀ ಸ್ತನಮಙ್ಕಗಂ ತ್ವಾಂ ವಿಲೋಕಯನ್ತೀ ವದನಂ ಹಸನ್ತೀ ।
ದಶಾಂ ಯಶೋದಾ ಕತಮಾನ್ನ ಭೇಜೇ ಸ ತಾದೃಶಃ ಪಾಹಿ ಹರೇ ಗದಾನ್ಮಾಮ್ ॥ ೪೧-೧೦ ॥

See Also  Narayaniyam Satsaptatitamadasakam In English – Narayaneyam Dasakam 76

ಇತಿ ಏಕಚತ್ವಾರಿಂಶದಶಕಂ ಸಮಾಪ್ತಮ್ ॥

– Chant Stotras in other Languages –

Narayaniyam Ekacatvarimsadasakam in English – Kannada – TeluguTamil