॥ Shri Subramanya Shodasa Nama Stotram Kannada Lyrics ॥
॥ ಶ್ರೀ ಸುಬ್ರಹ್ಮಣ್ಯ ಷೋಡಶನಾಮ ಸ್ತೋತ್ರಂ ॥
ಅಸ್ಯ ಶ್ರೀ ಸುಬ್ರಹ್ಮಣ್ಯ ಷೋಡಶನಾಮಸ್ತೋತ್ರ ಮಹಾಮಂತ್ರಸ್ಯ ಅಗಸ್ತ್ಯೋ ಭಗವಾನೃಷಿಃ ಅನುಷ್ಟುಪ್ಛಂದಃ ಸುಬ್ರಹ್ಮಣ್ಯೋ ದೇವತಾ ಮಮೇಷ್ಟ ಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।
ಧ್ಯಾನಂ ।
ಷಡ್ವಕ್ತ್ರಂ ಶಿಖಿವಾಹನಂ ತ್ರಿನಯನಂ ಚಿತ್ರಾಂಬರಾಲಂಕೃತಂ
ಶಕ್ತಿಂ ವಜ್ರಮಸಿಂ ತ್ರಿಶೂಲಮಭಯಂ ಖೇಟಂ ಧನುಶ್ಚಕ್ರಕಮ್ ।
ಪಾಶಂ ಕುಕ್ಕುಟಮಂಕುಶಂ ಚ ವರದಂ ಹಸ್ತೈರ್ದಧಾನಂ ಸದಾ
ಧ್ಯಾಯೇದೀಪ್ಸಿತಸಿದ್ಧಿದಂ ಶಿವಸುತಂ ಸ್ಕಂದಂ ಸುರಾರಾಧಿತಮ್ ॥
ಪ್ರಥಮೋ ಜ್ಞಾನಶಕ್ತ್ಯಾತ್ಮಾ ದ್ವಿತೀಯಃ ಸ್ಕಂದ ಏವ ಚ ।
ಅಗ್ನಿಗರ್ಭಸ್ತೃತೀಯಸ್ತು ಬಾಹುಲೇಯಶ್ಚತುರ್ಥಕಃ ॥ ೧ ॥
ಗಾಂಗೇಯಃ ಪಂಚಮಃ ಪ್ರೋಕ್ತಃ ಷಷ್ಠಃ ಶರವಣೋದ್ಭವಃ ।
ಸಪ್ತಮಃ ಕಾರ್ತಿಕೇಯಶ್ಚ ಕುಮಾರಶ್ಚಾಷ್ಟಮಸ್ತಥಾ ॥ ೨ ॥
ನವಮಃ ಷಣ್ಮುಖಃ ಪ್ರೋಕ್ತೋ ದಶಮಸ್ತಾರಕಾಂತಕಃ ।
ಏಕಾದಶಶ್ಚ ಸೇನಾನೀಃ ಗುಹೋ ದ್ವಾದಶ ಏವ ಚ ॥ ೩ ॥
ತ್ರಯೋದಶೋ ಬ್ರಹ್ಮಚಾರೀ ಶಿವತೇಜಶ್ಚತುರ್ದಶಃ ।
ಕ್ರೌಂಚದಾರೀ ಪಂಚದಶಃ ಷೋಡಶಃ ಶಿಖಿವಾಹನಃ ॥ ೪ ॥
ಷೋಡಶೈತಾನಿ ನಾಮಾನಿ ಯಃ ಪಠೇದ್ಭಕ್ತಿಸಂಯುತಃ ।
ಬೃಹಸ್ಪತಿಸಮೋ ವಾಚಿ ಬ್ರಹ್ಮತೇಜೋಯುತೋ ಭವೇತ್ ।
ಯದ್ಯತ್ಪ್ರಾರ್ಥಯೇ ಮರ್ತ್ಯಸ್ತತ್ಸರ್ವಂ ಲಭತೇ ಧ್ರುವಮ್ ॥ ೫ ॥
ಇತಿ ಶ್ರೀ ಸುಬ್ರಹ್ಮಣ್ಯ ಷೋಡಶನಾಮ ಸ್ತೋತ್ರಮ್ ।
– Chant Stotra in Other Languages –
Sri Subrahmanya / Kartikeya / Muruga Stotram » Shri Subrahmanya Shodasa Nama Stotram Lyrics in Sanskrit » English » Telugu » Tamil