Narayaniyam Tripancasattamadasakam in Telugu:

॥ నారాయణీయం త్రిపఞ్చాశత్తమదశకమ్ ॥

త్రిపఞ్చాశత్తమదశకమ్ (౫౩) – ధేనుకాసురవధమ్

అతీత్య బాల్యం జగతాం పతే త్వముపేత్య పౌగణ్డవయో మనోజ్ఞమ్ ।
ఉపేక్ష్య వత్సావనముత్సవేన ప్రావర్తథా గోగణపాలనాయామ్ ॥ ౫౩-౧ ॥

ఉపక్రమస్యానుగుణైవ సేయం మరుత్పురాధీశ తవ ప్రవృత్తిః ।
గోత్రాపరిత్రాణకృతేఽవతీర్ణస్తదేవ దేవారభథాస్తదా యత్ ॥ ౫౩-౨ ॥

కదాపి రామేణ సమం వనాన్తే వనశ్రియం వీక్ష్య చరన్సుఖేన ।
శ్రీదామనామ్నః స్వసఖస్య వాచా మోదాదగా ధేనుకకాననం త్వమ్ ॥ ౫౩-౩ ॥

ఉత్తాలతాలీనివహే త్వదుక్త్యా బలేన ధూతేఽథ బలేన దోర్భ్యామ్ ।
మృదుః ఖరశ్చాభ్యపతత్పురస్తాత్ ఫలోత్కరో ధేనుకదానవోఽపి ॥ ౫౩-౪ ॥

సముద్యతో ధైనుకపాలనేఽహం కథం వధం ధైనుకమద్య కుర్వే ।
ఇతీవ మత్వా ధ్రువమగ్రజేన సురౌఘయోద్ధారమజీఘనస్త్వమ్ ॥ ౫౩-౫ ॥

తదీయభృత్యానపి జంబుకత్వేనోపాగతానగ్రజసంయుతస్త్వమ్ ।
జంబూఫలానీవ తదా నిరాస్థస్తాలేషు ఖేలన్భగవన్ నిరాస్థః ॥ ౫౩-౬ ॥

వినిఘ్నతి త్వయ్యథ జంబుకౌఘం సనామకత్వాద్వరుణస్తదానీమ్ ।
భయాకులో జంబుకనామధేయం శ్రుతిప్రసిద్ధం వ్యధితేతి మన్యే ॥ ౫౩-౭ ॥

తవావతారస్య ఫలం మురారే సఞ్జాతమద్యేతి సురైర్నుతస్త్వమ్ ।
సత్యం ఫలం జాతమిహేతి హాసీ బాలైః సమం తాలఫలాన్యభుఙ్క్థాః ॥ ౫౩-౮ ॥

మధుద్రవస్రున్తి బృహన్తి తాని ఫలాని మేదోభరభృన్తి భుక్త్వా ।
తృప్తైశ్చ దృప్తైర్భవనం ఫలౌఘం వహద్భిరాగాః ఖలు బాలకైస్త్వమ్ ॥ ౫౩-౯ ॥

హతో హతో ధేనుక ఇత్యుపేత్య ఫలాన్యదద్భిర్మధురాణి లోకైః ।
జయేతి జీవేతి నుతో విభో త్వం మరుత్పురాధీశ్వర పాహి రోగాత్ ॥ ౫౩-౧౦ ॥

ఇతి త్రిపఞ్చాశత్తమదశకం సమాప్తమ్ ।

– Chant Stotras in other Languages –

Narayaniyam Tripancasattamadasakam in English – Kannada – Telugu – Tamil