॥ Sri Balambika Ashtakam 2 Telugu Lyrics ॥
॥ శ్రీబాలామ్బికాష్టకమ్ ౨ ॥
నతోఽస్మి తే దేవి సుపాదపఙ్కజం మురాసురేన్ద్రైరభివన్దితం సదా ।
పరాత్పరం చారుతరం సుమఙ్గలం వేదార్థ-వేద్యం మమకార్య-సిద్ధయే ॥ ౧ ॥
వేదైకవన్ద్యం భువనస్య మాతరం సమస్త-కల్యాణ-గుణాభిరామకామ్ ।
భక్తార్థదం భక్తజనాభివన్ద్యాం బాలామ్బికాం బాలకలాం నతోఽస్మి ॥ ౨ ॥
సౌవర్ణ-చిత్రాభరణాఞ్చ గౌరీం ప్రఫుల్ల రక్తోత్పల-భూషితాఙ్గీమ్ ।
నీలాలకాం నీలగల-ప్రియాఞ్చ బాలామ్బికాం బాలకలాం నతోఽస్మి ॥ ౩ ॥
సౌవర్ణ-వర్ణాకృతి-దివ్య-వస్త్రాం సౌవర్ణ-రత్నాఞ్చిత దివ్య-కాఞ్చీమ్ ।
నిమ్బాటవీ-నాథ-మనఃప్రహృష్టాం బాలామ్బికాం బాలకలాం నతోఽస్మి ॥ ౪ ॥
స్రగ్-చన్దనాలఙ్కృత-దివ్యదేహాం హారిద్రసచ్చూర్ణ విరాజితాఙ్గీమ్ ।
వైచిత్ర-కోటీర విభూషితాఙ్గీం బాలామ్బికాం బాలకలాం నతోఽస్మి ॥ ౫ ॥
వైచిత్ర-ముక్తామణి విద్రుమాణాం స్రగ్భిస్సదారాజిత గౌరవర్ణామ్ ।
చతుర్భుజాం చారు-విచిత్ర-రూపాం బాలామ్బికాం బాలకలాం నతోఽస్మి ॥ ౬ ॥
క్వణత్-సుమఞ్జీర-రవాభిరామాం సమస్త-హృన్మణ్డల-మధ్య-పీఠామ్ ।
వైద్యేశ్వరీం వైద్యపతి-ప్రియాఞ్చ బాలామ్బికాం బాలకలాం నతోఽస్మి ॥ ౭ ॥
బ్రహ్మేన్ద్ర-విష్ణ్వర్క-నిశీశ-పూర్వ గీర్వాణ-వర్యార్చిత దివ్య-దేహామ్ ।
జ్యోతిర్మయాం జ్ఞానద-దివ్య-రూపాం బాలామ్బికాం బాలకలాం నతోఽస్మి ॥ ౮ ॥
బాలామ్బికా స్తోత్రమతీవ పుణ్యం భక్తేష్టదఞ్చేన్-మనుజః ప్రభాతే ।
భక్త్త్యా పఠేత్ ప్రాబలార్థ-సిద్ధం ప్రాప్నోతి సద్యస్సకలేష్టకామాన్ ॥ ౯ ॥
॥ ఇతి శ్రీబాలామ్బికాష్టకస్తోత్రం సమ్పూర్ణమ్ ॥
– Chant Stotra in Other Languages –
Goddess Durga Slokam » Sri Balambika Ashtakam 2 Lyrics in Sanskrit » English » Bengali » Gujarati » Kannada » Malayalam » Odia » Tamil