॥ Dasa Sloki or Nirvana Dasakam Telugu Lyrics ॥
॥ నిర్వాణ దసకం ॥
శివాయ నమః ॥
నిర్వాణదశకం ।
న భూమిర్న తోయం న తేజో న వాయుర్న ఖం నేన్ద్రియం వా న తేషాం సమూహః ।
అనైకాన్తికత్వాత్సుషుప్త్యైకసిద్ధస్తదేకోఽవశిష్టః శివః కేవలోఽహమ్ ॥ ౧ ॥
న వర్ణా న వర్ణాశ్రమాచారధర్మా న మే ధారణాధ్యానయోగాదయోఽపి ।
అనాత్మాశ్రయోఽహం మమాధ్యాసహానాత్తదేకోఽవశిష్టః శివః కేవలోఽహమ్ ॥ ౨ ॥
న మాతా పితా వా న దేవా న లోకా న వేదా న యజ్ఞా న తీర్థం బ్రువన్తి ।
సుషుప్తౌ నిరస్తాతిశూన్యాత్మకత్వాత్తదేకోఽవశిష్టః శివః కేవలోఽహమ్ ॥ ౩ ॥
న సాఙ్ఖ్యం న శైవం న తత్పాఞ్చరాత్రం న జైనం న మీమాంసకాదేర్మతం వా ।
విశిష్టానుభూత్యా విశుద్ధాత్మకత్వాత్తదేకోఽవశిష్టః శివః కేవలోఽహమ్ ॥ ౪ ॥
న శుక్లం న కృష్ణం న రక్తం న పీతం న పీనం న కుఞ్జం న హ్రస్వం న దీర్ఘమ్ ।
అరూపం తథా జ్యోతిరాకారకత్వాత్తదేకోఽవశిష్టః శివః కేవలోఽహమ్ ॥ ౫ ॥
న జాగ్రన్న మే స్వప్నకో వా సుపుప్తిర్న విశ్వో న వా తైజసః ప్రాజ్ఞకో వా ।
అవిద్యాత్మకత్వాన్త్రయాణాం తురీయం తదేకోఽవశిష్టః శివః కేవలోఽహమ్ ॥ ౬ ॥
న శాస్తా న శాస్త్రం న శిష్యో న శిక్షా న చ త్వం న చాహం న చాయం ప్రపఞ్చః ।
స్వరూపావబోధాద్వికల్పాసహిష్ణుస్తదేకోఽవశిష్టః శివః కేవలోఽహమ్ ॥ ౭ ॥
న చోర్ధ్వే న చాధో న చాన్తర్న బాహ్యం న మధ్యం న తిర్యఙ్ న పూర్వా పరాదిక్ ।
వియద్వ్యాపకత్వాదఖణ్డైకరూపస్తదేకోఽవశిష్టః శివః కేవలోఽహమ్ ॥ ౮ ॥
అపి వ్యాపకత్వాదితత్త్వాత్ప్రయోగాత్స్వతః సిద్ధభావాదనన్యాశ్రయత్వాత్ ।
జగత్తుచ్ఛమేతత్సమస్తం తదన్యస్తదేకోఽవశిష్టః శివః కేవలోఽహమ్ ॥ ౯ ॥
న చైకం తదన్యద్ద్వితీయం కుతః స్యాన్న చాకేవలత్వం న వా కేవలత్వమ్ ।
న శూన్యం న చాశూన్యమద్వైతకత్వాత్కథం సర్వవేదాన్తసిద్ధం బ్రవీమి ॥ ౧౦ ॥
ఇతి శ్రీమచ్ఛఙ్కరాచార్యవిరచితం నిర్వాణదశకస్తోత్రం సంపూర్ణమ్ ॥
– Chant Stotra in Other Languages –
Nirvana Dasakam in English – Bengali – Gujarati – Marathi – Kannada – Malayalam – Telugu