॥ Sri Gokulesh Ashtottara Shatanama Stotram Kannada Lyrics ॥
॥ ಶ್ರೀಗೋಕುಲೇಶಾಷ್ಟೋತ್ತರಶತನಾಮಸ್ತೋತ್ರಮ್ ॥
ಯನ್ನಾಮಾಬ್ಜಂ ಸದಾಪೂರ್ಣಂ ಕೃಪಾಜ್ಯೋತ್ಸ್ನಾಸಮನ್ವಿತಮ್ ।
ಪುಷ್ಟಿಭಕ್ತಿಸುಧಾವೃಷ್ಟಿಕಾರಕಂ ಚ ಸುಖಾಲ್ಪದಮ್ ॥ 1 ॥
ಅಥ ನಾಮಶತಂ ಸಾಷ್ಟಂ ವಲ್ಲಭಸ್ಯ ವದಾಮ್ಯಹಮ್ ।
ದೇವತಾ ವಲ್ಲಭೋ ನಾಮ್ನಾಂ ಛನ್ದೋಽನುಷ್ಟುಪ್ ಸುಖಾಕರಮ್ ॥ 2 ॥
ಫಲಂ ತು ತತ್ಪದಾಮ್ಭೋಜೇ ವ್ಯಸನಂ ಸರ್ವದಾ ಭವೇತ್ ।
ಋಷಿಸ್ತು ವಿಷ್ಣುದಾಸೋಽತ್ರ ದಾಸಾಯ ವರಣಂ ಮತಮ್ ॥ 3 ॥
ವಲ್ಲಭೋ ಗೋಕುಲೇಶಶ್ಚ ವಿಠ್ಠಲೇಶಪ್ರಿಯಾತ್ಮಜಃ ।
ತಾತತುಲ್ಯಸ್ವಭಾವಸ್ಥೋ ವ್ರಜಮಂಗಲಭೂಷಣಃ ॥ 4 ॥
ಧರಾಧರಸ್ನೇಹದಾನ್ತೋ ಬಹುನಿರ್ದೋಷವಿಗ್ರಹಃ ।
ಭಜನಾನನ್ದಪೀಯೂಷಪೂರ್ಣೋ ಮಂಜುದೃಗಂಚಲಃ ॥ 5 ॥
ದಾಸವೃನ್ದಚಕೋರೇನ್ದುಃ ಕರುಣಾದೃಷ್ಟಿವೃಷ್ಟಿಕೃತ್ ।
ಷಟ್ಕರ್ಮವಾಂಜನಾಧಾರಃ ಪ್ರತೀತಃ ಪುರುಷೋತ್ತಮಃ ॥ 6 ॥
ದಾಸಲೀಲಾವಿಷ್ಟಚಿತ್ತೋ ಗೋಪೀವಲ್ಲಭವಲ್ಲಭಃ ।
ಗೃಹಸ್ಥಧರ್ಮಕರ್ತಾ ಚ ಮರ್ಯಾದಾಮಾರ್ಗರಕ್ಷಕಃ ॥ 7 ॥
ಪುಷ್ಟಿಮಾರ್ಗಸ್ಥಿತೋ ನಿತ್ಯಂ ಕೃಷ್ಣಪ್ರೇಮರಸಾತ್ಮಕಃ ।
ದ್ವಿಜದಾರಿದ್ರ್ಯದುಃಖಘ್ನೋ ವಾಂಛಾಕಲ್ಪತರುರ್ಮಹಾನ್ ॥ 8 ॥
ಅನನ್ಯಭಕ್ತಭಾವಜ್ಞೋ ಮೋಹನಾದಿಸುಖಪ್ರದಃ ।
ವಲ್ಲಭೇಷ್ಟಪ್ರದೋ ನಿತ್ಯಂ ಗೋಕುಲಪ್ರೀತಿವರ್ಧನಃ ॥ 9 ॥
ದಾಸಜೀವನರೂಪಶ್ಚ ಕನ್ದರ್ಪಾದಪಿ ಸುನ್ದರಃ ।
ಪಾದಪದ್ಮರಸಸ್ಪರ್ಶಸರ್ವಾರಿಷ್ಟನಿವಾರಕಃ ॥ 10 ॥
ಮಾಲೀರಕ್ಷಣಕರ್ತಾ ಚ ಶುದ್ಧಸತ್ಕೀರ್ತಿವರ್ಧನಃ ।
ದುಷ್ಟಾನಾನ್ದೋಷಹನ್ತಾ ಯೋ ಭಕ್ತನಿರ್ಭಯಕಾರಕಃ ॥ 11 ॥
ಇನ್ದ್ರಾದಿಭಿರ್ನತೋ ದಕ್ಷೋ ಲಾವಣ್ಯಾಮೃತವಾರಿಧಿಃ ।
ರಸಿಕೋ ದ್ವಿಜರಾಜಾಖ್ಯೋ ದ್ವಿಜವಂಶವಿಭೂಷಣಃ ॥ 12 ॥
ಅಸಾಧಾರಣಸದ್ಧರ್ಮಾ ಸಾಧಾರಃ ಸುಜನಾಶ್ರಿತಃ ।
ಕ್ಷಮಾವಾನ್ ಕ್ರೋಧಮಾತ್ಸರ್ಯತಿರಸ್ಕಾರಾದಿವರ್ಜಿತಃ ॥ 13 ॥
ಗೋಪೀಕಾನ್ತೋ ಮನೋಹಾರೀ ದಾಮೋದರಗುಣೋತ್ಸವಃ ।
ವಿಹಾರೀ ಭಕ್ತಪ್ರಾಣೇಶೋ ರಾಜೀವದಲಲೋಚನಃ ॥ 14 ॥
ಮುಕುನ್ದಾನುಗ್ರಹೋತ್ಸಾಹೀ ಭಕ್ತಿಮಾರ್ಗರಸಾತ್ಮಕಃ ।
ಭಕ್ತಭಾಗ್ಯಫಲಂ ಧೀರೋ ಬನ್ಧುಸಜ್ಜನವೇಷ್ಟಿತಃ ॥ 15 ॥
ವಚನಾಮೃತಮಾಧುರ್ಯತೃಪ್ತಸೇವಕಸಂಸ್ತುತಃ ।
ನಿತ್ಯೋತ್ಸವೋ ನಿತ್ಯಶ್ರೇಯೋ ನಿತ್ಯದಾನಪರಾಯಣಃ ॥ 16 ॥
ಭವಬನ್ಧನದುಃಖಘ್ನೋ ಮಹದಾಧಿವಿನಾಶಕಃ ।
ರಸಭಾವನಿಗೂಢಾತ್ಮಾ ಸ್ವೀಯೇಷು ಜ್ಞಾಪಿತಾಶಯಃ ॥ 17 ॥ Possible missing verse
ನಯನಾನನ್ದಕರ್ತಾ ಚ ವಿಶ್ವಮೋಹನರೂಪಧೃಕ್ ।
ಶ್ರುತಿಸ್ಮೃತಿಪುರಾಣಾದಿ-ಶಾಸ್ತ್ರಾತತ್ತ್ವಾರ್ಥಪಾರಗಃ ॥ 18 ॥
ಧನಾಢ್ಯೋ ಧನದೋ ಧರ್ಮರಕ್ಷಾಕರ್ತಾ ಶುಭಪ್ರದಃ ।
ಸರ್ವೇಶ್ವರಃ ಸದಾಪೂರ್ಣಜ್ಞಾನವಾನ್ ವಿಬುಧಪ್ರಿಯಃ ॥ 19 ॥
ಬ್ರಹ್ಮವಾದೇ ಸವಿಶ್ವಾಸೋ ಮಾಯಾವಾದಾದಿಖಂಡನಃ ।
ಉಗ್ರಪ್ರತಾಪವಾನ್ ಧ್ಯೇಯೋ ಭೃತ್ಯದುಃಖನಿವಾರಕಃ ॥ 20 ॥
ಸತಾಮಾತ್ಮಾಽಜಾತಶತ್ರುರ್ಜೀವಮಾತ್ರಶುಭಸ್ಪೃಹಃ ।
ದೀನಬನ್ಧುರ್ವಿಧುಃ ಶ್ರೀಮಾನ್ ದಯಾಲುರ್ಭಕ್ತವತ್ಸಲಃ ॥ 21 ॥
ಅನವದ್ಯಸುಸಂಕಲ್ಪೋ ಜಗದುದ್ಧಾರಣಕ್ಷಮಃ ।
ಅನನ್ತಶಕ್ತಿಮಾನ್ ಶುದ್ಧಗಮ್ಭೀರಮೃದುಲಾಶಯಃ ॥ 22 ॥
ಪ್ರಣಾಮಮಾತ್ರಸನ್ತುಷ್ಟಃ ಸರ್ವಾಧಿಕಸುಖಪ್ರದಃ ।
ಶೃಂಗಾರಾದಿರಸೋತ್ಕರ್ಷಚಾತುರ್ಯವಲಿತಸ್ಮಿತಃ ॥ 23 ॥
ಪಾದಾಮ್ಬುಜರಜಃಸ್ಪರ್ಶಮಹಾಪತಿತಪಾವನಃ ।
ಪಿತೃಪಾಲಿತಸದ್ಧರ್ಮರಕ್ಷಣೋತ್ಸುಕಮಾನಸಃ ॥ 24 ॥
ಭಕ್ತಿಸಿದ್ಧಾನ್ತಮರ್ಮಜ್ಞೋ ಗೂಢಭಾವಪ್ರಕಾಶಕಃ ।
ಪುಷ್ಟಿಪ್ರವಾಹಮರ್ಯಾದಾಮಾರ್ಗನಿರ್ಧಾರಕಾರಕಃ ॥ 25 ॥
ಶ್ರೀಭಾಗವತಸಾರಜ್ಞೋ ಸರ್ವಾಧಿಕತತ್ತ್ವಬೋಧಕಃ ।
ಅನನ್ಯಭಾವಸನ್ತುಷ್ಟಃ ಪರಾಶ್ರಯನಿವಾರಕಃ ॥ 26 ॥
ಆಚಾರ್ಯಾರ್ಧ್ಯಸ್ವರೂಪಶ್ಚ ಸದಾದ್ಭುತಚರಿತ್ರವಾನ್ ।
ತೈಲಂಗತಿಲಕೋ ದೈವೀಸೃಷ್ಟಿಸಾಫಲ್ಯಕಾರಕಃ ॥ 27 ॥
ಇತಿ ಶ್ರೀಗೋಕುಲೇಶಾನಾಂ ನಾಮಾಬ್ಜಾಭಿಧಮುತ್ತಮಮ್ ।
ಸ್ತೋತ್ರಂ ಸದ್ಬ್ರಹ್ಮಭಟ್ಟೇನ ವಿಷ್ಣುದಾಸೇನ ವರ್ಣಿತಮ್ ॥ 28 ॥
ಯಃ ಪಠೇಚ್ಛೃಣುಯಾದ್ಭಕ್ತ್ಯಾ ಪ್ರಭುಸ್ತಸ್ಯ ಪ್ರಿಯೋ ಭವೇತ್ ।
ಸಂಶಯೋಽತ್ರ ನ ಕರ್ತವ್ಯಃ ಸಮರ್ಥೋ ಗೋಕುಲೇಶ್ವರಃ ॥ 29 ॥
ತತ್ಕಾರುಣ್ಯಬಲೇನೈವ ಮಯೈತತ್ಪ್ರಕಟೀಕೃತಮ್ ।
ಪಠನ್ತು ಸಾಧವೋಽಪ್ಯೇತತ್ತದ್ವದ್ದೇವಾನುಕಮ್ಪಯಾ ॥ 30 ॥
ಮದೀಯೇಯಂ ತು ವಿಜ್ಞಪ್ತಿರ್ಬುದ್ಧಿದೋಷಪ್ರಮತ್ತತಾಮ್ ।
ಶೋಧಯಿತ್ವಾ ಯಥಾಯುಕ್ತಂ ತಥಾ ಕುರ್ವನ್ತು ಸಾಧವಃ ॥ 31 ॥
ಇತಿ ಶ್ರೀವಿಷ್ಣುದಾಸವಿರಚಿತಮಷ್ಟೋತ್ತರಶತನಾಮ್ನಾಂ ಸ್ತೋತ್ರಂ ಸಮ್ಪೂರ್ಣಮ್ ।
– Chant Stotra in Other Languages –
Gokulesh Ashtottara Shatanama Stotram Lyrics in Sanskrit » English » Bengali » Gujarati » Malayalam » Odia » Telugu » Tamil