॥ Rakaradi Rama Ashtottara Shatanama Stotram Telugu Lyrics ॥
॥ రకారాది శ్రీరామాష్టోత్తరశతనామస్తోత్రమ్ ॥
శ్రీ హయగ్రీవాయ నమః ।
హరిః ఓం
రామో రాజీవపత్రాక్షో రాకాచన్ద్రనిభాననః ।
రాత్రిఞ్చరార్దితక్షోణీ పరితాపవినాశనః ॥ ౧ ॥
రాజీవనాభో రాజేన్ద్రో రాజీవాసనసంస్తుతః ।
రాజరాజాదిదిక్పాలమౌలి మాణిక్యదీపితః ॥ ౨ ॥
రాఘవాన్వయపాథోధిచన్ద్రో రాకేన్దుసద్యశాః ।
రామచన్ద్రో రాఘవేన్ద్రో రాజీవరుచిరాననః ॥ ౩ ॥
రాజానుజామన్దిరోరా రాజీవవిలసత్పదః ।
రాజీవహస్తో రాజీవప్రియవంశకృతోదయః ॥ ౪ ॥
రాత్రినవ్యామ్బుభృన్మూర్తీ రాజాంశురుచిరస్మితః ।
రాజీవహారో రాజీవధారీ రాజీవజాప్రియః ॥ ౫ ॥
రాఘవోత్సఙ్గవిద్యోతో రాకేన్ద్వయుతభాస్వరః ।
రాజలేఖానఖాఙ్కూరో రాజీవప్రియభూషణః ॥ ౬ ॥
రాజరాజన్మణీభూషో రారాజద్భ్రమరాలకః ।
రాజలేఖాభసీమన్తో రాజన్మృగమదాఙ్కనః ॥ ౭ ॥
రాజహీరలసచ్ఛ్రోత్రో రాజీవకరగామృతః ।
రత్నకాఞ్చీధరో రమ్యో రత్నకాఞ్చనకఙ్కణః ॥ ౮ ॥
రణత్కాఞ్చనమఞ్జీరో రఞ్జితాఖిలభూతలః ।
రారాజత్కున్దరదనో రమ్యకణ్ఠో రతవ్రజః ॥ ౯ ॥
రఞ్జితాద్భుతగాధేయో రాత్రిఞ్చరసతీహరః ।
రాత్రిఞ్చరభయత్త్రాతగాధేయ సవనోత్తమః ॥ ౧౦ ॥
రారాజచ్చరణామ్భోజరజఃపూతమునిప్రియః ।
రాజరాజసుహృచ్చాపభేదనో రాజపూజితః ॥ ౧౧ ॥
రమారామాకరామ్భోజ మాలోన్మీలితకణ్ఠమః ।
రమాకరాబ్జమారన్దబిన్దుముక్తాఫలావృతః ॥ ౧౨ ॥
రత్నకఙ్కణనిధ్వానమిషల్లక్ష్మీస్తుతిశ్రుతిః ।
రమావామదృగన్తాలి వ్యాప్తదుర్లక్ష్యవిగ్రహః ॥ ౧౩ ॥
రామతేజస్సమాహర్తా రామసోపానభఞ్జనః ।
రాఘవాజ్ఞాకృతారణ్యవాసో రామానుజార్చితః ॥ ౧౪ ॥
రక్తకఞ్జాతచరణో రమ్యవల్కలవేష్టితః ।
రాత్ర్యమ్బుదజటాభారో రమ్యాఙ్గశ్రీవిభూషణః ॥ ౧౫ ॥
రణచ్చాపగుణోరక్తమునిత్రాణపరాయణః ।
రాత్రిఞ్చరగణప్రాణహర్తా రమ్యఫలాదనః ॥ ౧౬ ॥
రాత్రిఞ్చరేన్ద్రభగినీకర్ణనాసోష్టభేదనః ।
రాతమాయామృగప్రాణో రావణాహృతసత్ప్రియః ॥ ౧౭ ॥
రాజీవబన్ధుపుత్రాప్తో రాజదేవసుతార్ధనః ।
రక్తశ్రీహనుమద్వాహో రత్నాకరనిబన్ధనః ॥ ౧౮ ॥
రుద్ధరాత్రిఞ్చరావాసో రావణాదివిమర్దనః ।
రామాసమాలిఙ్గితాఙ్కో రావణానుజపూజితః ॥ ౧౯ ॥
రత్నసింహాసనాసీనో రాజ్యపట్టాభిషేచనః ।
రాజనక్షత్రవలయవృత రాకేన్దుసున్దరః ॥ ౨౦ ॥
రాకేన్దుమణ్డలచ్చత్రో రాజాంశూత్కరచామరః ।
రాజర్షిగణసంవీతో రఞ్జితప్లవగాధిపః ॥ ౨౧ ॥
రమాదృఙ్మాలికానీలా నీరాజితపదామ్బుజః ।
రామతత్త్వప్రవచనో రాజరాజసఖోదయః ॥ ౨౨ ॥
రాజబిమ్బాననాగాననర్తనామోదితాన్తరః ।
రాజ్యలక్ష్మీపరీరమ్భసమ్భృతాద్భుతకణ్టకః ॥ ౨౩ ॥
రామాయణకథామాలానాయకో రాష్ట్రశోభనః ।
రాజమాలామౌలిమాలామకరన్దప్లుతాఙ్ఘ్రికః ॥ ౨౪ ॥
రాజతాద్రిమహాధీరో రాద్ధదేవగురుద్విజః ।
రాద్ధభక్తాశయారామో రమితాఖిలదైవతః ॥ ౨౫ ॥
రాగీ రాగవిహీనాత్మభక్తప్రాప్యో రసాత్మకః ।
రసప్రదో రసాస్వాదో రసాధీశో రసాతిగః ॥ ౨౬ ॥
రసనాపావనాభిఖ్యో రామనామామృతోదధిః ।
రాజరాజీవమిత్రాక్షో రాజీవభవకారణమ్ ॥ ౨౭ ॥
రమారామాశయానన్ద దుగ్ధసాగరచన్ద్రమాః ।
రామభద్రో రాజమానో రాజీవప్రియబిమ్బగః ॥ ౨౮ ॥
రమారామాభుజలతా కణ్ఠాలిఙ్గనమఙ్గలః ।
రామసూరిహృదమ్భోధివృత్తివీచీవిహారవాన్ ॥ ౨౯ ॥
॥ ఇతి విశ్వావసు చైత్రశుద్ధ నవమీ దినే రామేణ లిఖితం
సమర్పితం చ రామభద్రాయ సద్విజయతే తరామ్
రకారాది శ్రీ రామనామాష్టోత్తరశతం ॥
– Chant Stotra in Other Languages –
Sri Vishnu Slokam » Rakaradi Srirama Ashtottara Shatanama Stotram Lyrics in Sanskrit » English » Bengali » Gujarati » Kannada » Malayalam » Odia » Tamil