Narayaniyam Ekasaptatitamadasakam In Kannada – Narayaneyam Dasakam 71

Narayaniyam Ekasaptatitamadasakam in Kannada:

॥ ನಾರಾಯಣೀಯಂ ಏಕಸಪ್ತತಿತಮದಶಕಮ್ ॥

ನಾರಾಯಣೀಯಂ ಏಕಸಪ್ತತಿತಮದಶಕಮ್ (೭೧) – ಕೇಶೀ ತಥಾ ವ್ಯೋಮಾಸುರವಧಮ್

ಯತ್ನೇಷು ಸರ್ವೇಷ್ವಪಿ ನಾವಕೇಶೀ ಕೇಶೀ ಸ ಭೋಜೇಶಿತುರಿಷ್ಟಬನ್ಧುಃ ।
ತ್ವಂ ಸಿನ್ಧುಜಾವಾಪ್ಯ ಇತೀವ ಮತ್ವಾ ಸಮ್ಪ್ರಾಪ್ತವಾನ್ಸಿನ್ಧುಜವಾಜಿರೂಪಃ ॥ ೭೧-೧ ॥

ಗನ್ಧರ್ವತಾಮೇಷ ಗತೋಽಪಿ ರೂಕ್ಷೈರ್ನಾದೈಃ ಸಮುದ್ವೇಜಿತಸರ್ವಲೋಕಃ ।
ಭವದ್ವಿಲೋಕಾವಧಿ ಗೋಪವಾಟೀಂ ಪ್ರಮರ್ದ್ಯ ಪಾಪಃ ಪುನರಾಪತತ್ತ್ವಾಮ್ ॥ ೭೧-೨ ॥

ತಾರ್ಕ್ಷ್ಯಾರ್ಪಿತಾಙ್ಘ್ರೇಸ್ತವ ತಾರ್ಕ್ಷ್ಯ ಏಷ ಚಿಕ್ಷೇಪ ವಕ್ಷೋಭುವಿ ನಾಮ ಪಾದಮ್ ।
ಭೃಗೋಃ ಪದಾಘಾತಕಥಾಂ ನಿಶಮ್ಯ ಸ್ವೇನಾಪಿ ಶಕ್ಯಂ ತದಿತೀವ ಮೋಹಾತ್ ॥ ೭೧-೩ ॥

ಪ್ರವಞ್ಚಯನ್ನಸ್ಯ ಖುರಾಞ್ಚಲಂ ದ್ರಾಗಮುಂ ಚ ಚಿಕ್ಷೇಪಿಥ ದೂರದೂರಮ್ ।
ಸಮ್ಮೂರ್ಛಿತೋಽಪಿ ಹ್ಯತಿಮೂರ್ಛಿತೇನ ಕ್ರೋಧೋಷ್ಮಣಾ ಖಾದಿತುಮಾದ್ರುತಸ್ತ್ವಾಮ್ ॥ ೭೧-೪ ॥

ತ್ವಂ ವಾಹದಣ್ಡೇ ಕೃತಧೀಶ್ಚ ವಾಹಾದಣ್ಡಂ ನ್ಯಧಾಸ್ತಸ್ಯ ಮುಖೇ ತದಾನೀಮ್ ।
ತದ್ವೃದ್ಧಿರುದ್ಧಶ್ವಸನೋ ಗತಾಸುಃ ಸಪ್ತೀಭವನ್ನಪ್ಯಯಮೈಕ್ಯಮಾಗಾತ್ ॥ ೭೧-೫ ॥

ಆಲಂಭಮಾತ್ರೇಣ ಪಶೋಃ ಸುರಾಣಾಂ ಪ್ರಸಾದಕೇ ನೂತ್ನ ಇವಾಶ್ವಮೇಧೇ ।
ಕೃತೇ ತ್ವಯಾ ಹರ್ಷವಶಾತ್ಸುರೇನ್ದ್ರಾಸ್ತ್ವಾಂ ತುಷ್ಟುವುಃ ಕೇಶವನಾಮಧೇಯಮ್ ॥ ೭೧-೬ ॥

ಕಂಸಾಯ ತೇ ಶೌರಿಸುತತ್ವಮುಕ್ತ್ವಾ ತಂ ತದ್ವಧೋತ್ಕಂ ಪ್ರತಿರುಧ್ಯ ವಾಚಾ ।
ಪ್ರಾಪ್ತೇನ ಕೇಶಿಕ್ಷಪಣಾವಸಾನೇ ಶ್ರೀನಾರದೇನ ತ್ವಮಭಿಷ್ಟುತೋಽಭೂಃ ॥ ೭೧-೭ ॥

ಕದಾಪಿ ಗೋಪೈಃ ಸಹ ಕಾನನಾನ್ತೇ ನಿಲಾಯನಕ್ರೀಡನಲೋಲುಪಂ ತ್ವಾಮ್ ।
ಮಯಾತ್ಮಜಃ ಪ್ರಾಪ ದುರನ್ತಮಾಯೋ ವ್ಯೋಮಾಭಿಧೋ ವ್ಯೋಮಚರೋಪರೋಧೀ ॥ ೭೧-೮ ॥

ಸ ಚೋರಪಾಲಾಯಿತವಲ್ಲವೇಷು ಚೋರಾಯಿತೋ ಗೋಪಶಿಶೂನ್ಪಶೂಂಶ್ಚ ।
ಗುಹಾಸು ಕೃತ್ವಾ ಪಿದಧೇ ಶಿಲಾಭಿಸ್ತ್ವಯಾ ಚ ಬುದ್ಧ್ವಾ ಪರಿಮರ್ದಿತೋಽಭೂತ್ ॥ ೭೧-೯ ॥

ಏವಂವಿಧೈಶ್ಚಾದ್ಭುತಕೇಲಿಭೇದೈರಾನನ್ದಮೂರ್ಛಾಮತುಲಾಂ ವ್ರಜಸ್ಯ ।
ಪದೇ ಪದೇ ನೂತನಯನ್ನಸೀಮಾಂ ಪರಾತ್ಮರೂಪಿನ್ ಪವನೇಶ ಪಾಯಾಃ ॥ ೭೧-೧೦ ॥

See Also  Ashtamurti Ashtakam In Kannada

ಇತಿ ಏಕಚತ್ವಾರಿಂಶದಶಕಂ ಸಮಾಪ್ತಮ್ ।

– Chant Stotras in other Languages –

Narayaneeyam Ekasaptatitamadasakam in English – Kannada – TeluguTamil