Shri Karthikeya Panchakam In English

॥ Shri Karthikeya Panchakam English Lyrics ॥

॥ śrī kārtikēya pañcakam ॥
vimalanijapadābjaṁ vēdavēdāntavēdyaṁ
mama kulagurunāthaṁ vādyagānapramōdam ।
ramaṇasuguṇajālaṁ raṅgarāḍbhāginēyaṁ
kamalajanutapādaṁ kārtikēyaṁ namāmi ॥ 1 ॥

śivaśaravaṇajātaṁ śaivayōgaprabhāvaṁ
bhavahitagurunāthaṁ bhaktabr̥ndapramōdam ।
navarasamr̥dupādaṁ nātha hrīṅkārarūpaṁ
kavanamadhurasāraṁ kārtikēyaṁ bhajāmi ॥ 2 ॥

pākārātisutāmukhābjamadhupaṁ bālēndumaulīśvaraṁ
lōkānugrahakāraṇaṁ śivasutaṁ lōkēśatattvapradam ।
rākācandrasamānacāruvadanaṁ rambhōruvallīśvaraṁ
hrīṅkārapraṇavasvarūpalaharīṁ śrīkārtikēyaṁ bhajē ॥ 3 ॥

mahādēvājjātaṁ śaravaṇabhavaṁ mantraśarabhaṁ
mahattattvānandaṁ paramalaharī mantramadhuram ।
mahādēvātītaṁ suragaṇayutaṁ mantravaradaṁ
guhaṁ vallīnāthaṁ mama hr̥di bhajē gr̥dhragiriśam ॥ 4 ॥

nityākāraṁ nikhilavaradaṁ nirmalaṁ brahmatattvaṁ
nityaṁ dēvairvinutacaraṇaṁ nirvikalpādiyōgam ।
nityānandaṁ nigamaviditaṁ nirguṇaṁ dēvadēvaṁ
nityaṁ vandē mama guruvaraṁ nirmamaṁ kārtikēyam ॥ 5 ॥

pañcakaṁ kārtikēyasya yaḥ paṭhēcchr̥ṇuyādapi ।
kārtikēya prasādātsa sarvābhīṣṭamavāpnuyāt ॥ 6 ॥

iti śrī kārtikēya pañcakam ॥

– Chant Stotra in Other Languages –

Sri Subrahmanya / Kartikeya / Muruga Stotram » Sri Karthikeya Panchakam Lyrics in Sanskrit » Kannada » Telugu » Tamil

See Also  108 Names Mantra Of Goddess Shodashi In English – Tripura Sundari – Goddess Lalita