Shri Skanda Stavam In Telugu

॥ Shri Skanda Stavam Telugu Lyrics ॥

॥ శ్రీ స్కంద స్తవం ॥
వామదేవ ఉవాచ ।
ఓం నమః ప్రణవార్థాయ ప్రణవార్థవిధాయినే ।
ప్రణవాక్షరబీజాయ ప్రణవాయ నమో నమః ॥ ౧ ॥

వేదాంతార్థస్వరూపాయ వేదాంతార్థవిధాయినే ।
వేదాంతార్థవిదే నిత్యం విదితాయ నమో నమః ॥ ౨ ॥

నమో గుహాయ భూతానాం గుహాసు నిహితాయ చ ।
గుహ్యాయ గుహ్యరూపాయ గుహ్యాగమవిదే నమః ॥ ౩ ॥

అణోరణీయసే తుభ్యం మహతోఽపి మహీయసే ।
నమః పరావరజ్ఞాయ పరమాత్మస్వరూపిణే ॥ ౪ ॥

స్కందాయ స్కందరూపాయ మిహిరారుణతేజసే ।
నమో మందారమాలోద్యన్ముకుటాదిభృతే సదా ॥ ౫ ॥

శివశిష్యాయ పుత్రాయ శివస్య శివదాయినే ।
శివప్రియాయ శివయోరానందనిధయే నమ ॥ ౬ ॥

గాంగేయాయ నమస్తుభ్యం కార్తికేయాయ ధీమతే ।
ఉమాపుత్రాయ మహతే శరకాననశాయినే ॥ ౭ ॥

షడక్షరశరీరాయ షడ్విధార్థవిధాయినే ।
షడధ్వాతీతరూపాయ షణ్ముఖాయ నమో నమః ॥ ౮ ॥

ద్వాదశాయతనేత్రాయ ద్వాదశోద్యతబాహవే ।
ద్వాదశాయుధధారాయ ద్వాదశాత్మన్నమోఽస్తు తే ॥ ౯ ॥

చతుర్భుజాయ శాంతాయ శక్తికుక్కుటధారిణే ।
వరదాయ విహస్తాయ నమోఽసురవిదారిణే ॥ ౧౦ ॥

గజావల్లీకుచాలిప్తకుంకుమాంకితవక్షసే ।
నమో గజాననానందమహిమానందితాత్మనే ॥ ౧౧ ॥

బ్రహ్మాదిదేవమునికిన్నరగీయమాన-
-గాథావిశేషశుచిచింతితకీర్తిధామ్నే ।
బృందారకామలకిరీటవిభూషణస్ర-
-క్పూజ్యాభిరామపదపంకజ తే నమోఽస్తు ॥ ౧౨ ॥

ఇతి స్కందస్తవం దివ్యం వామదేవేన భాషితమ్ ।
యః పఠేచ్ఛృణుయాద్వాపి స యాతి పరమాం గతిమ్ ॥ ౧౩ ॥

See Also  Sri Rahu Kavacham In Telugu

మహాప్రజ్ఞాకరం హ్యేతచ్ఛివభక్తివివర్ధనమ్ ।
ఆయురారోగ్యధనకృత్సర్వకామప్రదం సదా ॥ ౧౪ ॥

ఇతి శ్రీశివమహాపురాణే కైలాససంహితాయాం ఏకాదశోఽధ్యాయే వామదేవకృత స్కందస్తవమ్ ।

– Chant Stotra in Other Languages –

Sri Subrahmanya / Kartikeya / Muruga Stotram » Shri Skanda Stavam Lyrics in Sanskrit » English » Kannada » Tamil