॥ Shiva Stotra by Swamy Vivekananda Malayalam Lyrics ॥
॥ ശ്രീശിവസ്തോത്രം – സ്വാമീ വിവേകാനന്ദവിരചിതം ॥
ഓം നമഃ ശിവായ ।
നിഖിലഭുവനജന്മസ്ഥമഭംഗപ്രരോഹാഃ
അകലിതമഹിമാനഃ കൽപിതാ യത്ര തസ്മിൻ ।
സുവിമലഗഗനാഭേ ഈശസംസ്ഥേഽപ്യനീശേ
മമ ഭവതു ഭവേഽസ്മിൻ ഭാസുരോ ഭാവബന്ധഃ ॥
നിഹതനിഖിലമോഹേഽധീശതാ യത്ര രൂഢാ
പ്രകടിതപരപ്രേമ്നാ യോ മഹാദേവ സഞ്ജ്ഞഃ ।
അശിഥിലപരിരംഭഃ പ്രേമരൂപസ്യ യസ്യ
പ്രണയതി ഹൃദി വിശ്വം വ്യാജമാത്രം വിഭുത്വം ॥
വഹതി വിപുലവാതഃ പൂർവ സംസ്കാരരൂപഃ
പ്രമഥതി ബലവൃന്ദം ഘൂർണിതേവോർമിമാലാ ।
പ്രചലതി ഖലു യുഗ്മം യുഷ്മദസ്മത്പ്രതീതം
അതിവികലിതരൂപം നൗമി ചിത്തം ശിവസ്ഥം ॥
ജനകജനിതഭാവോ വൃത്തയഃ സംസ്കൃതാശ്ച
അഗണനബഹുരൂപാ യത്ര ഏകോ യഥാർഥഃ ।
ശമിതവികൃതവാതേ യത്ര നാന്തർബഹിശ്ച
തമഹഹ ഹരമൗഡേ ചിത്തവൃത്തേർനിരോധം ॥
ഗലിതതിമിരമാലഃ ശുഭ്രതേജഃപ്രകാശഃ
ധവലകമലശോഭഃ ജ്ഞാനപുഞ്ജാട്ടഹാസഃ ।
യമിജനഹൃദിഗമ്യഃ നിഷ്കലം ധ്യായമാനഃ
പ്രണതമവതു മം സഃ മാനസോ രാജഹംസഃ ॥
ദുരിതദലനദക്ഷം ദക്ഷജാദത്തദോഷം
കലിതകലികലങ്കം കമ്രകൽഹാരകാന്തം ।
പരഹിതകരണായ പ്രാണവിച്ഛേദസൂത്കം
നതനയനനിയുക്തം നീലകണ്ഠം നമാമഃ ॥
— സ്വാമീ വിവേകാനന്ദ
– Chant Stotra in Other Languages –
Shiva Stotram by Swami Vivekananda in Sanskrit – English – Marathi । Bengali – Gujarati – Kannada – Malayalam – Odia – Telugu – Tamil