Narayaniyam Satcatvarimsadasakam in Telugu:

॥ నారాయణీయం షట్చత్వారింశదశకమ్ ॥

షట్చత్వారింశదశకమ్ (౪౬) – విశ్వరూపదర్శనమ్

అయి దేవ పురా కిల త్వయి స్వయముత్తానశయే స్తనన్ధయే ।
పరిజృంభణతో వ్యపావృతే వదనే విశ్వమచష్ట వల్లవీ ॥ ౪౬-౧ ॥

పునరప్యథ బాలకైః సమం త్వయి లీలానిరతే జగత్పతే ।
ఫలసఞ్చయవఞ్చనకృధా తవ మృద్భోజనమూచురర్భకాః ॥ ౪౬-౨ ॥

అయి తే ప్రలయావధౌ విభో క్షితితోయాదిసమస్తభక్షిణః ।
మృదుపాశనతో రుజా భవేదితి భీతా జననీ చుకోప సా ॥ ౪౬-౩ ॥

అయి దుర్వినయాత్మక త్వయా కిము మృత్సా బత వత్స భక్షితా ।
ఇతి మాతృగిరం చిరం విభో వితథాం త్వం ప్రతిజజ్ఞిషే హసన్ ॥ ౪౬-౪ ॥

అయి తే సకలైర్వినిశ్చితే విమతిశ్చేద్వదనం విదార్యతామ్ ।
ఇతి మాతృవిభర్త్సితో ముఖం వికసత్పద్మనిభం వ్యదారయః ॥ ౪౬-౫ ॥

అపి మృల్లవదర్శనోత్సుకాం జననీం తాం బహు తర్పయన్నివ ।
పృథివీం నిఖిలాం న కేవలం భువనాన్యప్యఖిలాన్యదీదృశః ॥ ౪౬-౬ ॥

కుహచిద్వనమంబుధిః క్వచిత్ క్వచిదభ్రం కుహచిద్రసాతలమ్ ।
మనుజా దనుజాః క్వచిత్సురా దదృశే కిం న తదా త్వదాననే ॥ ౪౬-౭ ॥

కలశాంబుధిశాయినం పునః పరవైకుణ్ఠపదాధివాసినమ్ ।
స్వపురశ్చ నిజార్భకాత్మకం కతిధా త్వాం న దదర్శ సా ముఖే ॥ ౪౬-౮ ॥

వికసద్భువనే ముఖోదరే నను భూయోఽపి తథావిధాననః ।
అనయా స్ఫుటమీక్షితో భవాననవస్థాం జగతాం బతాతనోత్ ॥ ౪౬-౯ ॥

ధృతతత్త్వధియం తదా క్షణం జననీం తాం ప్రణయేన మోహయన్ ।
స్తనమంబ దిశేత్యుపాసజన్ భగవన్నద్భుతబాల పాహి మామ్ ॥ ౪౬-౧౦ ॥

ఇతి షట్చత్వారింశదశకం సమాప్తమ్ ।

– Chant Stotras in other Languages –

Narayaniyam Satcatvarimsadasakam in English – Kannada – Telugu – Tamil