ಶ್ರೀಗಣೇಶಾಯ ನಮಃ ।
ವಿನೋದಮೋದಮೋದಿತಾ ದಯೋದಯೋಜ್ಜ್ವಲಾನ್ತರಾ
ನಿಶುಮ್ಭಶುಮ್ಭದಮ್ಭದಾರಣೇ ಸುದಾರುಣಾಽರುಣಾ ।
ಅಖಂಡಗಂಡದಂಡಮುಂಡಮಂಡಲೀವಿಮಂಡಿತಾ
ಪ್ರಚಂಡಚಂಡರಶ್ಮಿರಶ್ಮಿರಾಶಿಶೋಭಿತಾ ಶಿವಾ ॥ 1॥
ಅಮನ್ದನನ್ದಿನನ್ದಿನೀ ಧರಾಧರೇನ್ದ್ರನನ್ದಿನೀ
ಪ್ರತೀರ್ಣಶೀರ್ಣತಾರಿಣೀ ಸದಾರ್ಯಕಾರ್ಯಕಾರಿಣೀ ।
ತದನ್ಧಕಾನ್ತಕಾನ್ತಕಪ್ರಿಯೇಶಕಾನ್ತಕಾನ್ತಕಾ
ಮುರಾರಿಕಾಮಚಾರಿಕಾಮಮಾರಿಧಾರಿಣೀ ಶಿವಾ ॥ 2॥
ಅಶೇಷವೇಷಶೂನ್ಯದೇಶಭರ್ತೃಕೇಶಶೋಭಿತಾ
ಗಣೇಶದೇವತೇಶಶೇಷನಿರ್ನಿಮೇಷವೀಕ್ಷಿತಾ ।
ಜಿತಸ್ವಶಿಂಜಿತಾಽಲಿಕುಂಜಪುಂಜಮಂಜುಗುಂಜಿತಾ
ಸಮಸ್ತಮಸ್ತಕಸ್ಥಿತಾ ನಿರಸ್ತಕಾಮಕಸ್ತವಾ ॥ 3॥
ಸಸಮ್ಭ್ರಮಂ ಭ್ರಮಂ ಭ್ರಮಂ ಭ್ರಮನ್ತಿ ಮೂಢಮಾನವಾ
ಮುಧಾಽಬುಧಾಃ ಸುಧಾಂ ವಿಹಾಯ ಧಾವಮಾನಮಾನಸಾಃ ।
ಅಧೀನದೀನಹೀನವಾರಿಹೀನಮೀನಜೀವನಾ
ದದಾತು ಶಂಪ್ರದಾಽನಿಶಂ ವಶಂವದಾರ್ಥಮಾಶಿಷಮ್ ॥ 4॥
ವಿಲೋಲಲೋಚನಾಂಚಿತೋಚಿತೈಶ್ಚಿತಾ ಸದಾ ಗುಣೈರ್-
ಅಪಾಸ್ಯದಾಸ್ಯಮೇವಮಾಸ್ಯಹಾಸ್ಯಲಾಸ್ಯಕಾರಿಣೀ ॥
ನಿರಾಶ್ರಯಾಽಽಶ್ರಯಾಶ್ರಯೇಶ್ವರೀ ಸದಾ ವರೀಯಸೀ
ಕರೋತು ಶಂ ಶಿವಾಽನಿಶಂ ಹಿ ಶಂಕರಾಂಕಶೋಭಿನೀ ॥ 5॥
ಇತಿ ಪಾರ್ವತೀಪಂಚಕಂ ಸಮಾಪ್ತಮ್ ॥