॥ Navastakam Bengali Lyrics ॥
॥ নবাষ্টকম্ ॥
গৌরীং গোষ্ঠবনেশ্বরীং গিরিধরপ্রানাধিকপ্রেয়সীং
স্বীয়প্রাণপরার্ধপুষ্পপটলীনির্মঞ্ছ্যতত্পদ্ধতিম্ ।
প্রেম্ণা প্রানবয়স্যয়া ললিতয়া সংলালিতাং নর্মভিঃ
সিক্তাং সুষ্ঠু বিশাখয়া ভজ মনো রাধামগাধাং রসৈঃ ॥ ১ ॥
স্বীয়প্রেষ্ঠসরোবরান্তিকবলত্কুঞ্জান্তরে সৌরভো-
ত্ফুল্লত্পুষ্পমরন্দলুব্ধমধুপশ্রেণীধ্বনিভ্রাজিতে ।
মাদ্যন্মন্মথরাজ্যকার্যমসকৃদ্সম্ভালয়ন্তীং স্মরা-
মাত্যশ্রীহরিণা সমং ভজ মনো রাধামগাধাং রসৈঃ ॥ ২ ॥
কৃষ্ণাপঙ্গতরঙ্গতুঙ্গিততরানঙ্গাসুরঙ্গাং গিরং
ভঙ্গ্যা লঙ্গিমসঙ্গরে বিদধতীং ভঙ্গং নু তদ্রঙ্গিণঃ ।
ফুল্লত্স্মেরসখীনিকায়নিহিতস্বাশীঃসুধাস্বাদন
লব্ধোন্মাদধুরোদ্ধুরাং ভজ মনো রাধামগাধাং রসৈঃ ॥ ৩ ॥
জিত্বা পাশককেলিসঙ্গরতরে নির্বাদবিম্বাধরং
স্মিত্বা দ্বিঃ পণিতং ধয়ত্যঘহরে সানন্দগর্বোদ্ধুরে ।
ঈষাছোণদৃগন্তকোণমুদয়দ্রোমঞ্চকম্পস্মিতং
নিঘ্নন্তীং কমলেন তং ভজ মনো রাধামগাধাং রসৈঃ ॥ ৪ ॥
অংসে ন্যস্য করং পরং বকরিপোর্বাঢং সুসখ্যোন্মদাং
পশ্যন্তীং নবকাননশ্রিয়মিমামুদ্যদ্বসন্তোদ্ভবাম্ ।
প্রীত্যা তত্র বিশাখয়া কিশলয়ং নব্যং বিকীর্ণং প্রিয়-
শ্রোত্রে দ্রাগ্দধতীং মুদা ভজ মনো রাধামগাধাং রসৈঃ ॥ ৫ ॥
মিথ্যাস্বাপমনল্পপুষ্পশয়নে গোবর্ধনাদ্রের্গুহা-
মধ্যে প্রাগ্দধতো হরের্মুরলিকাং হৃত্বা হরন্তীং স্রজম্ ।
স্মিত্বা তেন গৃহীতকণ্ঠনিকটাং ভীত্যাপসারোত্সুকাং
হস্তাভ্যাং দমিতস্তনীং ভজ মনো রাধামগাধাং রসৈঃ ॥ ৬ ॥
তূর্ণং গাঃ পুরতো বিধায় সখিভিঃ পূর্ণং বিশন্তং ব্রজে
ঘূর্ণদ্যৌবতকাঙ্ক্ষিতাক্ষিনটনৈঃ পশ্যন্তমস্যা মুখম্ ।
শ্যামং শ্যামদৃগন্তবিভ্রমভরৈরান্দোলয়ন্তীতরাং
পদ্মাম্লানিকরোদয়াং ভজ মনো রাধামগাধাং রসৈঃ ॥ ৭ ॥
প্রোদ্যত্কান্তিভরেণ বল্লববধূতারাঃ পরার্ধাত্পরাঃ
কুর্বাণাং মলিনঃ সদোজ্জ্বলরসে রাসে লসন্তীরপি ।
গোষ্ঠারণ্যবরেণ্যধন্যগগনে গত্যানুরাধাশ্রিতাং
গোবিন্দেন্দুবিরাজিতাং ভজ মনো রাধামগাধাং রসৈঃ ॥ ৮ ॥
প্রীত্যা সুষ্ঠু নবাষ্টকং পটুমতির্ভূমৌ নিপত্য স্ফুটং
কাক্বা গদ্গদনিস্বনেন নিয়তং পূর্ণং পঠেদ্যঃ কৃতী ।
ঘূর্ণন্মত্তমুকুন্দভৃঙ্গবিলসদ্রাধাসুধাবল্লরীং
সেবোদ্রেকরসেণ গোষ্ঠবিপিনে প্রেম্ণা স তাং সিঞ্চতি ॥ ৯ ॥
ইতি শ্রীরঘুনাথদাসগোস্বামিবিরচিতস্তবাবল্যাং
নবাষ্টকম্ সম্পূর্ণম্ ।
– Chant Stotra in Other Languages –
Navastakam Lyrics in Sanskrit » English » Gujarati » Kannada » Malayalam » Odia » Telugu » Tamil