॥ Sri Shiva Stuti (Vande Shambhum Umapathim) Kannada Lyrics ॥
॥ ಶ್ರೀ ಶಿವ ಸ್ತುತಿಃ (ವಂದೇ ಶಂಭುಂ ಉಮಾಪತಿಂ) ॥
ವಂದೇ ಶಂಭುಮುಮಾಪತಿಂ ಸುರಗುರುಂ ವಂದೇ ಜಗತ್ಕಾರಣಂ
ವಂದೇ ಪನ್ನಗಭೂಷಣಂ ಮೃಗಧರಂ ವಂದೇ ಪಶೂನಾಂಪತಿಮ್ ।
ವಂದೇ ಸೂರ್ಯಶಶಾಂಕವಹ್ನಿನಯನಂ ವಂದೇ ಮುಕುಂದಪ್ರಿಯಂ
ವಂದೇ ಭಕ್ತಜನಾಶ್ರಯಂ ಚ ವರದಂ ವಂದೇ ಶಿವಂ ಶಂಕರಮ್ ॥ ೧ ॥
ವಂದೇ ಸರ್ವಜಗದ್ವಿಹಾರಮತುಲಂ ವಂದೇಽಂಧಕಧ್ವಂಸಿನಂ
ವಂದೇ ದೇವಶಿಖಾಮಣಿಂ ಶಶಿನಿಭಂ ವಂದೇ ಹರೇರ್ವಲ್ಲಭಮ್ ।
ವಂದೇ ಕ್ರೂರಭುಜಂಗಭೂಷಣಧರಂ ವಂದೇ ಶಿವಂ ಚಿನ್ಮಯಂ
ವಂದೇ ಭಕ್ತಜನಾಶ್ರಯಂ ಚ ವರದಂ ವಂದೇ ಶಿವಂ ಶಂಕರಮ್ ॥ ೨ ॥
ವಂದೇ ದಿವ್ಯಮಚಿಂತ್ಯಮದ್ವಯಮಹಂ ವಂದೇಽರ್ಕದರ್ಪಾಪಹಂ
ವಂದೇ ನಿರ್ಮಲಮಾದಿಮೂಲಮನಿಶಂ ವಂದೇ ಮಖಧ್ವಂಸಿನಮ್ ।
ವಂದೇ ಸತ್ಯಮನಂತಮಾದ್ಯಮಭಯಂ ವಂದೇಽತಿಶಾಂತಾಕೃತಿಂ
ವಂದೇ ಭಕ್ತಜನಾಶ್ರಯಂ ಚ ವರದಂ ವಂದೇ ಶಿವಂ ಶಂಕರಮ್ ॥ ೩ ॥
ವಂದೇ ಭೂರಥಮಂಬುಜಾಕ್ಷವಿಶಿಖಂ ವಂದೇ ಶ್ರುತೀಘೋಟಕಂ
ವಂದೇ ಶೈಲಶರಾಸನಂ ಫಣಿಗುಣಂ ವಂದೇಽಬ್ಧಿತೂಣೀರಕಮ್ ।
ವಂದೇ ಪದ್ಮಜಸಾರಥಿಂ ಪುರಹರಂ ವಂದೇ ಮಹಾಭೈರವಂ
ವಂದೇ ಭಕ್ತಜನಾಶ್ರಯಂ ಚ ವರದಂ ವಂದೇ ಶಿವಂ ಶಂಕರಮ್ ॥ ೪ ॥
ವಂದೇ ಪಂಚಮುಖಾಂಬುಜಂ ತ್ರಿನಯನಂ ವಂದೇ ಲಲಾಟೇಕ್ಷಣಂ
ವಂದೇ ವ್ಯೋಮಗತಂ ಜಟಾಸುಮುಕುಟಂ ಚಂದ್ರಾರ್ಧಗಂಗಾಧರಮ್ ।
ವಂದೇ ಭಸ್ಮಕೃತತ್ರಿಪುಂಡ್ರನಿಟಿಲಂ ವಂದೇಽಷ್ಟಮೂರ್ತ್ಯಾತ್ಮಕಂ
ವಂದೇ ಭಕ್ತಜನಾಶ್ರಯಂ ಚ ವರದಂ ವಂದೇ ಶಿವಂ ಶಂಕರಮ್ ॥ ೫ ॥
ವಂದೇ ಕಾಲಹರಂ ಹರಂ ವಿಷಧರಂ ವಂದೇ ಮೃಡಂ ಧೂರ್ಜಟಿಂ
ವಂದೇ ಸರ್ವಗತಂ ದಯಾಮೃತನಿಧಿಂ ವಂದೇ ನೃಸಿಂಹಾಪಹಮ್ ।
ವಂದೇ ವಿಪ್ರಸುರಾರ್ಚಿತಾಂಘ್ರಿಕಮಲಂ ವಂದೇ ಭಗಾಕ್ಷಾಪಹಂ
ವಂದೇ ಭಕ್ತಜನಾಶ್ರಯಂ ಚ ವರದಂ ವಂದೇ ಶಿವಂ ಶಂಕರಮ್ ॥ ೬ ॥
ವಂದೇ ಮಂಗಳರಾಜತಾದ್ರಿನಿಲಯಂ ವಂದೇ ಸುರಾಧೀಶ್ವರಂ
ವಂದೇ ಶಂಕರಮಪ್ರಮೇಯಮತುಲಂ ವಂದೇ ಯಮದ್ವೇಷಿಣಮ್ ।
ವಂದೇ ಕುಂಡಲಿರಾಜಕುಂಡಲಧರಂ ವಂದೇ ಸಹಸ್ರಾನನಂ
ವಂದೇ ಭಕ್ತಜನಾಶ್ರಯಂ ಚ ವರದಂ ವಂದೇ ಶಿವಂ ಶಂಕರಮ್ ॥ ೭ ॥
ವಂದೇ ಹಂಸಮತೀಂದ್ರಿಯಂ ಸ್ಮರಹರಂ ವಂದೇ ವಿರೂಪೇಕ್ಷಣಂ
ವಂದೇ ಭೂತಗಣೇಶಮವ್ಯಯಮಹಂ ವಂದೇಽರ್ಥರಾಜ್ಯಪ್ರದಮ್ ।
ವಂದೇ ಸುಂದರಸೌರಭೇಯಗಮನಂ ವಂದೇ ತ್ರಿಶೂಲಂ‍ಧರಂ
ವಂದೇ ಭಕ್ತಜನಾಶ್ರಯಂ ಚ ವರದಂ ವಂದೇ ಶಿವಂ ಶಂಕರಮ್ ॥ ೮ ॥
ವಂದೇ ಸೂಕ್ಷ್ಮಮನಂತಮಾದ್ಯಮಭಯಂ ವಂದೇಽಂಧಕಾರಾಪಹಂ
ವಂದೇ ರಾವಣನಂದಿಭೃಂಗಿವಿನತಂ ವಂದೇ ಸುಪರ್ಣಾವೃತಮ್ ।
ವಂದೇ ಶೈಲಸುತಾರ್ಧಭಾಗವಪುಷಂ ವಂದೇಽಭಯಂ ತ್ರ್ಯಂಬಕಂ
ವಂದೇ ಭಕ್ತಜನಾಶ್ರಯಂ ಚ ವರದಂ ವಂದೇ ಶಿವಂ ಶಂಕರಮ್ ॥ ೯ ॥
ವಂದೇ ಪಾವನಮಂಬರಾತ್ಮವಿಭವಂ ವಂದೇ ಮಹೇಂದ್ರೇಶ್ವರಂ
ವಂದೇ ಭಕ್ತಜನಾಶ್ರಯಾಮರತರುಂ ವಂದೇ ನತಾಭೀಷ್ಟದಮ್ ।
ವಂದೇ ಜಹ್ನುಸುತಾಽಂಬಿಕೇಶಮನಿಶಂ ವಂದೇ ತ್ರಿಶೂಲಾಯುಧಂ
ವಂದೇ ಭಕ್ತಜನಾಶ್ರಯಂ ಚ ವರದಂ ವಂದೇ ಶಿವಂ ಶಂಕರಮ್ ॥ ೧೦ ॥
ಇತಿ ಶ್ರೀ ಶಿವ ಸ್ತುತಿಃ ।
– Chant Stotra in Other Languages –
Sri Shiva Stuti (Vande Shambhum Umapathim) in Sanskrit – English – Kannada – Telugu – Tamil