॥ Sri Hanumada Ashtottara Shatanama Stotram 3 Gujarati Lyrics ॥
॥ હનુમદષ્ટોત્તરશતનામસ્તોત્રમ્ ૩ ॥
(બ્રહ્મવૈવર્તે ઘટિકાચલમાહાત્મ્યતઃ)
અતિપાટલવક્ત્રાબ્જં ધૃતહેમાદ્રિવિગ્રહમ્ ।
આઞ્જનેયં શઙ્ખચક્રપાણિં ચેતસિ ધીમહિ ॥ ૧ ॥
પારિજાતપ્રિયો યોગી હનૂમાન્ નૃહરિપ્રિયઃ ।
પ્લવગેન્દ્રઃ પિઙ્ગલાક્ષઃ શીઘ્રગામી દૃઢવ્રતઃ ॥ ૨ ॥
શઙ્ખચક્રવરાભીતિપાણિરાનન્દદાયકઃ ।
સ્થાયી વિક્રમસમ્પન્નો રામદૂતો મહાયશાઃ ॥ ૩ ॥
સૌમિત્રિજીવનકરો લઙ્કાવિક્ષોભકારકઃ ।
ઉદધિક્રમણઃ સીતાશોકહેતુહરો હરિઃ ॥ ૪ ॥
બલી રાક્ષસસંહર્તા દશકણ્ઠમદાપહઃ ।
બુદ્ધિમાન્ નૈરૃતવધૂકણ્ઠસૂત્રવિદારકઃ ॥
સુગ્રીવસચિવો ભીમો ભીમસેનસહોદરઃ ।
સાવિત્રવિદ્યાસંસેવી ચરિતાર્થો મહોદયઃ ॥ ૬ ॥
વાસવાભીષ્ટદો ભવ્યો હેમશૈલનિવાસવાન્ ।
કિંશુકાભોઽગ્રયતનૂ ઋજુરોમા મહામતિઃ ॥ ૭ ॥
મહાક્રમો વનચરઃ સ્થિરબુદ્ધિરભીશુમાન્ ।
સિંહિકાગર્ભનિર્ભેત્તા ભેત્તા લઙ્કાનિવાસિનામ્ ॥ ૮ ॥
અક્ષશત્રુવિનિઘ્નશ્ચ રક્ષોઽમાત્યભયાવહઃ ।
વીરહા મૃદુહસ્તશ્ચ પદ્મપાણિર્જટાધરઃ ॥ ૯ ॥
સર્વપ્રિયઃ સર્વકામપ્રદઃ પ્રાંશુમુખશ્શુચિઃ ।
વિશુદ્ધાત્મા વિજ્વરશ્ચ સટાવાન્ પાટલાધરઃ ॥ ૧૦ ॥
ભરતપ્રેમજનકશ્ચીરવાસા મહોક્ષધૃક્ ।
મહાસ્ત્રબન્ધનસહો બ્રહ્મચારી યતીશ્વરઃ ॥ ૧૧ ॥
મહૌષધોપહર્તા ચ વૃષપર્વા વૃષોદરઃ ।
સૂર્યોપલાલિતઃ સ્વામી પારિજાતાવતંસકઃ ॥ ૧૨ ॥
સર્વપ્રાણધરોઽનન્તઃ સર્વભૂતાદિગો મનુઃ ।
રૌદ્રાકૃતિર્ભીમકર્મા ભીમાક્ષો ભીમદર્શનઃ ॥ ૧૩ ॥
સુદર્શનકરોઽવ્યક્તો વ્યક્તાસ્યો દુન્દુભિસ્વનઃ ।
સુવેલચારી મૈનાકહર્ષદો હર્ષણપ્રિયઃ ॥ ૧૪ ॥
સુલભઃ સુવ્રતો યોગી યોગિસેવ્યો ભયાપહઃ ।
વાલાગ્નિમથિતાનેકલઙ્કાવાસિગૃહોચ્ચયઃ ॥ ૧૫ ॥
વર્ધનો વર્ધમાનશ્ચ રોચિષ્ણૂ રોમશો મહાન્ ।
મહાદંષ્ટ્રો મહાશૂરઃ સદ્ગતિઃ સત્પરાયણઃ ॥
સૌમ્યદર્શી સૌમ્યવેષો હેમયજ્ઞોપવીતિમાન્ ।
મૌઞ્જીકૃષ્ણાજિનધરો મન્ત્રજ્ઞો મન્ત્રસારથિઃ ।
જિતારાતિઃ ષડૂર્મિશ્ચ સર્વપ્રિયહિતે રતઃ ॥ ૧૭ ॥
એતૈર્નામપદૈર્દિવ્યૈર્યઃ સ્તૌતિ તવ સન્નિધૌ ।
હનુમંસ્તસ્ય કિં નામ નો ભવેદ્ભક્તિશાલિનઃ ॥ ૧૮ ॥
પ્રણવં ચ પુરસ્કૃત્ય ચતુર્થ્યન્તૈર્નમોઽન્તકૈઃ ।
એતૈર્નામભિરવ્યગ્રૈરુચ્યતે હનુમાન્ ભવાન્ ॥ ૧૯ ॥
ઋણરોગાદિદારિદ્ર્યપાપક્ષુદપમૃત્યવઃ ।
વિનશ્યન્તિ હનુમંસ્તે નામસઙ્કીર્તનક્ષણે ॥ ૨૦ ॥
ભગવન્ હનુમન્ નિત્યં રાજવશ્યં તથૈવ ચ ।
લક્ષ્મીવશ્યં ચ શ્રીવશ્યમારોગ્યં દીર્ઘમાયુષમ્ ॥ ૨૧ ॥
પ્રાધાન્યં સકલાનાં ચ જ્ઞાતિપ્રાધાન્યમેવ ચ ।
વીર્યં તેજશ્ચ ભક્તાનાં પ્રયચ્છસિ મહામતે ॥ ૨૨ ॥
(બ્રહ્મવૈવર્તે ઘટિકાચલમાહાત્મ્યતઃ)
(ઘટિકાચલે શઙ્ખચક્રધરો હનુમાન્)
– Chant Stotra in Other Languages –
Sri Hanuman Slokam » Sri Hanumada Ashtottara Shatanama Stotram 3 Lyrics in Sanskrit » English » Bengali » Kannada » Malayalam » Odia » Telugu » Tamil