॥ Shiva Ashtottara Shatanama Stotram Bengali Lyrics ॥
॥ শ্রীশিবাষ্টোত্তরশতনামস্তোত্রম্ ॥
নারায়ণ উবাচ ।
অস্তি গুহ্যতমং গৌরি নাম্নামষ্টোত্তরং শতম্ ।
শম্ভোরহং প্রবক্ষ্যামি পঠতাং শীঘ্রকামদম্ ॥
ওঁ অস্য শ্রীশিবাষ্টোত্তরশতনামস্তোত্রমন্ত্রস্য নারায়ণঋষিঃ ।
অনুষ্টুপ্ছন্দঃ । শ্রীসদাশিবো দেবতা । গৌরী উমা শক্তিঃ ।
শ্রীসাম্বসদাশিবপ্রীত্যর্থে জপে বিনিয়োগঃ ॥
অথ ধ্যানম্ –
শান্তাকারং শিখরিশয়নং নীলকণ্ঠং সুরেশং
বিশ্বধারং স্ফটিকসদৃশং শুভ্রবর্ণং শুভাঙ্গম্ ।
গৌরীকান্তং ত্রিতয়নয়নং য়োগিভির্ধ্যানগম্যং
বন্দে শম্ভুং ভবভয়হরং সর্বলোকৈকনাথম্ ॥
শিবো মহেশ্বরশ্শম্ভুঃ পিনাকী শশিশেখরঃ ।
বামদেবো বিরূপাক্ষঃ কপর্দী নীললোহিতঃ ॥ ১ ॥
শঙ্করশ্শূলপাণিশ্চ খট্বাঙ্গী বিষ্ণুবল্লভঃ ।
শিপিবিষ্টোঽম্বিকানাথঃ শ্রীকণ্ঠো ভক্তবত্সলঃ ॥ ২ ॥
ভবশ্শর্বস্ত্রিলোকেশশ্শিতিকণ্ঠশ্শিবাপ্রিয়ঃ ।
উগ্রঃ কপালী কামারিঃ অন্ধকাসুরসূদনঃ ॥ ৩ ॥
গঙ্গাধরো ললাটাক্ষঃ কালকালঃ কৃপানিধিঃ ।
ভীমঃ পরশুহস্তশ্চ মৃগপাণির্জটাধরঃ ॥ ৪ ॥
কৈলাসবাসী কবচী কঠোরস্ত্রিপুরান্তকঃ ।
বৃষাঙ্কো বৃষভারূঢো ভস্মোদ্ধূলিতবিগ্রহঃ ॥ ৫ ॥
সামপ্রিয়স্স্বরময়স্ত্রয়ীমূর্তিরনীশ্বরঃ ।
সর্বজ্ঞঃ পরমাত্মা চ সোমসূর্যাগ্নিলোচনঃ ॥ ৬ ॥
হবির্যজ্ঞময়স্সোমঃ পঞ্চবক্ত্রস্সদাশিবঃ ।
বিশ্বেশ্বরো বীরভদ্রো গণনাথঃ প্রজাপতিঃ ॥ ৭ ॥
হিরণ্যরেতা দুর্ধর্ষঃ গিরীশো গিরিশোঽনঘঃ ।
ভুজঙ্গভূষণো ভর্গো গিরিধন্বা গিরিপ্রিয়ঃ ॥ ৮ ॥
কৃত্তিবাসা পুরারাতির্ভগবান্ প্রমথাধিপঃ ।
মৃত্যুঞ্জয়স্সূক্ষ্মতনুর্জগদ্ব্যাপী জগদ্গুরুঃ ॥ ৯ ॥
ব্যোমকেশো মহাসেনজনকশ্চারুবিক্রমঃ ।
রুদ্রো ভূতপতিঃ স্থাণুরহির্ভুধ্ন্যো দিগম্বরঃ ॥ ১০ ॥
অষ্টমূর্তিরনেকাত্মা সাত্ত্বিকশ্শুদ্ধবিগ্রহঃ ।
শাশ্বতঃ খণ্ডপরশুরজঃ পাশবিমোচকঃ ॥ ১১ ॥
মৃডঃ পশুপতির্দেবো মহাদেবোঽব্যয়ো হরিঃ ।
ভগনেত্রভিদব্যক্তো দক্ষাধ্বরহরো হরঃ ॥ ১২ ॥
পূষাদন্তভিদব্যগ্রো সহস্রাক্ষস্সহস্রপাত্ ।
অপবর্গপ্রদোঽনন্তস্তারকঃ পরমেশ্বরঃ ॥ ১৩ ॥
ফলশ্রুতিঃ ।
এতদষ্টোত্তরং নাম্নাং শতমাম্নায়সংমিতং ।
শঙ্করস্য প্রিয়া গৌরী জপ্ত্বা শম্ভুপ্রসাদদম্ ॥ ১ ॥
ত্রৈকাল্যমন্বহং দেবী বর্ষমেকং প্রয়ত্নতঃ ।
অবাপ সা শরীরার্ধং প্রসাদাচ্ছূলপাণিনঃ ॥ ২ ॥
য়স্ত্রিসন্ধ্যং পঠেন্নিত্যং নাম্নামষ্টোত্তরং শতম্ ।
শতরুদ্রত্রিরাবৃত্যা য়ত্ফলং লভতে নরঃ ॥ ৩ ॥
তত্ফলং প্রাপ্নুয়ান্নিত্যমেকাবৃত্ত্যা নসংশয়ঃ ।
সকৃদ্বা নামভিঃ পূজ্য কুলকোটিং সমুদ্ধরেত্ ॥ ৪ ॥
বিল্বপত্রৈঃ প্রশস্তৈশ্চ পুষ্পৈশ্চ তুলসীদলৈঃ ।
তিলাক্ষতৈর্যজেদ্যস্তু জীবন্মুক্তো ন সংশয়ঃ ॥ ৫ ॥
ইতি শ্রীশিবাষ্টোত্তরশতনামস্ত্রোত্রং সমাপ্তম্ ॥
– Chant Stotra in Other Languages –
Shiva Ashtottara Shatanama Stotram in Sanskrit – English – Bengali – Gujarati – – Marathi – Kannada – Malayalam – Odia – Telugu – Tamil