Shuka Ashtakam – Vyasa Putra Ashtakam In Kannada

॥ Shuka Ashtakam (Vyasa Putra Ashtakam) Kannada Lyrics ॥

॥ ಶ್ರೀ ಶುಕಾಷ್ಟಕಂ ॥
ಭೇದಾಭೇದೌ ಸಪದಿಗಳಿತೌ ಪುಣ್ಯಪಾಪೇ ವಿಶೀರ್ಣೇ
ಮಾಯಾಮೋಹೌ ಕ್ಷಯಮಧಿಗತೌ ನಷ್ಟಸಂದೇಹವೃತ್ತೀ ।
ಶಬ್ದಾತೀತಂ ತ್ರಿಗುಣರಹಿತಂ ಪ್ರಾಪ್ಯ ತತ್ತ್ವಾವಬೋಧಂ
ನಿಸ್ತ್ರೈಗುಣ್ಯೇ ಪಥಿ ವಿಚರತಾಂ ಕೋ ವಿಧಿಃ ಕೋ ನಿಷೇಧಃ ॥ ೧ ॥

ಯಸ್ಸ್ವಾತ್ಮಾನಂ ಸಕಲವಪುಷಾಮೇಕಮಂತರ್ಬಹಿಸ್ಥಂ
ದೃಷ್ಟ್ವಾ ಪೂರ್ಣಂ ಖಮಿವ ಸತತಂ ಸರ್ವಭಾಂಡಸ್ಥಮೇಕಮ್ ।
ನಾನ್ಯತ್ಕಾರ್ಯಂ ಕಿಮಪಿ ಚ ತಥಾ ಕಾರಣಾದ್ಭಿನ್ನರೂಪಂ
ನಿಸ್ತ್ರೈಗುಣ್ಯೇ ಪಥಿ ವಿಚರತಾಂ ಕೋ ವಿಧಿಃ ಕೋ ನಿಷೇಧಃ ॥ ೨ ॥

ಯದ್ವನ್ನದ್ಯೋಽಂಬುಧಿಮಧಿಗತಾಸ್ಸಾಗರತ್ವಂ ಪ್ರಪನ್ನಾಃ
ತದ್ದ್ವಜ್ಜೀವಾಸ್ಸಮರಸಗತಾಃ ಚಿತ್ಸ್ವರೂಪಂ ಪ್ರಪನ್ನಾಃ ।
ವಾಚಾತೀತೇ ಸಮರಸಘನೇ ಸಚ್ಚಿದಾನಂದರೂಪೇ
ನಿಸ್ತ್ರೈಗುಣ್ಯೇ ಪಥಿ ವಿಚರತಾಂ ಕೋ ವಿಧಿಃ ಕೋ ನಿಷೇಧಃ ॥ ೩ ॥

ಹೇಮ್ನಃ ಕಾರ್ಯಂ ಹುತವಹಗತಂ ಹೇಮತಾಮೇತಿ ತದ್ವತ್
ಕ್ಷೀರಂ ಕ್ಷೀರೇ ಸಮರಸಗತಂ ತೋಯಮೇವಾಂಬುಮಧ್ಯೇ ।
ಏವಂ ಸರ್ವಂ ಸಮರಸಗತಂ ತ್ವಂ ಪದಂ ತತ್ಪದಾರ್ಥೇ
ನಿಸ್ತ್ರೈಗುಣ್ಯೇ ಪಥಿ ವಿಚರತಾಂ ಕೋ ವಿಧಿಃ ಕೋ ನಿಷೇಧಃ ॥ ೪ ॥

ಕಶ್ಚಾತ್ರಾಹಂ ಕಿಮಪಿ ಚ ಭವಾನ್ ಕೋಽಯಮತ್ರ ಪ್ರಪಂಚಃ
ಸ್ವಾಂತರ್ವೇದ್ಯೇ ಗಗನಸದೃಶೇ ಪೂರ್ಣತತ್ತ್ವಪ್ರಕಾಶೇ ।
ಆನಂದಾಖ್ಯೇ ಸಮರಸಘನೇ ಬಾಹ್ಯ ಅಂತರ್ವಿಲೀನೇ
ನಿಸ್ತ್ರೈಗುಣ್ಯೇ ಪಥಿ ವಿಚರತಾಂ ಕೋ ವಿಧಿಃ ಕೋ ನಿಷೇಧಃ ॥ ೫ ॥

ದೃಷ್ಟ್ವಾ ಸರ್ವಂ ಪರಮಮಮೃತಂ ಸ್ವಪ್ರಕಾಶಸ್ವರೂಪಂ
ಬುಧ್ವಾತ್ಮಾನಂ ವಿಮಲಮಚಲಂ ಸಚ್ಚಿದಾನಂದರೂಪಮ್ ।
ಬ್ರಹ್ಮಾಧಾರಂ ಸಕಲಜಗತಾಂ ಸಾಕ್ಷಿಣಂ ನಿರ್ವಿಶೇಷಂ
ನಿಸ್ತ್ರೈಗುಣ್ಯೇ ಪಥಿ ವಿಚರತಾಂ ಕೋ ವಿಧಿಃ ಕೋ ನಿಷೇಧಃ ॥ ೬ ॥

ಕಾರ್ಯಾಕಾರ್ಯಂ ಕಿಮಪಿ ಚರತೋ ನೈವಕರ್ತೃತ್ವಮಸ್ತಿ
ಜೀವನ್ಮುಕ್ತಿಸ್ಸ್ಥಿತಿರಿಹ ಗತಾ ದಗ್ಧವಸ್ತ್ರಾವಭಾಸಾ ।
ಏವಂ ದೇಹೇ ಪ್ರಚಲಿತತಯಾ ದೃಶ್ಯಮಾನಸ್ಸ ಮುಕ್ತೋ
ನಿಸ್ತ್ರೈಗುಣ್ಯೇ ಪಥಿ ವಿಚರತಾಂ ಕೋ ವಿಧಿಃ ಕೋ ನಿಷೇಧಃ ॥ ೭ ॥

See Also  1000 Names Of Sri Tyagaraja Namavali Or Mukunda – Sahasranamavali Stotram In Kannada

ಯಸ್ಮಿನ್ ವಿಶ್ವಂ ಸಕಲಭುವನಂ ಸೈಂಧವಂ ಸಿಂಧುಮಧ್ಯೇ
ಪೃಥ್ವ್ಯಂಬ್ವಗ್ನಿಶ್ವಸನಗಗನಂ ಜೀವಭಾವಕ್ರಮೇಣ ।
ಯದ್ಯಲ್ಲೀನಂ ತದಿದಮಖಿಲಂ ಸಚ್ಚಿದಾನಂದರೂಪಂ
ನಿಸ್ತ್ರೈಗುಣ್ಯೇ ಪಥಿ ವಿಚರತಾಂ ಕೋ ವಿಧಿಃ ಕೋ ನಿಷೇಧಃ ॥ ೮ ॥

ಸತ್ಯಂ ಸತ್ಯಂ ಪರಮಮಮೃತಂ ಶಾಂತಿ ಕಳ್ಯಾಣಹೇತುಂ
ಮಾಯಾರಣ್ಯೇ ದಹನಮಮಲಂ ಶಾಂತಿನಿರ್ವಾಣದೀಪಮ್ ।
ತೇಜೋರಾಶಿಂ ನಿಗಮಸದನಂ ವ್ಯಾಸಪುತ್ರಾಷ್ಟಕಂ ಯಃ
ಪ್ರಾತಃಕಾಲೇ ಪಠತಿ ಸಹಸಾ ಯಾತಿ ನಿರ್ವಾಣಮಾರ್ಗಮ್ ॥ ೯ ॥

ಇತಿ ಶುಕಾಷ್ಟಕಮ್ ।

– Chant Stotra in Other Languages –

Shukashtakam (Vyasa Putra Ashtakam) in EnglishSanskrit – Kannada – TeluguTamil