॥ Dasa Sloki or Nirvana Dasakam Malayalam Lyrics ॥
॥ നിര്വാണ ദസകം ॥
ശിവായ നമഃ ॥
നിര്വാണദശകം ।
ന ഭൂമിര്ന തോയം ന തേജോ ന വായുര്ന ഖം നേന്ദ്രിയം വാ ന തേഷാം സമൂഹഃ ।
അനൈകാന്തികത്വാത്സുഷുപ്ത്യൈകസിദ്ധസ്തദേകോഽവശിഷ്ടഃ ശിവഃ കേവലോഽഹം ॥ ൧ ॥
ന വര്ണാ ന വര്ണാശ്രമാചാരധര്മാ ന മേ ധാരണാധ്യാനയോഗാദയോഽപി ।
അനാത്മാശ്രയോഽഹം മമാധ്യാസഹാനാത്തദേകോഽവശിഷ്ടഃ ശിവഃ കേവലോഽഹം ॥ ൨ ॥
ന മാതാ പിതാ വാ ന ദേവാ ന ലോകാ ന വേദാ ന യജ്ഞാ ന തീര്ഥം ബ്രുവന്തി ।
സുഷുപ്തൗ നിരസ്താതിശൂന്യാത്മകത്വാത്തദേകോഽവശിഷ്ടഃ ശിവഃ കേവലോഽഹം ॥ ൩ ॥
ന സാങ്ഖ്യം ന ശൈവം ന തത്പാഞ്ചരാത്രം ന ജൈനം ന മീമാംസകാദേര്മതം വാ ।
വിശിഷ്ടാനുഭൂത്യാ വിശുദ്ധാത്മകത്വാത്തദേകോഽവശിഷ്ടഃ ശിവഃ കേവലോഽഹം ॥ ൪ ॥
ന ശുക്ലം ന കൃഷ്ണം ന രക്തം ന പീതം ന പീനം ന കുഞ്ജം ന ഹ്രസ്വം ന ദീര്ഘം ।
അരൂപം തഥാ ജ്യോതിരാകാരകത്വാത്തദേകോഽവശിഷ്ടഃ ശിവഃ കേവലോഽഹം ॥ ൫ ॥
ന ജാഗ്രന്ന മേ സ്വപ്നകോ വാ സുപുപ്തിര്ന വിശ്വോ ന വാ തൈജസഃ പ്രാജ്ഞകോ വാ ।
അവിദ്യാത്മകത്വാന്ത്രയാണാം തുരീയം തദേകോഽവശിഷ്ടഃ ശിവഃ കേവലോഽഹം ॥ ൬ ॥
ന ശാസ്താ ന ശാസ്ത്രം ന ശിഷ്യോ ന ശിക്ഷാ ന ച ത്വം ന ചാഹം ന ചായം പ്രപഞ്ചഃ ।
സ്വരൂപാവബോധാദ്വികല്പാസഹിഷ്ണുസ്തദേകോഽവശിഷ്ടഃ ശിവഃ കേവലോഽഹം ॥ ൭ ॥
ന ചോര്ധ്വേ ന ചാധോ ന ചാന്തര്ന ബാഹ്യം ന മധ്യം ന തിര്യങ് ന പൂര്വാ പരാദിക് ।
വിയദ്വ്യാപകത്വാദഖണ്ഡൈകരൂപസ്തദേകോഽവശിഷ്ടഃ ശിവഃ കേവലോഽഹം ॥ ൮ ॥
അപി വ്യാപകത്വാദിതത്ത്വാത്പ്രയോഗാത്സ്വതഃ സിദ്ധഭാവാദനന്യാശ്രയത്വാത് ।
ജഗത്തുച്ഛമേതത്സമസ്തം തദന്യസ്തദേകോഽവശിഷ്ടഃ ശിവഃ കേവലോഽഹം ॥ ൯ ॥
ന ചൈകം തദന്യദ്ദ്വിതീയം കുതഃ സ്യാന്ന ചാകേവലത്വം ന വാ കേവലത്വം ।
ന ശൂന്യം ന ചാശൂന്യമദ്വൈതകത്വാത്കഥം സര്വവേദാന്തസിദ്ധം ബ്രവീമി ॥ ൧൦ ॥
ഇതി ശ്രീമച്ഛങ്കരാചാര്യവിരചിതം നിര്വാണദശകസ്തോത്രം സംപൂര്ണം ॥
– Chant Stotra in Other Languages –
Nirvana Dasakam in English – Bengali – Gujarati – Marathi – Kannada – Malayalam – Telugu