॥ Sri Dakshinamurtyashtakam 2 Telugu Lyrics ॥
॥ శ్రీదక్షిణామూర్త్యష్టకమ్ ౨ ॥
పాయయ జనమిమమమృతం దుర్లభమితరస్య లోకస్య ।
నతజనపారనదీక్షిత మేధాధీదక్షిణామూర్తే ॥ ౧ ॥
స్తోతుం వా నేతుం వా జడవిషయాసక్తహృన్న శక్రోమి ।
నైసర్గికీ కురు కృపాం మయి వటతటవాస దక్షిణామూర్తే ॥ ౨ ॥
స్ఫురతు మమ హృది తనుస్తే పుస్తకముద్రాక్షమాలికాకుమ్భాన్ ।
దధతీ చన్ద్రార్ధలసచ్ఛీర్షా శ్రీదక్షిణామూర్తే ॥ ౩ ॥
సహమాన దక్షిణానన సహమానవిహీనమత్కమన్తుతతీః ।
సహమానత్వం త్యజ వా యుక్తం కుర్వత్ర యద్విభాతి తవ ॥ ౪ ॥
మేధాప్రజ్ఞే జన్మమూకోఽపి లోకః ప్రాప్నోత్యఙ్ఘ్రిం పూజయన్యస్య లోకే ।
తం పాదామ్భోజాతనమ్రామరాలిం మేధాప్రజ్ఞాదక్షిణామూర్తిమీడే ॥ ౫ ॥
గఙ్గానిర్ఝరిణీ హిమాద్రికుహరాద్యద్వత్సుధాంశోః ప్రభా
నిర్గచ్ఛత్యతివేగతః కమపి చ త్యక్త్వా ప్రయత్నం ముహుః ।
తద్వద్యత్పదభక్తవక్త్రకుహరాద్వాణీ జవాన్నిసరేత్
తం వన్దే మునివృన్దవన్ద్యచరణం శ్రీదక్షిణాస్యం ముదా ॥ ౬ ॥
అప్పిత్తార్కశశాఙ్కనేత్రమగజాసంలిఙ్గితాఙ్గం కృపా-
వారాశిం విధివిష్ణుముఖ్యదివిజైః సంసేవితాఙ్ఘ్రిం ముదా ।
నన్దీశప్రముఖైర్గణైః పరివృతం నాగాస్యషడ్వక్త్రయు-
క్పార్శ్వం నీలగలం నమామి వటభూరుణ్మూలవాసం శివమ్ ॥ ౭ ॥
శీతాంశుప్రతిమానకాన్తివపుషం పీతామ్బురాశ్యాదిభి-
ర్మౌనీన్ద్రైః పరిచిన్త్యమానమనిశం మోదాద్ధృదమ్భోరుహే ।
శాన్తానఙ్గకటాక్షిభాసినిటిలం కాన్తార్ధకాయం విభుం
వన్దే చిత్రచరిత్రమిన్దుముకుటం న్యగ్రోధమూలాశ్రయమ్ ॥ ౮ ॥
ఇతి శృఙ్గేరి శ్రీజగద్గురు శ్రీసచ్చిదానన్దశివాభినవనృసింహ-
భారతీస్వామిభిః విరచితం శ్రీదక్షిణామూర్త్యష్టకం సమ్పూర్ణమ్ ।
– Chant Stotra in Other Languages –
Lord Shiva Slokam » Sri Dakshinamurti Ashtakam 2 Lyrics in Sanskrit » English » Bengali » Gujarati » Kannada » Malayalam » Odia » Tamil