॥ Sri Gitasara Guru Ashtottara Shatanamavali Stotram Kannada Lyrics ॥
॥ ಶ್ರೀಗೀತಾಸಾರ ಗುರ್ವಷ್ಟೋತ್ತರಶತನಾಮಾವಲಿಸ್ತೋತ್ರಮ್ ॥
ಶ್ರೀಗಣೇಶಾಯ ನಮಃ ।
ಶ್ರೀಗುರುಭ್ಯೋ ನಮಃ ।
ಗೀತಾಮಧ್ಯಗತೈರೇವ ಗ್ರಥಿತೇಯಂ ಪದೈಃ ಶುಭೈಃ ।
ಆಚಾರ್ಯೇನ್ದ್ರಪದಾಮ್ಭೋಜೇ ಭಕ್ತ್ಯಾ ಮಾಲಾ ಸಮರ್ಪ್ಯತೇ ॥
ವಕ್ತುಂ ಬ್ರಹ್ಮವಿದಾಂ ಶ್ರೇಷ್ಠಂ ಮನೋವಾಚಾಮಗೋಚರಮ್ ।
ಕಥಮನ್ಯಾಃ ಸಮರ್ಥಾಃ ಸ್ಯುರ್ವಾಚೋ ಭಾಗವತೀರ್ವಿನಾ ॥
ಪ್ರಶಾನ್ತಾತ್ಮಾ ವಿಗತಭೀರ್ಯೋಗೀ ವಿಗತಕಲ್ಮಷಃ ।
ಯೋಗಯುಕ್ತೋ ವಿಶುದ್ಧಾತ್ಮಾ ಯತಚಿತ್ತೇನ್ದ್ರಿಯಕ್ರಿಯಃ ॥ 1 ॥
ಸ್ವಕರ್ಮನಿರತಃ ಶಾನ್ತೋ ಧರ್ಮಾತ್ಮಾಽಮಿತವಿಕ್ರಮಃ ।
ಮುಕ್ತಸಂಗೋಽನಹಂವಾದೀ ಧೃತ್ಯುತ್ಸಾಹಸಮನ್ವಿತಃ ॥ 2 ॥
ಸ್ಥಿರಬುದ್ಧಿರಸಂಮೂಢೋ ಜಿತಾತ್ಮಾ ವಿಗತಸ್ಪೃಹಃ ।
ಸರ್ವಸಂಕಲ್ಪಸಂನ್ಯಾಸೀ ಭಕ್ತಃ ಸಂಗವಿವರ್ಜಿತಃ ॥ 3 ॥
ವಿವಿಕ್ತಸೇವೀ ಲಘ್ವಾಶೀ ಯತವಾಕ್ಕಾಯಮಾನಸಃ ।
ಏಕಾಕೀ ಯೋಗಸಂಸಿದ್ಧೋ ಯೋಗಾರೂಢೋಽಪರಿಗ್ರಹಃ ॥ 4 ॥
ಧ್ಯಾನಯೋಗಪರೋ ಮೌನೀ ಸ್ವಸ್ಥಃ ಸಂಶುದ್ಧಕಿಲ್ಬಿಷಃ ।
ವೀತರಾಗಭಯಕ್ರೋಧಃ ಸ್ಥಿತಧೀರ್ವಿಗತಜ್ವರಃ ॥ 5 ॥
ಸರ್ವಾರಮ್ಭಪರಿತ್ಯಾಗೀ ಕೃತ್ಸ್ನವಿತ್ ಕೃತ್ಸ್ನಕರ್ಮಕೃತ್ ।
ಯತೇನ್ದ್ರಿಯಮನೋಬುದ್ಧಿರ್ಮುನಿರ್ಮೋಕ್ಷಪರಾಯಣಃ ॥ 6 ॥
ಯದೃಚ್ಛಾಲಾಭಸನ್ತುಷ್ಟೋ ದ್ವನ್ದ್ವಾತೀತೋ ವಿಮತ್ಸರಃ ।
ಅನಿಕೇತಃ ಸ್ಥಿರಮತಿರ್ಮಹಾತ್ಮಾ ದೃಢನಿಶ್ಚಯಃ ॥ 7 ॥
ನಿರ್ದ್ವನ್ದ್ವೋ ನಿತ್ಯಸತ್ತ್ವಸ್ಥೋ ನಿರ್ಯೋಗಕ್ಷೇಮ ಆತ್ಮವಾನ್ ।
ನಿರ್ಮಮೋ ನಿರಹಂಕಾರಃ ಸಮದುಃಖಸುಖಃ ಕ್ಷಮೀ ॥ 8 ॥
ನಿರಾಶೀರ್ಯತಚಿತ್ತಾತ್ಮಾ ತ್ಯಕ್ತಸರ್ವಪರಿಗ್ರಹಃ ।
ಅನಪೇಕ್ಷಃ ಶುಚಿರ್ದಕ್ಷ ಉದಾಸೀನೋ ಗತವ್ಯಥಃ ॥ 9 ॥
ಜ್ಞಾನವಿಜ್ಞಾನತೃಪ್ತಾತ್ಮಾ ಕೂಟಸ್ಥೋ ವಿಜಿತೇನ್ದ್ರಿಯಃ ।
ನಿಸ್ತ್ರೈಗುಣ್ಯೋ ವಶೀ ಜ್ಞಾನೀ ಸಮಲೋಷ್ಟಾಶ್ಮಕಾಂಚನಃ ॥ 10 ॥
ತುಲ್ಯಪ್ರಿಯಾಪ್ರಿಯೋ ಧೀರಸ್ತುಲ್ಯನಿನ್ದಾತ್ಮಸಂಸ್ತುತಿಃ ।
ತ್ಯಾಗೀ ಸತ್ತ್ವಸಮಾವಿಷ್ಟೋ ಮೇಧಾವೀ ಛಿನ್ನಸಂಶಯಃ ॥ 11 ॥
ವಿದ್ವಾನಾತ್ಮರತಿರ್ಮುಕ್ತೋ ನಿತ್ಯತೃಪ್ತೋ ನಿರಾಶ್ರಯಃ ।
ಅನ್ತಸ್ಸುಖೋಽನ್ತರಾರಾಮಃ ಸನ್ತುಷ್ಟಃ ಸರ್ವವಿತ್ ಪುಮಾನ್ ॥ 12 ॥
ಸರ್ವಭೂತಾತ್ಮಭೂತಾತ್ಮಾ ತತ್ತ್ವವಿತ್ ಸಮದರ್ಶನಃ ।
ಗತಿರ್ಭರ್ತಾ ಪ್ರಭುಃ ಸಾಕ್ಷೀ ನಿವಾಸಃ ಶರಣಂ ಸುಹೃತ್ ॥ 13 ॥
ಆತ್ಮತೃಪ್ತೋ ಗುರುಃ ಪೂಜ್ಯೋ ಗರೀಯಾನ್ ಪುರುಷೋತ್ತಮಃ ।
ಬ್ರಹ್ಮಭೂತಃ ಪ್ರಸನ್ನಾತ್ಮಾ ಲೋಕಾನುಗ್ರಹಕಾಮ್ಯಯಾ ॥ 14 ॥
ಸ್ಥಿತಪ್ರಜ್ಞೋ ಗುಣಾತೀತಃ ಚನ್ದ್ರಶೇಖರಭಾರತೀ ।
ಶಾರದಾಯಾಶ್ಚರಾ ಮೂರ್ತಿಃ ಶೃಂಗಶೈಲೇ ವಿರಾಜತೇ ॥ 15 ॥
ಇತಿ ಶ್ರೀಚನ್ದ್ರಶೇಖರಭಾರತೀಶಿಷ್ಯೇಣ ಶ್ರೀ ಆರ. ಕೃಷ್ಣಸ್ವಾಮಿನಾ
ರಚಿತಂ ಶ್ರೀಗೀತಾಸಾರ ಗುರ್ವಷ್ಟೋತ್ತರಶತನಾಮಾವಲಿಸ್ತೋತ್ರಮ್ ॥
– Chant Stotra in Other Languages –
Sri Gitasara Guru Ashtottara Shatanamavali Stotram Lyrics in Sanskrit » English » Bengali » Gujarati » Malayalam » Odia » Telugu » Tamil