॥ Nityananda Ashtottara Shatanama Stotram Kannada Lyrics ॥
॥ ನಿತ್ಯಾನನ್ದಾಷ್ಟೋತ್ತರಶತನಾಮಸ್ತೋತ್ರಮ್ ॥
ಶ್ರೀಮಾನ್ನಿತ್ಯಾನನ್ದಚನ್ದ್ರಾಯ ನಮಃ ।
ನಿತ್ಯಾನನ್ದಮಹಂ ವನ್ದೇ ಕರ್ಣೇ ಲಮ್ಬಿತಮೌಕ್ತಿಕಮ್ ।
ಚೈತನ್ಯಾಗ್ರಜರೂಪೇಣ ಪವಿತ್ರೀಕೃತಭೂತಲಮ್ ॥ 1 ॥
ಪ್ರಣಮ್ಯ ಶ್ರೀಜಗನ್ನಾಥಂ ನಿತ್ಯಾನನ್ದಮಹಾಪ್ರಭುಮ್ ।
ನಾಮ್ನಾಮಷ್ಟೋತ್ತರಶತಂ ಪ್ರವಕ್ಷ್ಯಾಮಿ ಮುದಾಕರಮ್ ॥ 2 ॥
ನೀಲಾಮ್ಬರಧರಃ ಶ್ರಿಮಾಲ್ಲಾಂಗಲೀಮುಸಲಪ್ರಿಯಃ ।
ಸಂಕರ್ಷಣಶ್ಚನ್ದ್ರವರ್ಣೋ ಯದೂನಾಂ ಕುಲಮಂಗಲಃ ॥ 3 ॥
ಗೋಪಿಕಾರಮಣೋ ರಾಮೋ ವೃನ್ದಾವನಕಲಾನಿಧಿಃ ।
ಕಾದಮ್ಬರೀಸುಧಾಮತ್ತೋ ಗೋಪಗೋಪೀಗಣಾವೃತಃ ॥ 4 ॥
ಗೋಪೀಮಂಡಲಮಧ್ಯಸ್ಥೋ ರಾಸತಾಂಡವಪಂಡಿತಃ ।
ರಮಣೀರಮಣಃ ಕಾಮೀ ಮದಘೂರ್ಣಿತಲೋಚನಃ ॥ 5 ॥
ರಾಸೋತ್ಸವಪರಿಶ್ರಾನ್ತೋ ಘರ್ಮನೀರಾವೃತಾನನಃ ।
ಕಾಲಿನ್ದೀಭೇದನೋತ್ಸಾಹೀ ನೀರಕ್ರೀಡಾಕುತೂಹಲಃ ॥ 6 ॥
ಗೌರಾಶ್ರಯಃ ಶಮಃ ಶಾನ್ತೋ ಮಾಯಾಮಾನುಷರೂಪಧೃಕ್ ।
ನಿತ್ಯಾನನ್ದಾವಧೂತಶ್ಚ ಯಜ್ಞಸೂತ್ರಧರಃ ಸುಧೀಃ ॥ 7 ॥
ಪತಿತಪ್ರಾಣದಃ ಪೃಥ್ವೀಪಾವನೋ ಭಕ್ತವತ್ಸಲಃ ।
ಪ್ರೇಮಾನನ್ದಮದೋನ್ಮತ್ತಃ ಬ್ರಹ್ಮಾದೀನಾಮಗೋಚರಃ ॥ 8 ॥
ವನಮಾಲಾಧರೋ ಹಾರೀ ರೋಚನಾದಿವಿಭೂಷಿತಃ ।
ನಾಗೇನ್ದ್ರಶುಂಡದೋರ್ದಂಡಸ್ವರ್ಣಕಂಕಣಮಂಡಿತಃ ॥ 9 ॥
ಗೌರಭಕ್ತಿರಸೋಲ್ಲಾಸಶ್ಚಲಚ್ಚಂಚಲನೂಪುರಃ ।
ಗಜೇನ್ದ್ರಗತಿಲಾವಣ್ಯಸಮ್ಮೋಹಿತಜಗಜ್ಜನಃ ॥ 10 ॥
ಸಮ್ವೀತಶುಭಲೀಲಾಧೃಗ್ರೋಮಾಂಚಿತಕಲೇವರಃ ।
ಹೋ ಹೋ ಧ್ವನಿಸುಧಾಶಿಶ್ಚ ಮುಖಚನ್ದ್ರವಿರಾಜಿತಃ ॥ 11 ॥
ಸಿನ್ಧೂರಾರುಣಸುಸ್ನಿಗ್ಧಸುಬಿಮ್ಬಾಧರಪಲ್ಲವಃ ।
ಸ್ವಭಕ್ತಗಣಮಧ್ಯಸ್ಥೋ ರೇವತೀಪ್ರಾಣನಾಯಕಃ ॥ 12 ॥
ಲೌಹದಂಡಧರೋ ಶೃಂಗೀ ವೇಣುಪಾಣಿಃ ಪ್ರತಾಪವಾನ್ ।
ಪ್ರಚಂಡಕೃತಹುಂಕಾರೋ ಮತ್ತಃ ಪಾಷಂಡಮಾರ್ದನಃ ॥ 13 ॥
ಸರ್ವಭಕ್ತಿಮಯೋ ದೇವ ಆಶ್ರಮಾಚಾರವರ್ಜಿತಃ ।
ಗುಣಾತೀತೋ ಗುಣಮಯೋ ಗುಣವಾನ್ ನರ್ತನಪ್ರಿಯಃ ॥ 14 ॥
ತ್ರಿಗುಣಾತ್ಮಾ ಗುಣಗ್ರಾಹೀ ಸಗುಣೋ ಗುಣಿನಾಂ ವರಃ ।
ಯೋಗೀ ಯೋಗವಿಧಾತಾ ಚ ಭಕ್ತಿಯೋಗಪ್ರದರ್ಶಕಃ ॥ 15 ॥
ಸರ್ವಶಕ್ತಿಪ್ರಕಾಶಾಂಗೀ ಮಹಾನನ್ದಮಯೋ ನಟಃ ।
ಸರ್ವಾಗಮಮಯೋ ಧೀರೋ ಜ್ಞಾನದೋ ಮುಕ್ತಿದಃ ಪ್ರಭುಃ ॥ 16 ॥
ಗೌಡದೇಶಪರಿತ್ರಾತಾ ಪ್ರೇಮಾನನ್ದಪ್ರಕಾಶಕಃ ।
ಪ್ರೇಮಾನನ್ದರಸಾನನ್ದೀ ರಾಧಿಕಾಮನ್ತ್ರದೋ ವಿಭುಃ ॥ 17 ॥
ಸರ್ವಮನ್ತ್ರಸ್ವರೂಪಶ್ಚ ಕೃಷ್ಣಪರ್ಯಂಕಸುನ್ದರಃ ।
ರಸಜ್ಞೋ ರಸದಾತಾ ಚ ರಸಭೋಕ್ತಾ ರಸಾಶ್ರಯಃ ॥ 18 ॥
ಬ್ರಹ್ಮೇಶಾದಿಮಹೇನ್ದ್ರಾದ್ಯವನ್ದಿತಶ್ರೀಪದಾಮ್ಬುಜಃ ।
ಸಹಸ್ರಮಸ್ತಕೋಪೇತೋ ರಸಾತಲಸುಧಾಕರಃ ॥ 19 ॥
ಕ್ಷೀರೋದಾರ್ಣವಸಮ್ಭೂತಃ ಕುಂಡಲೈಕಾವತಂಸಕಃ ।
ರಕ್ತೋಪಲಧರಃ ಶುಭ್ರೋ ನಾರಾಯಣಪರಾಯಣಃ ॥ 20 ॥
ಅಪಾರಮಹಿಮಾನನ್ತೋ ನೃದೋಷಾದರ್ಶನಃ ಸದಾ ।
ದಯಾಲುರ್ದುರ್ಗತಿತ್ರಾತಾ ಕೃತಾನ್ತೋ ದುಷ್ಟದೇಹಿನಾಮ್ ॥ 21 ॥
ಮಂಜುದಾಶರಥಿರ್ವೀರೋ ಲಕ್ಷ್ಮಣಃ ಸರ್ವವಲ್ಲಭಃ ।
ಸದೋಜ್ಜ್ವಲೋ ರಸಾನನ್ದೀ ವೃನ್ದಾವನರಸಪ್ರದಃ ॥ 22 ॥
ಪೂರ್ಣಪ್ರೇಮಸುಧಾಸಿನ್ಧುರ್ನಾಟ್ಯಲೀಲಾವಿಶಾರದಃ ।
ಕೋಟೀನ್ದುವೈಭವಃ ಶ್ರೀಮಾನ್ ಜಗದಾಹ್ಲಾದಕಾರಕಃ ॥ 23 ॥
ಗೋಪಾಲಃ ಸರ್ವಪಾಲಶ್ಚ ಸರ್ವಗೋಪಾವತಂಸಕಃ ।
ಮಾಘೇ ಮಾಸಿ ಸಿತೇ ಪಕ್ಷೇ ತ್ರಯೋದಶ್ಯಾಂ ತಿಥೌ ಸದಾ ॥ 24 ॥
ಉಪೋಷಣಂ ಪೂಜನಂ ಚ ಶ್ರೀನಿತ್ಯಾನನ್ದವಾಸರೇ ।
ಯದ್ಯತ್ ಸಃ ಕುರುತೇ ಕಾಮಂ ತತ್ತದೇವ ಲಭೇನ್ನರಃ ॥ 25 ॥
ಅಸಾಧ್ಯರೋಗಯುಕ್ತೋಽಪಿ ಮುಚ್ಯತೇ ಗದಭೀಷಣಾತ್ ।
ಅಪುತ್ರಃ ಸಾಧುಪುತ್ರಂ ಚ ಲಭತೇ ನಾತ್ರ ಸಂಶಯಃ ॥ 26 ॥
ನಿತ್ಯಾನನ್ದಸ್ವರೂಪಸ್ಯ ನಾಮ್ನಾಮಷ್ಟೋತ್ತರಂ ಶತಂ ।
ಯಃ ಪಠೇತ್ ಪ್ರಾತರುತ್ಥಾಯ ಸ ಲಭೇದ್ವಾಂಛಿತಂ ಧ್ರುವಮ್ ॥ 27 ॥
ಇತಿ ಸಾರ್ವಭೌಮ ಭಟ್ಟಾಚಾರ್ಯವಿರಚಿತಂ
ನಿತ್ಯಾನನ್ದಾಷ್ಟೋತ್ತರಶತನಾಮಸ್ತೋತ್ರಂ ಸಮ್ಪೂರ್ಣಮ್ ।
– Chant Stotra in Other Languages –
Sri Nityananda Prabhu Slokam » Nityananda Ashtottara Shatanama Stotram Lyrics in Sanskrit » English » Bengali » Gujarati » Malayalam » Odia » Telugu » Tamil