॥ Shri Karthikeya Ashtakam Telugu Lyrics ॥
॥ శ్రీ కార్తికేయాష్టకం ॥
అగస్త్య ఉవాచ ।
నమోఽస్తు బృందారకబృందవంద్య-
-పాదారవిందాయ సుధాకరాయ ।
షడాననాయామితవిక్రమాయ
గౌరీహృదానందసముద్భవాయ ॥ ౧ ॥
నమోఽస్తు తుభ్యం ప్రణతార్తిహంత్రే
కర్త్రే సమస్తస్య మనోరథానామ్ ।
దాత్రే రథానాం పరతారకస్య
హంత్రే ప్రచండాసురతారకస్య ॥ ౨ ॥
అమూర్తమూర్తాయ సహస్రమూర్తయే
గుణాయ గణ్యాయ పరాత్పరాయ ।
అపారపారాయ పరాపరాయ
నమోఽస్తు తుభ్యం శిఖివాహనాయ ॥ ౩ ॥
నమోఽస్తు తే బ్రహ్మవిదాం వరాయ
దిగంబరాయాంబరసంస్థితాయ ।
హిరణ్యవర్ణాయ హిరణ్యబాహవే
నమో హిరణ్యాయ హిరణ్యరేతసే ॥ ౪ ॥
తపః స్వరూపాయ తపోధనాయ
తపః ఫలానాం ప్రతిపాదకాయ ।
సదా కుమారాయ హిమారమారిణే
తృణీకృతైశ్వర్య విరాగిణే నమః ॥ ౫ ॥
నమోఽస్తు తుభ్యం శరజన్మనే విభో
ప్రభాతసూర్యారుణదంతపంక్తయే ।
బాలాయ చాబాలపరాక్రమాయ షా-
-ణ్మాతురాయాలమనాతురాయ ॥ ౬ ॥
మీఢుష్టమాయోత్తరమీఢుషే నమో
నమో గణానాం పతయే గణాయ ।
నమోఽస్తు తే జన్మజరాతిగాయ
నమో విశాఖాయ సుశక్తిపాణయే ॥ ౭ ॥
సర్వస్య నాథస్య కుమారకాయ
క్రౌంచారయే తారకమారకాయ ।
స్వాహేయ గాంగేయ చ కార్తికేయ
శైవేయ తుభ్యం సతతం నమోఽస్తు ॥ ౮ ॥
ఇతి శ్రీస్కాందే మహాపురాణే కాశీఖండే పంచవింశతితమోఽధ్యాయే శ్రీ కార్తికేయాష్టకమ్ ।
– Chant Stotra in Other Languages –
Sri Subrahmanya / Kartikeya / Muruga Stotram » Shri Karthikeya Ashtakam in Lyrics in Sanskrit » English » Kannada » Tamil