Narayaniyam Satpancasattama Dasakam In Kannada – Narayaneyam Dasakam 56

Narayaniyam Satpancasattama Dasakam in Kannada:

॥ ನಾರಾಯಣೀಯಂ ಷಟ್ಪಞ್ಚಾಶತ್ತಮದಶಕಮ್ ॥

ನಾರಾಯಣೀಯಂ ಷಟ್ಪಞ್ಚಾಶತ್ತಮದಶಕಮ್ (೫೬) – ಕಾಲಿಯಗರ್ವಶಮನಂ ತಥಾ ಭಗವದನುಗ್ರಹಮ್ ।

ರುಚಿರಕಮ್ಪಿತಕುಣ್ಡಲಮಣ್ಡಲಃ
ಸುಚಿರಮೀಶ ನನರ್ತಿಥ ಪನ್ನಗೇ ।
ಅಮರತಾಡಿತದುನ್ದುಭಿಸುನ್ದರಂ
ವಿಯತಿ ಗಾಯತಿ ದೈವತಯೌವತೇ ॥ ೫೬-೧ ॥

ನಮತಿ ಯದ್ಯದಮುಷ್ಯ ಶಿರೋ ಹರೇ
ಪರಿವಿಹಾಯ ತದುನ್ನತಮುನ್ನತಮ್ ।
ಪರಿಮಥನ್ಪದಪಙ್ಕರುಹಾ ಚಿರಂ
ವ್ಯಹರಥಾಃ ಕರತಾಲಮನೋಹರಮ್ ॥ ೫೬-೨ ॥

ತ್ವದವಭಗ್ನವಿಭುಗ್ನಫಣಾಗಣೇ
ಗಲಿತಶೋಣಿತಶೋಣಿತಪಾಥಸಿ ।
ಫಣಿಪತಾವವಸೀದತಿ ಸನ್ನತಾ-
ಸ್ತದಬಲಾಸ್ತವ ಮಾಧವ ಪಾದಯೋಃ ॥ ೫೬-೩ ॥

ಅಯಿ ಪುರೈವ ಚಿರಾಯ ಪರಿಶ್ರುತ-
ತ್ವದನುಭಾವವಿಲೀನಹೃದೋ ಹಿ ತಾಃ ।
ಮುನಿಭಿರಪ್ಯನವಾಪ್ಯಪಥೈಃ ಸ್ತವೈ-
ರ್ನುನುವುರೀಶ ಭವನ್ತಮಯನ್ತ್ರಿತಮ್ ॥ ೫೬-೪ ॥

ಫಣಿವಧೂಜನಭಕ್ತಿವಿಲೋಕನ-
ಪ್ರವಿಕಸತ್ಕರುಣಾಕುಲಚೇತಸಾ ।
ಫಣಿಪತಿರ್ಭವತಾಚ್ಯುತ ಜೀವಿತ-
ಸ್ತ್ವಯಿ ಸಮರ್ಪಿತಮೂರ್ತಿರವಾನಮತ್ ॥ ೫೬-೫ ॥

ರಮಣಕಂ ವ್ರಜ ವಾರಿಧಿಮಧ್ಯಗಂ
ಫಣಿರಿಪುರ್ನ ಕರೋತಿ ವಿರೋಧಿತಾಮ್ ।
ಇತಿ ಭವದ್ವಚನಾನ್ಯತಿಮಾನಯನ್
ಫಣಿಪತಿರ್ನಿರಗಾದುರಗೈಃ ಸಮಮ್ ॥ ೫೬-೬ ॥

ಫಣಿವಧೂಜನದತ್ತಮಣಿವ್ರಜ-
ಜ್ವಲಿತಹಾರದುಕೂಲವಿಭೂಷಿತಃ ।
ತಟಗತೈಃ ಪ್ರಮದಾಶ್ರುವಿಮಿಶ್ರಿತೈಃ
ಸಮಗಥಾಃ ಸ್ವಜನೈರ್ದಿವಸಾವಧೌ ॥ ೫೬-೭ ॥

ನಿಶಿ ಪುನಸ್ತಮಸಾ ವ್ರಜಮನ್ದಿರಂ
ವ್ರಜಿತುಮಕ್ಷಮ ಏವ ಜನೋತ್ಕರೇ ।
ಸ್ವಪತಿ ತತ್ರ ಭವಚ್ಚರಣಾಶ್ರಯೇ
ದವಕೃಶಾನುರರುನ್ಧ ಸಮನ್ತತಃ ॥ ೫೬-೮ ॥

ಪ್ರಬುಧಿತಾನಥ ಪಾಲಯ ಪಾಲಯೇ-
ತ್ಯುದಯದಾರ್ತರವಾನ್ ಪಶುಪಾಲಕಾನ್ ।
ಅವಿತುಮಾಶು ಪಪಾಥ ಮಹಾನಲಂ
ಕಿಮಿಹ ಚಿತ್ರಮಯಂ ಖಲು ತೇ ಮುಖಮ್ ॥ ೫೬-೯ ॥

ಶಿಖಿನಿ ವರ್ಣತ ಏವ ಹಿ ಪೀತತಾ
ಪರಿಲಸತ್ಯುಧನಾ ಕ್ರಿಯಯಾಽಪ್ಯಸೌ ।
ಇತಿ ನುತಃ ಪಶುಪೈರ್ಮುದಿತೈರ್ವಿಭೋ
ಹರ ಹರೇ ದುರಿತೈಃ ಸಹ ಮೇ ಗದಾನ್ ॥ ೫೬-೧೦ ॥

See Also  Sri Rama Pancharatnam In Kannada

ಇತಿ ಷಟ್ಪಞ್ಚಾಶತ್ತಮದಶಕಂ ಸಮಾಪ್ತಂ

– Chant Stotras in other Languages –

Narayaniyam Satpancasattama Dasakam in English – Kannada – TeluguTamil