॥ Shivarama Ashtakam Kannada Lyrics ॥
॥ ಶಿವರಾಮಾಷ್ಟಕಮ್ ॥
ಶ್ರೀಗಣೇಶಾಯ ನಮಃ ।
ಶಿವ ಹರೇ ಶಿವರಾಮಸಖೇ ಪ್ರಭೋ ತ್ರಿವಿಧತಾಪನಿವಾರಣ ಹೇ ಪ್ರಭೋ ।
ಅಜ ಜನೇಶ್ವರ ಯಾದವ ಪಾಹಿ ಮಾಂ ಶಿವ ಹರೇ ವಿಜಯಂ ಕುರು ಮೇ ವರಮ್ ॥ 1 ॥
ಕಮಲಲೋಚನ ರಾಮ ದಯಾನಿಧೇ ಹರ ಗುರೋ ಗಜರಕ್ಷಕ ಗೋಪತೇ ।
ಶಿವತನೋ ಭವ ಶಂಕರ ಪಾಹಿ ಮಾಂ ಶಿವ ಹರೇ ವಿಜಯಂ ಕುರು ಮೇ ವರಮ್ ॥ 2 ॥
ಸ್ವಜನರಂಜನಮಂಗಲಮನ್ದಿರಂ ಭಜತಿ ತೇ ಪುರುಷಾಃ ಪರಮಂ ಪದಮ್ ।
ಭವತಿ ತಸ್ಯ ಸುಖಂ ಪರಮಾದ್ಭುತಂ ಶಿವ ಹರೇ ವಿಜಯಂ ಕುರು ಮೇ ವರಮ್ ॥ 3 ॥
ಜಯ ಯುಧಿಷ್ಠಿರವಲ್ಲಭ ಭೂಪತೇ ಜಯ ಜಯಾರ್ಜಿತ ಪುಣ್ಯಪಯೋನಿಧೇ ।
ಜಯ ಕೃಪಾಮಯ ಕೃಷ್ಣ ನಮೋಽಸ್ತು ತೇ ಶಿವ ಹರೇ ವಿಜಯಂ ಕುರು ಮೇ ವರಮ್ ॥ 4 ॥
ಭವವಿಮೋಚನ ಮಾಧವ ಮಾಪತೇ ಸುಕವಿಮಾನಸಹಂಸ ಶಿವಾರತೇ ।
ಜನಕಜಾರತ ರಾಘವ ರಕ್ಷ ಮಾಂ ಶಿವ ಹರೇ ವಿಜಯಂ ಕುರು ಮೇ ವರಮ್ ॥ 5 ॥
ಅವನಿಮಂಡಲಮಂಗಲ ಮಾಪತೇ ಜಲದಸುನ್ದರ ರಾಮ ರಮಾಪತೇ ।
ನಿಗಮಕೀರ್ತಿಗುಣಾರ್ಣವ ಗೋಪತೇ ಶಿವ ಹರೇ ವಿಜಯಂ ಕುರು ಮೇ ವರಮ್ ॥ 6 ॥
ಪತಿತಪಾವನ ನಾಮಮಯೀ ಲತಾ ತವ ಯಶೋ ವಿಮಲಂ ಪರಿಗೀಯತೇ ।
ತದಪಿ ಮಾಧವ ಮಾಂ ಕಿಮುಪೇಕ್ಷಸೇ ಶಿವ ಹರೇ ವಿಜಯಂ ಕುರು ಮೇ ವರಮ್ ॥ 7 ॥
ಅಮರತಾಪರದೇವ ರಮಾಪತೇ ವಿಜಯಸ್ತವ ನಾಮಘನೋಪಮೇ ।
ಮಯಿ ಕಥಂ ಕರುಣಾರ್ಣವ ಜಾಯತೇ ಶಿವ ಹರೇ ವಿಜಯಂ ಕುರು ಮೇ ವರಮ್ ॥ 8 ॥
ಹನುಮತಃ ಪ್ರಿಯತೋಷಕರ ಪ್ರಭೋ ಸುರಸರಿದೂಧೃತಶೇಖರ ಹೇ ಗುರೋ ।
ಮಮ ವಿಭೋ ಕಿಮು ವಿಸ್ಮರಣಂ ಕೃತಂ ಶಿವ ಹರೇ ವಿಜಯಂ ಕುರು ಮೇ ವರಮ್ ॥ 9 ॥
ನರಹರೇ ರತಿರಂಜನಸುನ್ದರಂ ಪಠತಿ ಯಃ ಶಿವರಾಮಕೃತಸ್ತವಮ್ ।
ವಿಶತಿ ರಾಮರಮಾಚರಣಾಮ್ಬುಜೇ ಶಿವ ಹರೇ ವಿಜಯಂ ಕುರು ಮೇ ವರಮ್ ॥ 10 ॥
ಪ್ರಾತರುತ್ಥಾಯ ಯೋ ಭಕ್ತ್ಯಾ ಪಠೇದೇಕಾಗ್ರಮಾನಸಃ ।
ವಿಜಯೋ ಜಾಯತೇ ತಸ್ಯ ವಿಷ್ಣುಮಾರಾಧ್ಯಮಾಪ್ನುಯಾತ್ ॥ 11 ॥
ಇತಿ ಶ್ರೀರಾಮಾನನ್ದವಿರಚಿತಂ ಶಿವರಾಮಸ್ತೋತ್ರಮ್ ।
– Chant Stotra in Other Languages –
Shiva Rama Slokam » Shiva Rama Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil