భద్రాచల రామదాసు కీర్తనలు
॥ Ramaprabho Nidaya Namidanu Lyrics ॥
పునాగవరాళి – ఆది
పల్లవి:
రామప్రభో నీదయ నామీదను రాదేమయా శ్రీరామ
చరణము(లు):
పామరుడను జడుడను తామసుడను నేను
వర్జితంబగు నరపశువను నీ మహత్వమెన్న నెంతటివాడను రా ॥
రామరామయని దలంతు నిరంజన రామ పరుల వేడనంటి
నీ పదయుగములే నమ్మియుంటిని నన్నరమర చేయవద్దంటిని రా ॥
శ్రీహరి యని వేడుకొంటి మొరలిడి నంతానే కరివరునేలిన దొరవని నమ్మితి
నిరసించతగదు మందరగిరిధర త్రిభువన సుందర రా ॥
ఇందిరా సుందరీ మనోహర ఏల నాపై కోపము
మున్నేమిచేసితినో పాపము నీలవర్ణ నీ రూపము రా ॥
నిరతము కన్నుల జూపుము మేలొనరించెడి శ్రీలోలుడవని చాలనమ్మియుంటి
అఘములను బాపర నేను జేసెదను నీ సేవను రా ॥
ఆశించిన శ్రీరామదాసుని నిటు మోసము చేసిన దోషం బెవరిదో
వాసవార్చితాంఘ్రిజలజయుగళ కైలాస వాసనుత భద్రగిరి హరి రా ॥