॥ Sri GopIjana Vallabha Ashtakam Gujarati Lyrics ॥
॥ શ્રીગોપીજનવલ્લભાષ્ટકમ્ ॥
॥ અથ શ્રીગોપીજનવલ્લભાષ્ટકમ્ ॥
સરોજનેત્રાય કૃપાયુતાય મન્દારમાલાપરિભૂષિતાય ।
ઉદારહાસાય સસન્મુખાય નમોઽસ્તુ ગોપીજનવલ્લભાય ॥ ૧ ॥
આનન્દનન્દાદિકદાયકાય બકીબકપ્રાણવિનાશકાય ।
મૃગેન્દ્રહસ્તાગ્રજભૂષણાય નમોઽસ્તુ ગોપીજનવલ્લભાય ॥ ૨ ॥
ગોપાલલીલાકૃતકૌતુકાય ગોપાલકાજીવનજીવનાય ।
ભક્તૈકગમ્યાય નવપ્રિયાય નમોઽસ્તુ ગોપીજનવલ્લભાય ॥ ૩ ॥
મન્થાનભાણ્ડાખિલભઞ્જનાય હૈયઙ્ગવીનાશનરઞ્જનાય ।
ગોસ્વાદુદુગ્ધામૃતપોષિતાય નમોઽસ્તુ ગોપીજનવલ્લભાય ॥ ૪ ॥
કલિન્દજાકૂલકુતૂહલાય કિશોરરૂપાય મનોહરાય ।
પિશઙ્ગવસ્ત્રાય નરોત્તમાય નમોઽસ્તુ ગોપીજનવલ્લભાય ॥ ૫ ॥
ધરાધરાભાય ધરાધરાય શૃઙ્ગારહારાવલિશોભિતાય ।
સમસ્તગર્ગોક્તિસુલક્ષણાય નમોઽસ્તુ ગોપીજનવલ્લભાય ॥ ૬ ॥
ઇભેન્દ્રકુમ્ભસ્થલખણ્ડનાય વિદેશવૃન્દાવનમણ્ડનાય ।
હંસાય કંસાસુરમર્દનાય નમોઽસ્તુ ગોપીજનવલ્લભાય ॥ ૭ ॥
શ્રીદેવકીસૂનુવિમોક્ષણાય ક્ષત્તોદ્ધવાક્રૂરવરપ્રદાય ।
ગદારિશઙ્ખાબ્જચતુર્ભુજાય નમોઽસ્તુ ગોપીજનવલ્લભાય ॥ ૮ ॥
॥ ઇતિ શ્રીવલ્લભાચાર્યવિરચિતં શ્રીગોપીજનવલ્લભાષ્ટકં સમ્પૂર્ણમ્ ॥
– Chant Stotra in Other Languages –
Sri Gopijana Vallabha Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil