॥ Hayagriva Sahasranama Stotram Odia Lyrics ॥
॥ ଶ୍ରୀହୟଗ୍ରୀଵସହସ୍ରନାମସ୍ତୋତ୍ରମ୍ ॥
॥ ଶ୍ରୀଃ ॥
ଶୁକ୍ଲାମ୍ବରଧରଂ ଵିଷ୍ଣୁଂ ଶଶିଵର୍ଣଂ ଚତୁର୍ଭୁଜଂ
ପ୍ରସନ୍ନଵଦନଂ ଧ୍ୟାୟେତ୍ସର୍ଵଵିଘ୍ନୋପଶାନ୍ତୟେ ।
ୟସ୍ୟ ଦ୍ଵିରଦଵକ୍ରାଦ୍ୟାଃ ପାରିଷଦ୍ୟାଃ ପରଶ୍ଶତଂ
ଵିଘ୍ନଂ ନିଘ୍ନନ୍ତି ସତତଂ ଵିଷ୍ଵକ୍ସେନଂ ତମାଶ୍ରୟେ ॥
ଶ୍ରୀକାଶ୍ୟପଃ –
ତାତ ମେ ଶ୍ରୀହୟଗ୍ରୀଵନାମ୍ନାଂ ସାହସ୍ରମୁତ୍ତମମ୍ ।
ଅଧ୍ୟେତୁଂ ଜାୟତେ କାଙ୍କ୍ଷା ତତ୍ପ୍ରସୀଦ ମୟି ପ୍ରଭୋ ॥ ୧ ॥
ଇତିପୃଷ୍ଟସ୍ତତୋଵାଚ ବ୍ରହ୍ମା ଲୋକ ପିତାମହଃ ।
ଶ୍ରେୟସାମପି ଚ ଶ୍ରେୟଃ କାଶ୍ୟପେହ ଵିଶାମ୍ପତେ ॥ ୨ ॥
ଅମତ୍ୟା ଵିହିତଂ ପାପଂ ମୂଲତୋ ହି ଵିନଶ୍ୟତି ।
ରହସ୍ୟାନାଂ ରହସ୍ୟଂ ଚ ପାଵନାନାଂ ଚ ପାଵନମ୍ ॥ ୩ ॥
ପ୍ରାୟଶ୍ଚିତ୍ତେ କୃତେ ତସ୍ୟ କର୍ତାନ ନିରୟୀ ଭଵେତ୍ ।
କାମତସ୍ତୁ କୃତେ ପାପେ ପ୍ରାୟଶ୍ଚିତ୍ତଶତେନ ଚ ॥ ୪ ॥
ତନ୍ନ ନଶ୍ୟତି ତତ୍କର୍ତା ଵ୍ୟଵହାର୍ୟସ୍ତୁ ଜାୟତେ ।
ଏଵଂ ଦୁରପନୋଦାନାଂ ବୁଦ୍ଧିପୂର୍ଵମହାଂହସାମ୍ ॥ ୫ ॥
ଆଵର୍ଜନକରାଣାମପ୍ୟନ୍ତେ ନିଷ୍କୃତିରୀରିତା ।
ପ୍ରଣମ୍ୟ ମାନଵତୟା ମନ୍ତ୍ରରତ୍ନାନୁକୀର୍ତନମ୍ ॥ ୬ ॥
ହଂସନାମସହସ୍ରସ୍ୟପଠନଂ ଶିରସାନ୍ଵହମ୍ ।
ପ୍ରଣମ୍ୟ ଭଗଵଦ୍ଭକ୍ତପାଦୋଦକ ନିଷେଵଣମ୍ ॥ ୭ ॥
ତଦେତତ୍ତ୍ତ୍ରିତୟଂ ସର୍ଵପାପସଙ୍ଘାତନାଶନମ୍ ।
ଇତୀଦଂ ପରମଂ ଗୁହ୍ୟଂ ହଂସୋ ହୟଶିରାହରିଃ ॥ ୮ ॥
ଵେଦୋପଦେଶସମୟେ ମାଂ ନିବୋଧ୍ୟୋପଦିଷ୍ଟଵାନ ।
ଅନେନ ମନ୍ତ୍ରରତ୍ନେନ ମହାଶ୍ଵଶିରସୋ ହରେଃ ॥ ୯ ॥
ସହସ୍ରନାମଭିସ୍ତୁଲ୍ୟା ନିଷ୍କୃତିର୍ନେତରାଂହସାମ୍ ।
ଅନନ୍ୟଭଗଵଦ୍ଭକ୍ତପାଦୋଦକନିଷେଵଣମ୍ ॥ ୧୦ ॥
ଏତଦ୍ଦ୍ଵୟୋପଦେଶାଙ୍ଗମାଦୌ ସ୍ଵୀକାର୍ୟମିଷ୍ୟତେ ।
ଇତ୍ୟୁକ୍ତ୍ଵାଽନନ୍ତଗରୁଡଵିଷ୍ଵକ୍ସେନପଦୋଦକମ୍ ॥ ୧୧ ॥
ଆଦୌ ମାଂ ପ୍ରାଶୟନ୍ନନ୍ତେ ପରିଶୋଷ୍ୟେକୃତାଂହସି ।
ଆତ୍ମନୋ ନାମସାହସ୍ରଂ ସର୍ଷିଚ୍ଛନ୍ଦୋଽଧିଦୈଵତମ୍ ॥ ୧୨ ॥
ସନ୍ୟାସମୁଦ୍ରିକାଭେଦଂ ମହ୍ୟଂ ସାଙ୍ଗମୁପାଦିଶତ୍ ।
ୟଥାଵତ୍ତଦିଦଂ ଵତ୍ସ ଦଦ୍ୟାଂ ତେ ଶୃଣୁ ତତ୍ତ୍ଵତଃ ॥ ୧୩ ॥
ୟତ୍ପ୍ରାପ୍ୟାତ୍ୟନ୍ତିକୀ ଵୃତ୍ତ୍ୟା ନିଵୃତ୍ତ୍ୟା ମୋକ୍ଷମେଷ୍ୟତି ।
ହୟାସ୍ୟନାମସାହସ୍ରସ୍ତୋତ୍ରରାଜସ୍ୟ ଵୈଭଵମ୍ ॥ ୧୪ ॥
ଋଷିଶ୍ଶ୍ରୀମାନ୍ ହୟଗ୍ରୀଵୋ ଵିଦ୍ୟାମୂର୍ତିସ୍ସ୍ଵୟଂ ହରିଃ ।
ଦେଵତା ଚ ସ ଏଵାସ୍ୟ ଛନ୍ଦୋନୁଷ୍ଟୁବିତି ଶ୍ରୁତମ୍ ॥ ୧୫ ॥
ହଂସୋ ହଂସୋଽହମିତ୍ୟେତେ ବୀଜଂ ଶକ୍ତିସ୍ତୁକୀଲକମ୍ ।
ହଂସୀଂ ହଂସୋଽହମିତ୍ୟେତେ ପ୍ରାଗ୍ଜପ୍ୟା ମନଵସ୍ତ୍ରୟଃ ॥ ୧୬ ॥
ଏକୈକସ୍ୟ ଦଶାଵୃତ୍ତିରିତିସଙ୍ଖ୍ୟାଵିଧୀୟତେ ।
ପ୍ରଣଵତ୍ରୟମନ୍ତ୍ରଂ ସ୍ୟାତ୍କଵଚଂ ଶ୍ରୀଶ୍ଶ୍ରିୟୋ ଭଵେତ୍ ॥ ୧୭ ॥
ଶ୍ରୀଵିଭୂଷଣ ଇତ୍ୟେତଦ୍ଧୃଦୟଂ ପରିକୀର୍ତିତମ୍ ।
ପରୋରଜାଃ ପରଂ ବ୍ରହ୍ମେତ୍ୟପି ୟୋନିରୁଦାହୃତା ॥ ୧୮ ॥
ଵିଦ୍ୟାମୂର୍ତିରିତି ଧ୍ୟାନଂ ଵିଶ୍ଵାତ୍ମେତି ଚ ଗଦ୍ୟତେ ।
ଵିଶ୍ଵମଙ୍ଗଲନାମ୍ନୋଽସ୍ୟ ଵିନିୟୋଗୋ ୟଥାରୁଚି ॥ ୧୯ ॥
ଭ୍ରୂନେତ୍ରାଶ୍ରୋତ୍ରନାସାହନ୍ଵୋଷ୍ଠତାଲୂରଦେ କ୍ରମାତ୍ ।
ଷୋଡଶସ୍ଵରଵିନ୍ୟାସୋ ଦକ୍ଷିଣାରମ୍ଭମିଷ୍ୟତେ ॥ ୨୦ ॥
ଜିହ୍ଵାତଲେଽପି ତନ୍ମୂଲେ ସ୍ଵରାଵନ୍ତ୍ୟୌ ଚ ଵିନ୍ୟସେତ୍ ।
ତଦା ତାଲୁଦ୍ଵୟନ୍ୟାସସଖାୟୋସ୍ତୁ ପରିତ୍ୟଜେତ୍ ॥ ୨୧ ॥
ଅୟଂ ହି ଵିଦ୍ୟାକାମାନାମାଦ୍ୟସ୍ତ୍ଵନ୍ୟ ଫଲୈଷିଣାମ୍ ।
ଦୋଃପତ୍ସକ୍ଥ୍ୟଙ୍ଗୁଲୀଶୀର୍ଷେ ଵର୍ଗାନ୍କଚଟତାନ୍ନ୍ୟସେତ୍ ॥ ୨୨ ॥
ପାର୍ଶ୍ଵୟୋସ୍ତୁ ଵଫୌ ପୃଷ୍ଟୋଦରୟୋସ୍ତୁ ବଭୌ ନ୍ୟସେତ୍ ।
ମକାରଂ ହୃଦୟେ ନ୍ୟସ୍ୟ ଜୀଵେ ଵା ପଞ୍ଚଵିଂଶକେ ॥ ୨୩ ॥
ନାଭିପାୟୂଦରେ ଗୁହ୍ୟେ ୟରଲଵାନ୍ଵିନିକ୍ଷିପେତ୍ ।
ଶଷୌ କୁଣ୍ଡଲୟୋଶ୍ଶୀର୍ଷଂ ହାରେ ଚ କଟିସୂତ୍ରକେ ॥ ୨୪ ॥
ସହୌ ହୃଦବ୍ଜେ ହର୍ଦେ ଚ ଲମାପାଦଶିଖେ ନ୍ୟସେତ୍ ।
କ୍ଷଞ୍ଚ ଶୀର୍ଷାଦି ପାଦାନ୍ତଂ ମାତୃକାନ୍ୟାସ ଏଷ ତୁ ॥ ୨୫ ॥
ଅସ୍ୟ ଶ୍ରୀହୟଗ୍ରୀଵସହସ୍ରନାମ ସ୍ତୋତ୍ରମହାମନ୍ତ୍ରସ୍ୟ ଶ୍ରୀହୟଗ୍ରୀଵ ଋଷିଃ ।
ଅନୁଷ୍ଟୁପ୍ ଛନ୍ଦଃ । ଶ୍ରୀହୟଗ୍ରୀଵ ପରମାତ୍ମା ଦେଵତା । ହଂସ ଇତି ବୀଜମ୍ ।
ହଂସୋହମିତି ଶକ୍ତିଃ । ହଂସାଂ ହଂସୀମିତି କୀଲକମ୍ । ଓଂ ଓଂ ଓମିତ୍ୟସ୍ତ୍ରମ୍ ।
ଶ୍ରୀଃ ଶ୍ରିୟଃ ଇତି କଵଚମ୍ । ଶ୍ରୀଵିଭୂଷଣ ଇତି ହୃଦୟମ୍ ।
ପରୋରଜାଃ ପରଂ ବ୍ରହ୍ମେତି ୟୋନିଃ । ଵିଦ୍ୟାମୂର୍ତିର୍ଵିଶ୍ଵାତ୍ମା ଇତି ଧ୍ୟାନମ୍ ।
ହଂସାମଙ୍ଗୁଷ୍ଠାଭ୍ୟାଂ ନମଃ । ହଂସୀଂ ତର୍ଜନୀଭ୍ୟାଂ ନମଃ ।
ହଂସୂଂ ମଧ୍ୟମାଭ୍ୟାଂ ନମଃ । ହଂସୋଂ ଅନାମିକାଭ୍ୟାଂ ନମଃ ।
ହଂସୌଂ କନିଷ୍ଠିକାଭ୍ୟାଂ ନମଃ । ହଂସଃ କରତଲକରପୃଷ୍ଠାଭ୍ୟାଂ ନମଃ ।
ଏଵଂ ହୃଦୟାଦିନ୍ୟାସଃ ॥
ହଂସାଂ ଜ୍ଞାନାୟ ହୃଦୟାୟ ନମଃ । ହଂସୀଂ ଐଶ୍ଵର୍ୟାୟ ଶିରସେ ସ୍ଵାହା ।
ହଂସୂଂ ଶକ୍ତୟୈ ଶିଖାୟୈ ଵଷଟ୍ । ହଂସୋଂ ବଲାୟ କଵଚାୟ ହୁଂ ।
ହଂସୌଂ ତେଜସେ ନେତ୍ରାଭ୍ୟାଂ ଵୌଷଟ୍ ।
ହଂସଃ ଵୀର୍ୟାୟାସ୍ତ୍ରାୟ ଫଟ୍ ଓମିତି ଦିଗ୍ବନ୍ଧଃ ॥
ଅଥ ମାତୃକାନ୍ୟାସଃ –
ଓଂ ଅମ୍ ଆମ୍ ଭ୍ରୁଵୋଃ । ଇମ୍ ଈମ୍ ନେତ୍ରୟୋଃ । ଉମ୍ ଊମ୍ ଶ୍ରୋତ୍ରୟୋଃ । ଋମ୍ ୠମ୍ ନାସିକୟୋଃ ।
ଲୃମ୍ ଲୄମ୍ କପୋଲୟୋଃ । ଏମ୍ ଐମ୍ ଓଷ୍ଠୟୋଃ । ଓଂ ଔମ୍ ଦନ୍ତପଙ୍କ୍ତ୍ୟୋଃ ।
ଅମ୍ ଜିହ୍ଵାତଲେ । ଅଃ ଜିହ୍ଵାମୂଲେ ।
କଵର୍ଗଂ ଦକ୍ଷିଣେ ବାହୂମୂଲେ କୂର୍ପରେ ମଣିବନ୍ଧେ କରତଲେ ହସ୍ତାଗ୍ରେ ।
ଚଵର୍ଗଂ ଵାମେ ବାହୂମୂଲେ କୂର୍ପରେ ମଣିବନ୍ଧେ କରତଲେ ହସ୍ତାଗ୍ରେ ।
ଟଵର୍ଗଂ ଦକ୍ଷିଣେ ପାଦମୂଲେ ଜାନୁନି ପାଦପାର୍ଷ୍ଣୌ ପାଦତଲେ ପାଦାଗ୍ରେ ।
ତଵର୍ଗଂ ଵାମେ ପାଦମୂଲେ ଜାନୁନି ପାଦପାର୍ଷ୍ଣୌ ପାଦତଲେ ପାଦାଗ୍ରେ ।
ପଫୌ ପାର୍ଶ୍ଵୟୋଃ । ବଭୌ ପୃଷ୍ଠୋଦରୟୋଃ । ମଂ ହୃଦି ।
ୟଂ ରଂ ଲଂ ଵଂ ନାଭୌ ପାୟୌ ଉଦରେ ଗୁହ୍ୟେ । ଶଷୌ ହସ୍ତୟୋଃ ।
ସହୌ ଶୀର୍ଷେ କଟ୍ୟାମ୍ । ଲକ୍ଷୌ ହୃଦବ୍ଜେ ହାର୍ଦେ ଉତି ମାତୃକାନ୍ୟାସଃ ॥
ଅଥ ଧ୍ୟାନମ୍ ॥
ଵିଦ୍ୟାମୂର୍ତିମଖଣ୍ଡଚନ୍ଦ୍ରଵଲୟଶ୍ଵେତାରଵିନ୍ଦସ୍ଥିତଂ
ହୃଦ୍ୟାଭଂ ସ୍ଫଟିକାଦ୍ରିନିର୍ମଲତନୁଂ ଵିଦ୍ୟୋତମାନଂଶ୍ରିୟା ।
ଵାମାଙ୍କସ୍ଥିତଵଲ୍ଲଭାଂ ପ୍ରତି ସଦାଵ୍ୟାଖ୍ୟାନ୍ତମାମ୍ନାୟଵା-
ଗର୍ଥାନାଦିମପୂରୁଷଂ ହୟମୁଖଂ ଧ୍ୟାୟାମି ହଂସାତ୍ମକମ୍ ॥ ୧ ॥
ଵିଶ୍ଵାତ୍ମା ଵିଶଦପ୍ରଭାପ୍ରତିଲସଦ୍ଵାଗ୍ଦେଵତାମଣ୍ଡଲୋ
ଦେଵୋ ଦକ୍ଷିଣପାଣିୟୁଗ୍ମଵିଲସଦ୍ବୋଧାଙ୍କଚକ୍ରାୟୁଧଃ ।
ଵାମୋଦଗ୍ରକରେ ଦରଂ ତଦିତରେଣାଶ୍ଲିଷ୍ୟ ଦୋଷ୍ଣା ରମାଂ
ହସ୍ତାଗ୍ରେ ଧୃତପୁସ୍ତକସ୍ସ ଦୟତାଂ ହଂସୋ ହିରଣ୍ୟଚ୍ଛଦଃ ॥ ୨ ॥
ଅଥ ସହସ୍ରନାମସ୍ତୋତ୍ରପ୍ରାରମ୍ଭଃ ।
ଓଂ – ଶ୍ରୀଂ ହଂସୋ ହମୈ ମୋଂ କ୍ଲୀଂ ଶ୍ରୀଶ୍ଶ୍ରିୟଶ୍ଶ୍ରୀଵିଭୂଷଣଃ ।
ପରୋରଜାଃ ପରଂ ବ୍ରହ୍ମ ଭୂର୍ଭୁଵସ୍ସୁଵରାଦିମଃ ॥ ୧ ॥
ଭାସ୍ଵାନ୍ଭଗଶ୍ଚ ଭଗଵାନ୍ସ୍ଵସ୍ତିସ୍ଵାହା ନମସ୍ସ୍ଵଧା ।
ଶ୍ରୌଷଡ୍ଵୌଷଢଲଂ ହୁଂ ଫଟ୍ ହୁଂ ହ୍ରୀଂ କ୍ରୋଂ ହ୍ଲୌଂ ୟଥା ତଥା ॥ ୨ ॥
କର୍କଗ୍ରୀଵଃ କଲାନାଥଃ କାମଦଃ କରୁଣାକରଃ ।
କମଲାଧ୍ୟୁଷିତୋତ୍ସଙ୍ଗଃ କ୍ଷୟେ କାଲୀଵଶାନୁଗଃ ॥ ୩ ॥
ନିଷଚ୍ଛୋପନିଷଚ୍ଚାଥ ନୀଚୈରୁଚ୍ଚୈସ୍ସମଂ ସହ ।
ଶଶ୍ଵଦ୍ୟୁଗପଦହ୍ଵାୟ ଶନୈରେକୋ ବହୁଧ୍ରୁଵଃ ॥ ୪ ॥
ଭୂତଭୃଦ୍ଭୂରିଦସ୍ସାକ୍ଷୀ ଭୂତାଦିଃ ପୁଣ୍ୟକୀର୍ତନଃ ।
ଭୂମା ଭୂମିରଧୋନ୍ନଦ୍ଧଃ ପୁରୁହୂତଃ ପୁରୁଷ୍ଟୁତଃ ॥ ୫ ॥
ପ୍ରଫୁଲ୍ଲପୁଣ୍ଡରୀକାକ୍ଷଃ ପରମେଷ୍ଠୀ ପ୍ରଭାଵନଃ ।
ପ୍ରଭୁର୍ଭଗଃସତାଂ ବନ୍ଧୁର୍ଭୟଧ୍ଵଂସୀ ଭଵାପନଃ ॥ ୬ ॥
ଉଦ୍ୟନ୍ନୁରୁଶୟାହୁଂ କୃଦୁରୁଗାୟ ଉରୁକ୍ରମଃ ।
ଉଦାରସ୍ତ୍ରିୟୁଗସ୍ତ୍ର୍ୟାତ୍ମା ନିଦାନଂ ନଲୟୋ ହରିଃ ॥ ୭ ॥
ହିରଣ୍ୟଗର୍ଭୋ ହେମାଙ୍ଗୋ ହିରଣ୍ୟଶ୍ମଶ୍ରୁରୀଶିତା ।
ହିରଣ୍ୟକେଶୋ ହିମହା ହେମଵାସା ହିତୈଷଣଃ ॥ ୮ ॥
ଆଦିତ୍ୟମଣ୍ଡଲାନ୍ତସ୍ଥୋ ମୋଦମାନସ୍ସମୂହନଃ ।
ସର୍ଵାତ୍ମା ଜଗଦାଧାରସ୍ସନ୍ନିଧିସ୍ସାରଵାନ୍ସ୍ଵଭୂଃ ॥ ୯ ॥
ଗୋପତିର୍ଗୋହିତୋ ଗୋମୀ କେଶଵଃ କିନ୍ନରେଶ୍ଵରଃ ।
ମାୟୀ ମାୟାଵିକୃତିକୃନ୍ମହେଶାନୋ ମହାମହାଃ ॥ ୧୦ ॥
ମମା ମିମୀ ମୁମୂ ମୃମୄଂ ମ୍ଲୁମ୍ଲୂଂ ମେମୈଂ ତଥୈଵ ଚ ।
ମୋମୌଂ ବିନ୍ଦୁର୍ଵିସର୍ଗଶ୍ଚ ହ୍ରସ୍ଵୋଦୀର୍ଘଃ ପ୍ଲୁତସ୍ସ୍ଵରଃ ॥ ୧୧ ॥
ଉଦାତ୍ତଶ୍ଚାନୁଦାତ୍ତଶ୍ଚ ସ୍ଵରିତଃ ପ୍ରଚୟସ୍ତଥା ।
କଂ ଖଂ ଗଂ ଘଂ ଙଂ ଚ ଚଂ ଛଂ ଜଂ ଝଂ ଞଂ ଟଂ ଠମେଵ ଚ ॥ ୧୨ ॥
ଡଂ ଢଂ ଣଂ ତଂ ଥଂ ଚ ଦଂ ଚ ଧଂ ନଂ ପଂ ଫଂ ବମେଵ ଚ
ଭଂ ମଂ ୟଂ ରଂ ଲଂ ଚ ଵଂ ଚ ଶଂ ଷଂ ସଂ ହଂ ଳମେଵ ଚ ॥ ୧୩ ॥
କ୍ଷଂ ୟମୋଂ ଵ୍ୟଞ୍ଜନୋ ଜିହ୍ଵାମୂଲୀୟୋଽର୍ଧଵିସର୍ଗଵାନ୍ ।
ଉପଧ୍ମାନୀୟ ଇତି ଚ ସଂୟୁକ୍ତାକ୍ଷର ଏଵ ଚ ॥ ୧୪ ॥
ପଦଂ କ୍ରିୟା କାରକଶ୍ଚ ନିପାତୋ ଗତିରଵ୍ୟୟଃ ।
ସନ୍ନିଧିର୍ୟୋଗ୍ୟତାଽଽକାଙ୍କ୍ଷା ପରସ୍ପରସମନ୍ଵୟଃ ॥ ୧୫ ॥
ଵାକ୍ୟଂ ପଦ୍ୟଂ ସମ୍ପ୍ରଦାୟୋ ଭାଵଶ୍ଶବ୍ଦାର୍ଥଲାଲିତଃ ।
ଵ୍ୟଞ୍ଜନା ଲକ୍ଷଣା ଶକ୍ତିଃ ପାକୋ ରୀତିରଲଙ୍କୃତିଃ ॥ ୧୬ ॥
ଶୟ୍ୟା ଫ୍ରୌଢଧ୍ଵନିସ୍ତଦ୍ଵତ୍କାଵ୍ୟଂ ସର୍ଗଃ କ୍ରିୟା ରୁଚିଃ ।
ନାନାରୂପପ୍ରବନ୍ଧଶ୍ଚ ୟଶଃ ପୁଣ୍ୟଂ ମହଦ୍ଧନମ୍ ॥ ୧୭ ॥
ଵ୍ୟଵହାରପରିଜ୍ଞାନଂ ଶିଵେତରପରିକ୍ଷୟଃ ।
ସଦଃ ପରମନିର୍ଵାଣଂ ପ୍ରିୟପଥ୍ୟୋପଦେଶକଃ ॥ ୧୮ ॥
ସଂସ୍କାରଃ ପ୍ରତିଭା ଶିକ୍ଷା ଗ୍ରହଣଂ ଧାରଣଂ ଶ୍ରମଃ ।
ଆସୁତାସ୍ଵାଦିମା ଚିତ୍ରଂ ଵିସ୍ତାରଶ୍ଚିତ୍ରସଂଵିଧିଃ ॥ ୧୯ ॥
ପୁରାଣମିତିହାସଶ୍ଚ ସ୍ମୃତିସୂତ୍ରଂ ଚ ସଂହିତା ।
ଆଚାର ଆତ୍ମନା ତୁଷ୍ଟିରାଚାର୍ୟାଜ୍ଞାନତିକ୍ରମଃ ॥ ୨୦ ॥
ଶ୍ରୀମାନ୍ଶ୍ରୀଗୀଃଶ୍ରିୟଃ କାନ୍ତଶ୍ଶ୍ରୀନିଧିଶ୍ଶ୍ରୀନିକେତନଃ ।
ଶ୍ରେୟାନ୍ହୟାନନଶ୍ରୀଦଶ୍ଶ୍ରୀମୟଶ୍ଶ୍ରିତଵତ୍ସଲଃ ॥ ୨୧ ॥
ହଂସଶ୍ଶୁଚିଷଦାଦିତ୍ୟୋ ଵସୁଶ୍ଚନ୍ଦ୍ରୋଽନ୍ତରିକ୍ଷସତ୍ ।
ହୋତା ଚ ଵେଦିଷଦ୍ୟୋନିରତିଥିର୍ଦ୍ରୋଣସଦ୍ଧଵିଃ ॥ ୨୨ ॥
ନୃଷନ୍ମୃତ୍ୟୁଶ୍ଚ ଵରସଦମୃତଂ ଚର୍ତସଦ୍ଵୃଷଃ ।
ଵ୍ୟୋମସଦ୍ଵିଵିଧସ୍କୋଟଶବ୍ଦାର୍ଥଵ୍ୟଙ୍ଗ୍ୟଵୈଭଵଃ ॥ ୨୩ ॥
ଅବ୍ଜା ରସସ୍ଵାଦୁତମୋ ଗୋଜା ଗେୟୋ ମନୋହରଃ ।
ଋତଜାସ୍ସକଲଂ ଭଦ୍ରମଦ୍ରିଜାସ୍ଥୈର୍ୟମୁତ୍ତମମ୍ ॥ ୨୪ ॥
ଋତଂ ସମଜ୍ଞାତ୍ଵନୃତଂ ବୃହତ୍ସୂକ୍ଷ୍ମଵଶାନୁଗଃ ।
ସତ୍ୟଂ ଜ୍ଞାନମନନ୍ତଂ ୟତ୍ତତ୍ସଦ୍ବ୍ରହ୍ମମୟୋଽଚ୍ୟୁତଃ ॥ ୨୫ ॥
ଅଗ୍ରେଭଵନ୍ନଗୋ ନିତ୍ୟଃ ପରମଃ ପୁରୁଷୋତ୍ତମଃ ।
ୟୋଗନିଦ୍ରାପରସ୍ସ୍ଵାମୀ ନିଧ୍ୟାନଵରନିର୍ଵୃନଃ ॥ ୨୬ ॥
ରସୋ ରସ୍ୟୋ ରସୟିତା ରସଵାନ୍ ରସିକପ୍ରିୟଃ ।
ଆନନ୍ଦୋ ନନ୍ଦୟନ୍ସର୍ଵାନାନନ୍ଦୀ ହୟକନ୍ଧରଃ ॥ ୨୭ ॥
କାଲଃ କାଲ୍ୟଶ୍ଚ କାଲାତ୍ମା କାଲାଭ୍ୟୁତ୍ଥିତଜାଗରଃ ।
କଲାସାଚିଵ୍ୟକୃତ୍କାନ୍ତାକଥିତଵ୍ୟାଧିକାର୍ୟକଃ ॥ ୨୮ ॥
ଦୃଙ୍ନ୍ୟଞ୍ଚନୋଦଞ୍ଚନୋଦ୍ୟଲ୍ଲୟସର୍ଗୋ ଲଘୁକ୍ରିୟଃ ।
ଵିଦ୍ୟାସହାୟୋ ଵାଗୀଶୋ ମାତୃକାମଣ୍ଡଲୀକୁତଃ ॥ ୨୯ ॥
ହିରଣ୍ୟଂ ହଂସମିଥୁନମୀଶାନଶ୍ଶକ୍ତିମାନ୍ ଜୟୀ ।
ଗ୍ରହମେଥୀ ଗୁଣୀ ଶ୍ରୀଭୂନୀଲାଲୀଲୈକଲାଲସ ॥ ୩୦ ॥
ଅଙ୍କେନୋଦୂହ୍ୟ ଵାଗ୍ଦେଵୀମାଚାର୍ୟକମୁପାଶ୍ରୟଃ ।
ଵେଦଵେଦାନ୍ତଶାସ୍ତ୍ରାର୍ଥତତ୍ତ୍ଵଵ୍ୟାଖ୍ୟାନତତ୍ପରଃ ॥ ୩୧ ॥
ଲ୍ହୌଂ ହ୍ଲଂ ହଂ ହଂ ହୟୋ ହଂ ସୂଂ ହଂସାଂ ହଂସୀଂ ହସୂଂ ହସୌମ୍ ।
ହସୂଂ ହଂ ହରିଣୋ ହାରୀ ହରିକେଶୋ ହରେଡିତଃ ॥ ୩୨ ॥
ସନାତନୋ ନିର୍ବୀଜସ୍ସନ୍ନଵ୍ୟକ୍ତୋ ହୃଦୟେଶୟଃ ।
ଅକ୍ଷରଃ କ୍ଷରଜୀଵେଶଃ କ୍ଷମୀ କ୍ଷୟକରୋଽଚ୍ୟୁତଃ ॥ ୩୩ ॥
କର୍ତାକାରୟିତାଽକାର୍ୟଂ କାରଣଂ ପ୍ରକୃତିଃ କୃତିଃ ।
କ୍ଷୟକ୍ଷୟମନାମାର୍ଥୋ ଵିଷ୍ଣୁର୍ଜିଷ୍ଣୁର୍ଜଗନ୍ମୟଃ ॥ ୩୪ ॥
ସଙ୍କୁଚନ୍ଵିକଚନ୍ସ୍ଥାଣୁନିର୍ଵିକାରୋ ନିରାମୟଃ ।
ଶୁଦ୍ଧୋ ବୁଦ୍ଧଃ ପ୍ରବୁଦ୍ଧଶ୍ଚ ସ୍ନିଗ୍ଧୋ ମୁଗ୍ଧସ୍ସମୁଦ୍ଧତଃ ॥ ୩୫ ॥
ସଙ୍କଲ୍ପଦୋ ବହୁଭଵତ୍ସର୍ଵାତ୍ମା ସର୍ଵନାମଭୃତ୍ ।
ସହସ୍ରଶୀର୍ଷସ୍ସର୍ଵଜ୍ଞସ୍ସହସ୍ରାକ୍ଷସ୍ସହସ୍ରପାତ୍ ॥ ୩୬ ॥
ଵ୍ୟକ୍ତୋଵିରାଟ୍ସ୍ଵରାଟ୍ସମ୍ରାଡ୍ଵିଷ୍ଵଗ୍ରୂପଵପୁର୍ଵିଧୁଃ ।
ମାୟାଵୀ ପରମାନନ୍ଦୋ ମାନ୍ୟୋ ମାୟାତିଗୋ ମହାନ୍ ॥ ୩୭ ॥
ଵଟପତ୍ରଶୟୋ ବାଲୋ ଲଲନ୍ନାମ୍ନାୟସୂଚକଃ ।
ମୁଖନ୍ୟସ୍ତକରଗ୍ରସ୍ତପାଦାଗ୍ରପଟଲଃ ପ୍ରଭୁଃ ॥ ୩୮ ॥
ନୈଦ୍ରୀହାସାଶ୍ଵସମ୍ଭୂତଜ୍ଞାଜ୍ଞସାତ୍ଵିକତାମସଃ ।
ମହାର୍ଣଵାମ୍ବୁପର୍ୟଙ୍କଃ ପଦ୍ମନାଭଃ ପରାତ୍ପରଃ ॥ ୩୯ ॥
ବ୍ରହ୍ମଭୂର୍ବ୍ରହ୍ମଭୟହୃଦ୍ଧରିରୋମୁପଦେଶକୃତ୍ ।
ମଧୁକୈଟଭନିର୍ମାତା ମତ୍ତବ୍ରହ୍ମମଦାପହଃ ॥ ୪୦ ॥
ଵେଧୋଵିଲାସଵାଗାନିର୍ଦୟାସାରୋ ମୃଷାର୍ଥଦଃ ।
ନାରାୟଣାସ୍ତ୍ରନିର୍ମାତାମଧୁକୈଟଭମର୍ଦନଃ ॥ ୪୧ ॥
ଵେଦକର୍ତା ଵେଦଭର୍ତା ଵେଦହର୍ତା ଵିଦାଂଵରଃ ।
ପୁଙ୍ଖାନୁପୁଙ୍ଖହେଷାଢ୍ୟଃ ପୂର୍ଣଷାଡ୍ଗୁଣ୍ୟଵିଗ୍ରହଃ ॥ ୪୨ ॥
ଲାଲାମୃତକଣଵ୍ୟାଜଵାନ୍ତନିର୍ଦୋଷଵର୍ଣକଃ ।
ଉଲ୍ଲୋଲସ୍ଵାନଧୀରୋଦ୍ୟଦୁଚ୍ଚୈର୍ହଲହଲଧ୍ଵନିଃ ॥ ୪୩ ॥
କର୍ଣାଦାରଭ୍ୟ କଲ୍କ୍ୟାତ୍ମା କଵିଃ କ୍ଷୀରାର୍ଣଵୋପମଃ ।
ଶଙ୍ଖ ଚକ୍ରଗଦୀ ଖଡ୍ଗୀ ଶାର୍ଙ୍ଗୀ ନିର୍ଭୟମୁଦ୍ରକଃ ॥ ୪୪ ॥
ଚିନ୍ମୁଦ୍ରାଚିହ୍ନିତୋ ହସ୍ତତଲଵିନ୍ୟସ୍ତପୁସ୍ତକଃ ।
ଵିଦ୍ୟାନାମ୍ନୀଂ ଶ୍ରିୟଂ ଶିଷ୍ୟାଂ ଵେଦୟନ୍ନିଜଵୈଭଵମ୍ ॥ ୪୫ ॥
ଅଷ୍ଟାର୍ଣ୍ୟମ୍ୟୋଽଷ୍ଟଭୁଜୋଵ୍ୟଷ୍ଟିସୃଷ୍ଟିକରଃ ପିତା ।
ଅଷ୍ଟୈଶ୍ଵର୍ୟପ୍ରଦୋହୃଷ୍ୟଦଷ୍ଟମୂର୍ତିପିତୃସ୍ତୁତଃ ॥ ୪୬ ॥
ଅନୀତଵେଦପୁରୁଷୋ ଵିଧିଵେଦୋପଦେଶକୃତ୍ ।
ଵେଦଵେଦାଙ୍ଗଵେଦାନ୍ତପୁରାଣସ୍ମୃତିମୂର୍ତିମାନ୍ ॥ ୪୭ ॥
ସର୍ଵକର୍ମସମାରାଧ୍ୟସ୍ସର୍ଵଵେଦମୟୋ ଵିଭୁଃ ।
ସର୍ଵାର୍ଥତତ୍ତ୍ଵଵ୍ୟାଖ୍ୟାତା ଚତୁଷ୍ଷଷ୍ଟିକଲାଧିପଃ ॥ ୪୮ ॥
ଶୁଭୟୁକ୍ସୁମୁଖଶ୍ଶୁଦ୍ଧସ୍ସୁରୂପସ୍ସୁଗତସ୍ସୁଧୀଃ ।
ସୁଵ୍ରତିସ୍ସଂହୃତିଶ୍ଶୂରସ୍ସୁତପାଃ ସୁଷ୍ଟୁତିସ୍ସୁହୃତ୍ ॥ ୪୯ ॥
ସୁନ୍ଦରସ୍ସୁଭଗସ୍ସୌମ୍ୟସ୍ସୁଖଦସ୍ସୁହୃଦାଂ ପ୍ରିୟଃ ।
ସୁଚରିତ୍ରସ୍ସୁଖତରଶ୍ଶୁଦ୍ଧସତ୍ଵପ୍ରଦାୟକଃ ॥ ୫୦ ॥
ରଜସ୍ତମୋହରୋ ଵୀରୋଵିଶ୍ଵରକ୍ଷାଧୁରନ୍ଧରଃ ।
ନରନାରାୟଣାକୃତ୍ୟା ଗୁରୁଶିଷ୍ୟତ୍ଵମାସ୍ଥିତଃ ॥ ୫୧ ॥
ପରାଵରାତ୍ମା ପ୍ରବଲଃ ପାଵନଃ ପାପନାଶନଃ ।
ଦୟାଘନଃ କ୍ଷମାସାରୋ ଵାତ୍ସଲ୍ୟୈକଵିଭୂଷଣଃ ॥ ୫୨ ॥
ଆଦିକୂର୍ମୋ ଜଗଦ୍ଭର୍ତା ମହାପୋତ୍ରୀ ମହୀଧରଃ ।
ସ୍ତଦ୍ଭିତ୍ସ୍ଵାମୀ ହରିର୍ୟକ୍ଷୋ ହିରଣ୍ୟରିପୁରୈଚ୍ଛିକଃ ॥ ୫୩ ॥
ପ୍ରହ୍ଲାଦପାଲକସ୍ସର୍ଵଭୟହର୍ତା ପ୍ରିୟଂଵଦଃ ।
ଶ୍ରୀମୁଖାଲୋକନସ୍ରଂସତ୍କ୍ରୌଞ୍ଚକଃ କୁହକାଞ୍ଚନଃ ॥ ୫୪ ॥
ଛତ୍ରୀ କମଣ୍ଡଲୁଧରୋ ଵାମନୋ ଵଦତାଂ ଵରଃ ।
ପିଶୁନାତ୍ମା ଶନୋଦୃଷ୍ଟିଲୋପନୋ ବଲିମର୍ଦନଃ ॥ ୫୫ ॥
ଉରୁକ୍ତମୋ ବଲିଶିରୋନ୍ୟସ୍ତାଙ୍ଘ୍ରିର୍ବଲିମର୍ଦନଃ ।
ଜାମଦଗ୍ନ୍ୟଃ ପରଶୁଭୃତ୍କୃତ୍ତକ୍ଷତ୍ତ୍ରକୁଲୋତ୍ତମଃ ॥ ୫୬ ॥
ରାମୋଽଭିରାମଶ୍ଶାନ୍ତାତ୍ମା ହରକୋଦଣ୍ଡଖଣ୍ଡନଃ ।
ଶରଣାଗତସନ୍ତ୍ରାତା ସର୍ଵାୟୋଧ୍ୟକମୁକ୍ତିଦଃ ॥ ୫୭ ॥
ସଙ୍କର୍ଷଣୋମଦୋଦଗ୍ରୋ ବଲଵାନ୍ମୁସଲାୟୁଧଃ ।
କୃଷ୍ଣାକ୍ଲେଶହରଃ କୃଷ୍ଣୋ ମହାଵ୍ୟସନଶାନ୍ତିଦଃ ॥ ୫୮ ॥
ଅଙ୍ଗାରିତୋତ୍ତରାଗର୍ଭପ୍ରାଣଦଃ ପାର୍ଥସାରଥିଃ ।
ଗୀତାଚାର୍ୟୋ ଧରାଭାରହାରୀ ଷଟ୍ପୁରମର୍ଦନଃ ॥ ୫୯ ॥
କଲ୍କୀ ଵିଷ୍ଣୁୟଶସ୍ସୂନୁଃ କଲିକାଲୁଷ୍ୟନାଶନଃ ।
ସାଧୁଦୁଷ୍କୃତ୍ପରିତ୍ରାଣଵିନାଶଵିହିତୋଦୟଃ ॥ ୬୦ ॥
ଵୈକୁଣ୍ଠେ ପରମେ ତିଷ୍ଠନ୍ ସୁକୁମାରୟୁଵାକୃତିଃ ।
ଵିଶ୍ଵୋଦୟସ୍ଥିତିଧ୍ଵଂସସଙ୍କଲ୍ପେନ ସ୍ଵୟଂ ପ୍ରଭୁଃ ॥ ୬୧ ॥
ମଦନାନାଂ ଚ ମଦନୋ ମଣିକୋଟୀରମାନିତଃ ।
ମନ୍ଦାରମାଲିକାପୀଡୋ ମଣିକୁଣ୍ଡଲମଣ୍ଡିତଃ ॥ ୬୨ ॥
ସୁସ୍ନିଗ୍ଧନୀଲକୁଟିଲକୁନ୍ତଲଃ କୋମଲାକୃତିଃ ।
ସୁଲଲାଟସ୍ସ୍ତୁତିଲକସ୍ସୁଭ୍ରୂକସ୍ସୁକପୋଲକଃ ॥ ୬୩ ॥
ସିଦ୍ଧାସଦସଦାଲୋକସୁଧାସ୍ୟନ୍ଦୀରଦଚ୍ଛଦଃ ।
ତାରକାକୋରକାକାରଵିନିର୍ମିତରଦଚ୍ଛଦଃ ॥ ୬୪ ॥
ସୁଧାଵର୍ତିପରିସ୍ଫୂର୍ତିଶୋଭମାନରଦଚ୍ଛଦଃ ।
ଵିଷ୍ଟବ୍ଧୋଵିପୁଲଗ୍ରୀଵୋନିଭୃତୋଚ୍ଚୈଶ୍ଶ୍ରଵସ୍ଥିତିଃ ॥ ୬୫ ॥
ସମାଵୃତ୍ତାଵଦାତୋରୁମୁକ୍ତାପ୍ରାଲମ୍ବଭୂଷଣଃ ।
ରତ୍ନାଙ୍ଗଦୀ ଵଜ୍ରନିଷ୍କୀ ନୀଲରତ୍ନାଙ୍କକଙ୍କଣଃ ॥ ୬୬ ॥
ହରିନ୍ମଣିଗଣାବଦ୍ଧଶୃଙ୍ଖଲାକଙ୍କଣୋର୍ମିକଃ ।
ସିତୋପଵୀତସଂଶ୍ଲିଷ୍ୟତ୍ପଦ୍ମାକ୍ଷମଣିମାଲିକଃ ॥ ୬୭ ॥
ଶ୍ରୀଚୂର୍ଣଵଦ୍ଦ୍ଵାଦଶୋର୍ଧ୍ଵପୁଣ୍ଡ୍ରରେଖାପରିଷ୍କୃତଃ ।
ପଟ୍ଟତନ୍ତୁଗ୍ରଥନଵତ୍ପଵିତ୍ରନରଶୋଭିତଃ ॥ ୬୮ ॥
ପୀନଵକ୍ଷାମହାସ୍କନ୍ଧୋ ଵିପୁଲୋରୁକଟୀତଟଃ ।
କୌସ୍ତୁଭୀ ଵନମାଲୀ ଚ କାନ୍ତ୍ୟାଚନ୍ଦ୍ରାୟୁତୋପମଃ ॥ ୬୯ ॥
ମନ୍ଦାରମାଲିକାମୋଦୀ ମଞ୍ଜୁଵାଗମଲଚ୍ଛଵିଃ ।
ଦିଵ୍ୟଗନ୍ଧୋ ଦିଵ୍ୟରସୋ ଦିଵ୍ୟତେଜା ଦିଵସ୍ପତିଃ ॥ ୭୦ ॥
ଵାଚାଲୋ ଵାକ୍ପତିର୍ଵକ୍ତା ଵ୍ୟାଖ୍ୟାତା ଵାଦିନାଂ ପ୍ରିୟଃ ।
ଭକ୍ତହୃନ୍ମଧୁରୋ ଵାଦିଜିହ୍ଵାଭଦ୍ରାନନସ୍ଥିତିଃ ॥ ୭୧ ॥
ସ୍ମୃତିସନ୍ନିହିତସ୍ସ୍ନିଗ୍ଧସ୍ସିଦ୍ଧିଦସିଦ୍ଧିସନ୍ନୁତଃ ।
ମୂଲକନ୍ଦୋମୁକୁନ୍ଦୋଗ୍ଲୌସ୍ସ୍ଵୟମ୍ଭୂଶମ୍ଭୁରୈନ୍ଦଵଃ ॥ ୭୨ ॥
ଇଷ୍ଟୋ ମନୁର୍ୟମଃ କାଲକାଲ୍ୟଃ କମ୍ବୁକଲାନିଧିଃ ।
କଲ୍ୟଃ କାମୟିତା ଭୀମଃ କାତର୍ୟହରଣଃ କୃତିଃ ॥ ୭୩ ॥
ସମ୍ପ୍ରିୟଃ ପକ୍କଣସ୍ତର୍କଚର୍ଚାନିର୍ଧାରଣାଦୟଃ ।
ଵ୍ୟତିରେକୋ ଵିଵେକଶ୍ଚ ପ୍ରଵେକଃ ପ୍ରକ୍ରମଃ କ୍ରମଃ ॥ ୭୪ ॥
ପ୍ରମାଣ ପ୍ରତିଭୂଃ ପ୍ରାଜ୍ଞଃ ପ୍ରଜ୍ଞାପତ୍ଥ୍ୟାଚଧାରଣଃ ।
ଵିଧିର୍ଵିଧାତା ଵ୍ୟଵଧିରୁଦ୍ଭଵଃ ପ୍ରଭଵସ୍ଥିତିଃ ॥ ୭୫ ॥
ଵିଷୟସ୍ସଂଶୟଃ ପୂର୍ଵଃ ପକ୍ଷଃ କକ୍ଷ୍ୟୋପପାଦକଃ ।
ରାଦ୍ଧାନ୍ତୋ ଵିହିତୋ ନ୍ୟାୟଫଲନିଷ୍ପତ୍ତିରୁଦ୍ଭଵଃ ॥ ୭୬ ॥
ନାନାରୂପାଣି ତନ୍ତ୍ରାଣି ଵ୍ୟଵହାର୍ୟୋ ଵ୍ୟଵସ୍ଥିତିଃ ।
ସର୍ଵସାଧାରଣୋ ଦେଵସ୍ସାଧ୍ଵସାଧୁହିତେ ରତଃ ॥ ୭୭ ॥
ସନ୍ଧା ସନାତନୋ ଧର୍ମୋ ଧର୍ମୈରର୍ଚ୍ୟା ମହାତ୍ମଭିଃ ।
ଛନ୍ଦୋମୟସ୍ତ୍ରିଧାମାତ୍ମା ସ୍ଵଚ୍ଛନ୍ଦଶ୍ଛାନ୍ଦସେଡିତଃ ॥ ୭୮ ॥
ୟଜ୍ଞୋ ୟଜ୍ଞାତ୍ମକୋ ୟଷ୍ଟା ୟଜ୍ଞାଙ୍ଗୋଽପଘନୋହଵିଃ ।
ସମିଦାଜ୍ୟଂ ପୁରୋଡାଶଶ୍ଶାଲା ସ୍ଥାଲୀ ସ୍ରୁଵସ୍ସ୍ରୁଚା ॥ ୭୯ ॥
ପ୍ରାଗ୍ଵଂଶୋ ଦେଵୟଜନଃ ପରିଧିଶ୍ଚ ପରିସ୍ତରଃ ।
ଵେଦିର୍ଵିହରଣଂ ତ୍ରେତା ପଶୁଃ ପାଶଶ୍ଚ ସଂସ୍କୃତିଃ ॥ ୮୦ ॥
ଵିଧିର୍ମନ୍ତ୍ରୋଽର୍ଥଵାଦଶ୍ଚ ଦ୍ରଵ୍ୟମଙ୍ଗଂ ଚ ଦୈଵତମ୍ ।
ସ୍ତୋତ୍ରଂ ଶସ୍ତ୍ରଂ ସାମ ଗୀତିରୁଦ୍ଗୀଥସ୍ସର୍ଵସାଧନମ୍ ॥ ୮୧ ॥
ୟାଜ୍ୟା ପୁରୋନୁକାଵ୍ୟା ଚ ସାମିଧେନୀ ସମୂହନମ୍ ।
ପ୍ରୟୋକ୍ତାରଃ ପ୍ରୟୋଗଶ୍ଚ ପ୍ରପଞ୍ଚଃ ପ୍ରାଶୁଭା ଶ୍ରମଃ ॥ ୮୨ ॥
ଶ୍ରଦ୍ଧା ପ୍ରଧ୍ଵଂସନା ତୁଷ୍ଟିଃ ପୁଷ୍ଟିଃ ପୁଣ୍ୟଂ ପ୍ରତିର୍ଭଵଃ ।
ସଦସ୍ସଦସ୍ୟସମ୍ପାତଃ ପ୍ରଶ୍ନଃ ପ୍ରତିଵଚସ୍ଥିତିଃ ॥ ୮୩ ॥
ପ୍ରାୟଶ୍ଚିତ୍ତଂ ପରିଷ୍କାରୋ ଧୃତିର୍ନିର୍ଵହଣଂ ଫଲମ୍ ।
ନିୟୋଗୋ ଭାଵନା ଭାଵ୍ୟଂ ହିରଣ୍ୟଂ ଦକ୍ଷିଣା ନୁତିଃ ॥ ୮୪ ॥
ଆଶୀରଭ୍ୟୁପପତ୍ତିଶ୍ଚ ତୃପ୍ତିସ୍ସ୍ଵଂ ଶର୍ମ କେଵଲମ ।
ପୁଣ୍ୟକ୍ଷୟଃ ପୁନଃ ପାତଭୟଂ ଶିକ୍ଷାଶୁଗର୍ଦନଃ ॥ ୮୫ ॥
କାର୍ପଣ୍ୟଂ ୟାତନାଂ ଚିନ୍ତା ନିର୍ଵେଦଶ୍ଚ ଵିହସ୍ତତା ।
ଦେହଭୃତ୍କର୍ମସମ୍ପାତଃ କିଞ୍ଚିତ୍କର୍ମାନୁକୂଲକଃ ॥ ୮୬ ॥
ଅହେତୁକତୟା ପ୍ରେମ ସାମ୍ମୁଖ୍ୟଂ ଚାପ୍ୟନୁଗ୍ରହଃ ।
ଶୁଚିଶ୍ଶ୍ରୀମତ୍କୁଲଜନୋ ନେତା ସତ୍ତ୍ଵାଭିମାନଵାନ୍ ॥ ୮୭ ॥
ଅନ୍ତରାୟହରଃ ପିତ୍ରୋରଦୁଷ୍ଟାହାରଦାୟକଃ ।
ଶୁଦ୍ଧାହାରାନୁରୂପାଙ୍ଗପରିଣାମଵିଧାୟକଃ ॥ ୮୮ ॥
ସ୍ରାଵପାତାଦିଵିପଦାଂ ପରିହର୍ତା ପରାୟଣଃ ।
ଶିରଃପାଣ୍ୟାଦିସନ୍ଧାତା କ୍ଷେମକୃତ୍ପ୍ରାଣଦଃ ପ୍ରଭୁ ॥ ୮୯ ॥
ଅନିର୍ଘୃଣଶ୍ଚାଵିଷମଶ୍ଶକ୍ତିତ୍ରିତୟଦାୟକଃ ।
ସ୍ଵେଚ୍ଛାପ୍ରସଙ୍ଗସମ୍ପତ୍ତିଵ୍ୟାଜହର୍ଷଵିଶେଷଵାନ୍ ॥ ୯୦ ॥
ସଂଵିତ୍ସନ୍ଧାୟକସ୍ସର୍ଵଜନ୍ମକ୍ଲେଶସ୍ମୃତିପ୍ରଦଃ ।
ଵିଵକେଶୋକଵୈରାଗ୍ୟଭଵଭୀତିଵିଧାୟକଃ ॥ ୯୧ ॥
ଗର୍ଭସ୍ୟାପ୍ୟନୁକୂଲାଦିନାସାନ୍ତାଧ୍ୟଵସାୟଦଃ ।
ଶୁଭଵୈଜନନୋପେତସଦନେହୋଜନିପ୍ରଦଃ ॥ ୯୨ ॥
ଉତ୍ତମାୟୁଃପ୍ରଦୋ ବ୍ରହ୍ମନିଷ୍ଠାନୁଗ୍ରହକାରକଃ ।
ସ୍ଵଦାସଜନନିସ୍ତୀର୍ଣତଦ୍ଵଂଶଜପରମ୍ପରଃ ॥ ୯୩ ॥
ଶ୍ରୀଵୈଷ୍ଣଵୋତ୍ପାଦକୃତସ୍ଵସ୍ତିକାଵନିମଣ୍ଡଲଃ ।
ଅଧର୍ଵଣୋକ୍ତୈକଶତମୃତ୍ୟୁଦୂରକ୍ରିୟାପରଃ ॥ ୯୪ ॥
ଦୟାଦ୍ୟଷ୍ଟଗୁଣାଧାତା ତତ୍ତତ୍ସଂସ୍କୃତିସାଧକଃ ।
ମେଧାଵିଧାତା ଶ୍ରଦ୍ଧାକୃତ୍ ସୌସ୍ଥ୍ୟଦୋ ଜାମିତାହରଃ ॥ ୯୫ ॥
ଵିଘ୍ନନୁଦ୍ଵିଜୟୀ ଧାତା ଦେଶକାଲାନୁକୂଲ୍ୟକୃତ୍ ।
ଵିନେତା ସତ୍ପଥାନେତା ଦୋଷହୃଚ୍ଛୁଭଦସ୍ସଖା ॥ ୯୬ ॥
ହ୍ରୀଦୋ ଭୀଦୋ ରୁଚିକରୋ ଵିଶ୍ଵୋ ଵିଶ୍ଵହିତେ ରତଃ ।
ପ୍ରମାଦହୃତ୍ପ୍ରାପ୍ତକାରୀ ପ୍ରଦ୍ୟୁମ୍ନୋ ବଲଵତ୍ତରଃ ॥ ୯୭ ॥
ସାଙ୍ଗଵେଦସମାୟୋକ୍ତା ସର୍ଵଶାସ୍ତ୍ରାର୍ଥଵିତ୍ତିଦଃ ।
ବ୍ରହ୍ମଚର୍ୟାନ୍ତରାୟଘ୍ନଃ ପ୍ରିୟକୃଦ୍ଧିତକୃତ୍ପରଃ ॥ ୯୮ ॥
ଚିତ୍ତଶୁଦ୍ଧିପ୍ରଦଶ୍ଛିନ୍ନାକ୍ଷଚାପଲ୍ୟଃ କ୍ଷମାଵହଃ ।
ଇନ୍ଦ୍ରିୟାର୍ଥାରତିଚ୍ଛେତ୍ତା ଵିଦ୍ୟୈକଵ୍ୟସନାଵହଃ ॥ ୯୯ ॥
ଆତ୍ମାନୁକୂଲ୍ୟରୁଚିକୃଦଖିଲାର୍ତିଵିନାଶକଃ ।
ତିତୀର୍ଷୁହୃତ୍ତ୍ଵରାଵେଦୀ ଗୁରୁସଦ୍ଭକ୍ତିତେଜସଃ ॥ ୧୦୦ ॥
ଗୁରୁସମ୍ବନ୍ଧଘଟକୋ ଗୁରୁଵିଶ୍ଵାସଵର୍ଧନଃ ।
ଗୁରୂପାସନସନ୍ଧାତା ଗୁରୁପ୍ରେମପ୍ରଵର୍ଧନଃ ॥ ୧୦୧ ॥
ଆଚାର୍ୟାଭିମତୈର୍ୟୋକ୍ତା ପଞ୍ଚସଂସ୍କୃତିଭାଵନଃ ।
ଗୁରୂକ୍ତଵୃତ୍ତିନୈଶ୍ଚଲ୍ୟସନ୍ଧାତାଽଵହିତସ୍ଥିତିଃ ॥ ୧୦୨ ॥
ଆପନ୍ନାଖିଲରକ୍ଷାର୍ଥମାଚାର୍ୟକମୁପାଶ୍ରିତଃ ।
ଶାସ୍ତ୍ରପାଣିପ୍ରଦାନେନ ଭଵମଗ୍ନାନ୍ସମୁଦ୍ଧରନ୍ ॥ ୧୦୩ ॥
ପାଞ୍ଚକାଲିକଧର୍ମେଷୁ ନୈଶ୍ଚଲ୍ୟଂ ପ୍ରତିପାଦୟନ୍ ।
ସ୍ଵଦାସାରାଧନାଦ୍ୟର୍ଥଶୁଦ୍ଧଦ୍ରଵ୍ୟପ୍ରଦାୟକଃ ॥ ୧୦୪ ॥
ନ୍ୟାସଵିଦ୍ୟାଵିନିର୍ଵୋଢା ନ୍ୟସ୍ତାତ୍ମଭରରକ୍ଷକଃ ।
ସ୍ଵକୈଙ୍କର୍ୟୈକରୁଚିଦସ୍ସ୍ଵଦାସ୍ୟପ୍ରେମଵର୍ଧନଃ ॥ ୧୦୫ ॥
ଆଚାର୍ୟାର୍ଥାଖିଲଦ୍ରଵ୍ୟସମ୍ଭୃତ୍ୟର୍ପଣରୋଚକଃ ।
ଆଚାର୍ୟସ୍ୟ ସ୍ଵସଚ୍ଛିଷ୍ୟୋଜ୍ଜୀଵନୈକରୁଚିପ୍ରଦଃ ॥ ୧୦୬ ॥
ଆଗତ୍ୟୟୋଜୟନାସହିତୈକକୃତିଜାଗରଃ ।
ବ୍ରହ୍ମଵିଦ୍ୟାସମାସ୍ଵାଦସୁହିତଃ କୃତିସଂସ୍କୃତିଃ ॥ ୧୦୭ ॥
ସତ୍କାରେ ଵିଷଧୀଦାତା ତରୁଣ୍ୟାଂ ଶଵବୁଦ୍ଧିଦଃ ।
ସଭାମ୍ପ୍ରତ୍ୟାୟୟନ୍ଵ୍ୟାଲୀଂ ସର୍ଵତ୍ର ସମବୁଦ୍ଧିଦଃ ॥ ୧୦୮ ॥
ସମ୍ଭାଵିତାଶେଷଦୋଷହୃତ୍ପୁନର୍ନ୍ୟାସରୋଚକଃ ।
ମହାଵିଶ୍ଵାସସନ୍ଧାତା ସ୍ଥୈର୍ୟଦାତା ମଦାପହଃ ॥ ୧୦୯ ॥
ନାଦଵ୍ୟାଖ୍ୟାସ୍ଵସିଦ୍ଧାନ୍ତରକ୍ଷାହେତୁସ୍ଵମନ୍ତ୍ରଦଃ ।
ସ୍ଵମନ୍ତ୍ରଜପସଂସିଦ୍ଧିଜଙ୍ଘାଲକଵିତୋଦୟଃ ॥ ୧୧୦ ॥
ଅଦୁଷ୍ଟଗୁଣଵତ୍କାଵ୍ୟବନ୍ଧଵ୍ୟାମୁଗ୍ଧଚେତନଃ ।
ଵ୍ୟଙ୍ଗ୍ୟପ୍ରଧାନରସଵଦ୍ଗଦ୍ୟପଦ୍ୟାଦିନିର୍ମିତିଃ ॥ ୧୧୧ ॥
ସ୍ଵଭକ୍ତସ୍ତୁତିସନ୍ତୁଷ୍ଟୋ ଭୂୟୋଭକ୍ତିପ୍ରଦାୟକଃ ।
ସାତ୍ଵିକତ୍ୟାଗସମ୍ପନ୍ନସତ୍କର୍ମକୃଦତିପ୍ରିୟଃ ॥ ୧୧୨ ॥
ନିରନ୍ତରାନୁସ୍ମରଣନିଜଦାସୈଵାଦାସ୍ୟକୃତ୍ ।
ନିଷ୍କାମଵତ୍ସଲୋ ନୈଚ୍ୟଭାଵନେଷୁ ଵିନିର୍ଵିଶନ୍ ॥ ୧୧୩ ॥
ସର୍ଵଭୂତଭଵଦ୍ଭାଵଂ ସମ୍ପଶ୍ୟତ୍ସୁସଦାସ୍ଥିତଃ ।
କରଣତ୍ରୟସାରୂପ୍ୟକଲ୍ୟାଣପତିସାଦରଃ ॥ ୧୧୪ ॥
କଦା କଦେତି କୈଙ୍କର୍ୟକାମିନାଂ ଶେଷିତାମ୍ଭଜନ ।
ପରଵ୍ୟୂହାଦିନିର୍ଦୋଷଶୁଭାଶ୍ରୟପରିଗ୍ରହଃ ॥ ୧୧୫ ॥
ଚନ୍ଦ୍ରମଣ୍ଡଲମଧ୍ୟସ୍ୟ ଶ୍ଵେତାମ୍ଭୋରୁହଵିଷ୍ଟରଃ ।
ଜ୍ୟୋତ୍ସ୍ନାୟମାନାଙ୍ଗରୁଚିନିର୍ଧୂତାନ୍ତର୍ବହିସ୍ତମାଃ ॥ ୧୧୬ ॥
ଭାଵ୍ୟୋ ଭାଵୟିତା ଭଦ୍ରଂ ପାରିଜାତଵନାଲୟଃ ।
କ୍ଷୀରାବ୍ଧିମଧ୍ୟମଦ୍ଵୀପପାଲକଃ ପ୍ରପିତାମହଃ ॥ ୧୧୭ ॥
ନିରନ୍ତରନମୋଵାକଶୁଦ୍ଧୟାଜିହଦାଶ୍ରୟଃ ।
ମୁକ୍ତିଦଶ୍ଵେତମୃଦ୍ରୂପଶ୍ଵେତଦ୍ଵୀପଵିଭାଵନଃ ॥ ୧୧୮ ॥
ଗରୁଡାହାରିତଶ୍ଵେତମୃତ୍ପୂତୟଦୁଭୂଧରଃ ।
ଭଦ୍ରାଶ୍ଵଵର୍ଷନିଲୟୋ ଭୟହାରୀ ଶୁଭାଶ୍ରୟଃ ॥ ୧୧୯ ॥
ଭଦ୍ରଶ୍ରୀଵତ୍ସହାରାଢ୍ୟଃ ପଞ୍ଚରାତ୍ରପ୍ରଵର୍ତକଃ ।
ଭକ୍ତାତ୍ମଭାଵଭଵନୋ ହାର୍ଦୋଽଙ୍ଗୁଷ୍ଠପ୍ରମାଣଵାନ୍ ॥ ୧୨୦ ॥
ସ୍ଵଦାସସତ୍କୃତାକୃତ୍ୟେ ତନ୍ମିତ୍ରାରିଷୁ ୟୋଜୟନ୍ ।
ପ୍ରାଣାନୁତ୍କ୍ରାମୟନ୍ନୂରୀକୃତପ୍ରାରବ୍ଧଲୋପନଃ ॥ ୧୨୧ ॥
ଲଧ୍ଵ୍ୟୈଵ ଶିକ୍ଷୟାପାପମଶେଷମପି ନିର୍ଣୁଦନ୍ ।
ତ୍ରିସ୍ଥୂଣକ୍ଷୋଭତୋ ଭୂତସୂକ୍ଷ୍ମ୍ୟୈସ୍ସୂକ୍ଷ୍ମଵପୁସ୍ସୃଜନ୍ ॥ ୧୨୨ ॥
ନିରଙ୍କୁଶକୃପାପୂରୋ ନିତ୍ୟକଲ୍ୟାଣକାରକଃ ।
ମୂର୍ଧନ୍ୟନାଡ୍ୟା ସ୍ଵାନ୍ଦାସାନ୍ବ୍ରହ୍ମରନ୍ଧ୍ରାଦୁଦଞ୍ଚୟନ୍ ॥ ୧୨୩ ॥
ଉପାସନପରାନ୍ସର୍ଵାନ୍ ପ୍ରାରବ୍ଧମନୁଭାଵୟନ୍ ।
ସର୍ଵପ୍ରାରବ୍ଧଦେହାନ୍ତେଽପ୍ୟନ୍ତିମସ୍ମରଣଂ ଦିଶନ୍ ॥ ୧୨୪ ॥
ପ୍ରପେୟୁଷାଂ ଭେଜୁଷାଂ ଚ ୟମଦୃଷ୍ଟିମଭାଵୟନ୍ ।
ଦିଵ୍ୟଦେହପ୍ରଦସ୍ସୂର୍ୟଂ ଦ୍ଵାରୟନ୍ମୋକ୍ଷମେୟୁଷାମ୍ ॥ ୧୨୫ ॥
ଆତିଵାହିକସତ୍କାରାନଧ୍ଵନ୍ୟାପାଦ୍ୟ ମାନୟନ୍ ।
ସାର୍ଵାନ୍କ୍ରତୁଭୁଜଶ୍ଶଶ୍ଵତ୍ପ୍ରାଭୃତାନି ପ୍ରଦାପୟନ୍ ॥ ୧୨୬ ॥
ଦୁରନ୍ତମାୟାକାନ୍ତାରଂ ଦ୍ରୁତଂ ୟୋଗେନ୍ ଲଙ୍ଘୟନ୍ ।
ସ୍ଫାୟତ୍ସୁଦର୍ଶଵିଵିଧଵୀଥ୍ୟନ୍ତେନାଧ୍ଵନା ନୟନ୍ ॥ ୧୨୭ ॥
ସୀମାନ୍ତସିନ୍ଧୁଵିରଜାଂ ୟୋଗେନୋତ୍ତାରୟନ୍ଵଶୀ ।
ଅମାନଵସ୍ୟ ଦେଵସ୍ୟ କରଂ ଶିରସି ଧାରୟନ୍ ॥ ୧୨୮ ॥
ଅନାଦିଵାସନାଂ ଧୂନ୍ଵନ୍ ଵୈକୁଣ୍ଠାପ୍ତ୍ୟା ସଲୋକୟନ୍ ।
ଅହେୟମଙ୍ଗଲୋଦାରତନୁଦାନାତ୍ସରୂପୟନ ॥ ୧୨୯ ॥
ସୂରିଜୁଷ୍ଟଂ ସୁଖୈକାନ୍ତଂ ପରମଂ ପଦମାପୟନ୍ ।
ଅରାରଣ୍ୟାମୃତାମ୍ଭୋଧୀ ଦର୍ଶୟନ୍ ଶ୍ରମନାଶନଃ ॥ ୧୩୦ ॥
ଦିଵ୍ୟୋଦ୍ୟାନସରୋଵାପୀସରିନ୍ମଣିନଗାନ୍ନୟନ ।
ଐରମ୍ମଦାମୃତସରୋଗମୟନ୍ସୂପବୃଂହଣଃ ॥ ୧୩୧ ॥
ଅଶ୍ଵତ୍ଥଂ ସୋମସଵନଂ ପ୍ରାପୟନ୍ଵିଷ୍ଟରଶ୍ରଵାଃ ।
ଦିଵ୍ୟାପ୍ସରସ୍ସମାନୀତବ୍ରହ୍ମାଲଙ୍କାରଦାୟକଃ ॥ ୧୩୨ ॥
ଦିଵ୍ୟଵାସୋଽଞ୍ଜନକ୍ଷୌମମାଲ୍ୟୈସ୍ସ୍ଵାନ୍ବହୁମାନୟନ୍ ।
ସ୍ଵୀୟାମୟୋଧ୍ୟାଂ ନଗରୀଂ ସାଦରଂ ସମ୍ପ୍ରଵେଶୟନ୍ ॥ ୧୩୩ ॥
ଦାସାନ୍ଦିଵ୍ୟରସାଲୋକଗନ୍ଧାଂସଲଶରୀରୟନ୍ ।
ସ୍ଵଦାସାନ୍ସୂରିଵର୍ଗେଣ ସସ୍ନେହଂ ବହୁମାନୟନ୍ ॥ ୧୩୪ ॥
ସୂରିସେଵୋଦିତାନନ୍ଦନୈଚ୍ୟାନ୍ସ୍ଵାନତିଶାୟୟନ୍ ।
ଵାଚୟନ୍ସ୍ଵାଂ ନମୋଵୀପ୍ସାଂ କୁର୍ଵନ୍ପ୍ରହ୍ଵାନ୍କୃତାଞ୍ଜଲୀନ୍ ॥ ୧୩୫ ॥
ପ୍ରାକାରଗୋପୁରାରାମପ୍ରାସାଦେଭ୍ୟଃ ପ୍ରଣାମୟନ୍ ।
ଇନ୍ଦ୍ରପ୍ରଜାପତିଦ୍ଵାରପାଲସମ୍ମାନମାପୟନ୍ ॥ ୧୩୬ ॥
ମାଲିକାଞ୍ଚନ୍ମହାରାଜଵୀଥୀମଧ୍ୟଂ ନିଵାସୟନ୍ ।
ଶ୍ରୀଵୈକୁଣ୍ଠପୁରନ୍ଧ୍ରୀଭିର୍ନାନାସତ୍କାରକାରକଃ ॥ ୧୩୭ ॥
ଦିଵ୍ୟଂ ଵିମାନଂ ଗମୟନ୍ ବ୍ରହ୍ମକାନ୍ତ୍ୟାଭିପୂରୟନ୍ ।
ମହାନନ୍ଦାତ୍ମକଶ୍ରୀମନ୍ମଣିମଣ୍ଡପମାପୟନ୍ ॥ ୧୩୮ ॥
ହୃଷ୍ୟତ୍କୁମୁଦଚଣ୍ଡାଦ୍ୟୈର୍ଵିଷ୍ଵକ୍ସେନାନ୍ତିକଂ ନୟନ୍ ।
ସେନେଶଚୋଦିତାସ୍ଥାନନାୟକୋ ହେତିନାୟକଃ ॥ ୧୩୯ ॥
ପ୍ରାପୟନ୍ଦିଵ୍ୟମାସ୍ଥାନଂ ଵୈନତେୟଂ ପ୍ରଣାମୟନ୍ ।
ଶ୍ରୀମତ୍ସୁନ୍ଦରସୂରୀନ୍ଦ୍ରଦିଵ୍ୟପଙ୍କ୍ତିଂ ପ୍ରଣାମୟନ୍ ॥ ୧୪୦ ॥
ଭାସ୍ଵରାସନପର୍ୟଙ୍କପ୍ରାପଣେନ କୃତାର୍ଥୟନ୍ ।
ପର୍ୟଙ୍କଵିଦ୍ୟାସଂସିଦ୍ଧସର୍ଵଵୈଭଵସଙ୍ଗତଃ ॥ ୧୪୧ ॥
ସ୍ଵାତ୍ମାନମେଵ ଶ୍ରୀକାନ୍ତଂ ସାଦରଂ ଭୂରି ଦର୍ଶୟନ୍ ।
ଶେଷତୈକରତିଂ ଶେଷଂ ଶୟ୍ୟାତ୍ମାନଂ ପ୍ରଣାମୟନ୍ ॥ ୧୪୨ ॥
ଅନନ୍ତାକ୍ଷିଦ୍ଵିସାହସ୍ରସାଦରାଲୋକପାତ୍ରୟନ୍ ।
ଅକୁମାରୟୁଵାକାରଂ ଶ୍ରୀକାନ୍ତଂ ସମ୍ପ୍ରଣାମୟନ୍ ॥ ୧୪୩ ॥
ଅତଟାନନ୍ଦତୋ ହେତୋ ରଞ୍ଚୟନ୍କିଲିକିଞ୍ଚିତମ୍ ।
ଦାସାନତ୍ୟୁତ୍ଥିତମୁହୁଃକୃତିସୃଷ୍ଟିପ୍ରସନ୍ନହୃତ୍ ॥ ୧୪୪ ॥
ଶ୍ରୀୟାଂ ପ୍ରାପସ୍ଵୟଂ ତାତଂ ଜୀଵଂ ପୁତ୍ରଂ ପ୍ରହର୍ଷୟନ୍ ।
ମଜ୍ଜୟନ୍ ସ୍ଵମୁଖାମ୍ଭୋଧୌ ସ୍ଵକାଂ କୀର୍ତିରୁଚିଂ ଦିଶନ୍ ॥ ୧୪୫ ॥
ଦୟାର୍ଦ୍ରଗଙ୍ଗାଵଲନାକୃତହ୍ଲାଦୈଃ କୃତାର୍ଥୟନ୍ ।
ପର୍ୟଙ୍କାରୋହଣପ୍ରହ୍ଵଂ ସମଂ ଲକ୍ଷ୍ମ୍ୟୋପପାଦୟନ୍ ॥ ୧୪୬ ॥
କସ୍ତ୍ଵମିତ୍ୟନୁୟୁଞ୍ଜାନୋ ଦାସୋଽସ୍ମୀତ୍ୟୁକ୍ତିଵିସ୍ମିତଃ ।
ଅପୃଥକ୍ତ୍ଵପ୍ରକାରୋଽସ୍ମି ଵାଚାସ୍ଵାଶ୍ରିତଵଦ୍ଭଵନ୍ ॥ ୧୪୭ ॥
ଵିଦୁଷାଂ ତତ୍କ୍ରତୁନୟାଦ୍ଧୟାସ୍ୟଵପୁଷାଭଵନ୍ ।
ଵାସୁଦେଵାତ୍ମନା ଭୂୟୋ ଭଵନ୍ଵୈକୁଣ୍ଠନାୟକଃ ॥ ୧୪୮ ॥
ୟଥା ତଥୈଵ ସ୍ଵଂ ରୂପଂ ଜଗନ୍ମୋହନମୂର୍ତିମାନ୍ ।
ଦ୍ଵିମୂର୍ତୀ ବହୁମୂର୍ତୀଶ୍ଚ ଆତ୍ମନଶ୍ଚ ପ୍ରକାଶୟନ୍ ॥ ୧୪୯ ॥
ୟୁଗପତ୍ସକଲଂ ସାକ୍ଷାତ୍ସ୍ଵତଃ କର୍ତୁଂ ସମର୍ଥୟନ୍ ।
କଵୀନାମାଦିଶନ୍ନିତ୍ୟଂ ମୁକ୍ତାନାମାଦିମଃ କଵିଃ ॥ ୧୫୦ ॥
ଷଡର୍ଣମନୁନିଷ୍ଠାନାଂ ଶ୍ଵେତଦ୍ଵୀପସ୍ଥିତିଂ ଦିଶନ୍ ।
ଦ୍ଵାଦଶାକ୍ଷରନିଷ୍ଠାନାଂ ଲୋକଂ ସାନ୍ତାନିକଂ ଦିଶନ୍ ॥ ୧୫୧ ॥
ଅଷ୍ଟାକ୍ଷରୈକନିଷ୍ଠାନାଂ କାର୍ୟଂ ଵୈକୁଣ୍ଠମର୍ପୟନ୍ ।
ଶରଣାଗତିନିଷ୍ଠାନାଂ ସାକ୍ଷାଦ୍ଵୈକୁଣ୍ଠମର୍ପୟନ୍ ॥ ୧୫୨ ॥
ସ୍ଵମନ୍ତ୍ରରାଜନିଷ୍ଠାନାଂ ସ୍ଵସ୍ମାର୍ଦାତେଶୟଂ ଦିଶନ୍ ।
ଶ୍ରିୟା ଗାଢୋପଗୂଢାତ୍ମା ଭୂତଧାତ୍ରୀରୁଚିଂ ଦିଶନ୍ ॥ ୧୫୩ ॥
ନୀଲାଵିଭୂତିଵ୍ୟାମୁଗ୍ଧୋ ମହାଶ୍ଵେତାଶ୍ଵମସ୍ତକଃ ।
ତ୍ର୍ୟକ୍ଷସ୍ତ୍ରିପୁରସଂହାରୀ ରୁଦ୍ରସ୍ସ୍କନ୍ଦୋ ଵିନାୟକଃ ॥ ୧୫୪ ॥
ଅଜୋ ଵିରିଞ୍ଚୋ ଦ୍ରୁହିଣୋ ଵ୍ୟାପ୍ତମୂର୍ତିରମୂର୍ତିକଃ ।
ଅସଙ୍ଗୋଽନନ୍ୟଧୀସଙ୍ଗଵିହଙ୍ଗୋଵୈରିଭଙ୍ଗଦଃ ॥ ୧୫୫ ॥
ସ୍ଵାମୀ ସ୍ଵଂ ସ୍ଵେନ ସନ୍ତୁପ୍ୟନ୍ ଶକ୍ରସ୍ସର୍ଵାଧିକସ୍ୟଦଃ ।
ସ୍ଵୟଂଜ୍ୟୋତିସ୍ସ୍ଵୟଂଵୈଦ୍ୟଶ୍ଶୂରଶ୍ଶୂରକୁଲୋଦ୍ଭଵଃ ॥ ୧୫୬ ॥
ଵାସଵୋ ଵସୁରଣ୍ୟୋଗ୍ନିର୍ଵାସୁଦେଵସ୍ସୁହୃଦ୍ଵସୁଃ ।
ଭୂତୋ ଭାଵୀ ଭଵନ୍ଭଵ୍ୟୋ ଵିଷ୍ଣୁସ୍ଥାନସ୍ସନାତନଃ ॥ ୧୫୭ ॥
ନିତ୍ୟାନୁଭାଵୋ ନେଦୀୟାନ୍ଦଵୀୟାନ୍ଦୁର୍ଵିଭାଵନଃ ।
ସନତ୍କୁମାରସ୍ସନ୍ଧାତା ସୁଗନ୍ଧିସ୍ସୁଖଦର୍ଶନଃ ॥ ୧୫୮ ॥
ତୀର୍ଥଂ ତିତିକ୍ଷୁସ୍ତୀର୍ଥାଙ୍ଘ୍ରିସ୍ତୀର୍ଥସ୍ଵାଦୁଶୁଭଶ୍ଶୁଚିଃ ।
ତୀର୍ଥଵଦ୍ଦୀଧିତିସ୍ତିଗ୍ମତେଜାସ୍ତୀଵ୍ରମନାମୟଃ ॥ ୧୫୯ ॥
ଈଶାଦ୍ୟୁପନିଷଦ୍ଵେଦ୍ୟଃ ପଞ୍ଚୋପନିଷଦାତ୍ମକଃ ।
ଈଡନ୍ତଃସ୍ଥୋଽପି ଦୂରସ୍ଥଃ କଲ୍ୟାଣତମରୂପଵାନ୍ ॥ ୧୬୦ ॥
ପ୍ରାଣାନାଂ ପ୍ରାଣନଃ ପୂର୍ଣଜ୍ଞାନୈରପି ସୁଦୁର୍ଗ୍ରହଃ ।
ନାଚିକେତୋପାସନାର୍ଚ୍ୟସ୍ତ୍ରିମାତ୍ରପ୍ରଣଵୋଦିତଃ ॥ ୧୬୧ ॥
ଭୂତୟୋନିଶ୍ଚ ସର୍ଵଜ୍ଞୋଽକ୍ଷରୋଽକ୍ଷରପରାତ୍ପରଃ ।
ଅକାରାଦିପଦଜ୍ଞେୟଵ୍ୟୂହତାରାର୍ଥପୂରୁଷଃ ॥ ୧୬୨ ॥
ମନୋମୟାମୃତୋ ନନ୍ଦମୟୋ ଦହରରୂପଦୃତ୍ ।
ନ୍ୟାସଵିଦ୍ୟାଵେଦ୍ୟରୂପଃ ଆଦିତ୍ୟାନ୍ତର୍ହିରଣ୍ମୟଃ ॥ ୧୬୩ ॥
ଇଦନ୍ଦ୍ର ଆତ୍ମୋଦ୍ଗୀଥାଦି ପ୍ରତୀକୋ ପାସନାନ୍ଵୟୀ ।
ମଧୁଵିଦ୍ୟୋପାସନୀୟୋ ଗାୟତ୍ରୀଧ୍ୟାନଗୋଚରଃ ॥ ୧୬୪ ॥
ଦିଵ୍ୟକୌକ୍ଷେୟସଜ୍ଜ୍ୟୋତିଃ ଶାଣ୍ଡିଲ୍ୟୋପାସ୍ତିଵୀକ୍ଷିତଃ ।
ସଂଵର୍ଗଵିଦ୍ୟାଵେଦ୍ୟାତ୍ମା ତତ୍ ଷୋଡଶକଲଂ ପରମ୍ ॥ ୧୬୫ ॥
ଉପକୋସଲଵିଦ୍ୟେକ୍ଷ୍ୟଃ ପଞ୍ଚାଗ୍ନ୍ୟାତ୍ମଶରୀରକଃ ।
ଵୈଶ୍ଵାନରଃ ସଦଖେଭୂମା ଚ ଜଗତ୍କର୍ମାଽଽଦିପୂରୁଷଃ ॥ ୧୬୬ ॥
ମୂର୍ତାମୂର୍ତବ୍ରହ୍ମ ସର୍ଵପ୍ରେଷ୍ଠୋଽନ୍ୟପ୍ରିୟତାକରଃ ।
ସର୍ଵାନ୍ତରଶ୍ଚାପରୋକ୍ଷଶ୍ଚାନ୍ତର୍ୟାମ୍ୟମୃତୋଽନଘଃ ॥ ୧୬୭ ॥
ଅହର୍ନାମାଦିତ୍ୟରୂପଶ୍ଚାହନ୍ନାମାକ୍ଷିସଂଶ୍ରିତଃ ।
ସତୁର୍ୟଗାୟତ୍ର୍ୟର୍ଥଶ୍ଚ ୟଥୋପାସ୍ତ୍ୟାପ୍ୟସଦ୍ଵପୁଃ ॥ ୧୬୮ ॥
ଚନ୍ଦ୍ରାଦିସାୟୁଜ୍ୟପୂର୍ଵମୋକ୍ଷଦନ୍ୟାସଗୋଚରଃ ।
ନ୍ୟାସନାଶ୍ୟାନଭ୍ୟୁପେତପ୍ରାରବ୍ଧାଂଶୋ ମହାଦୟଃ ॥ ୧୬୯ ॥
ଅଵତାରରହସ୍ୟାଦିଜ୍ଞାନିପ୍ରାରବ୍ଧନାଶନଃ ।
ସ୍ଵେନ ସ୍ଵାର୍ଥଂ ପରେଣାପି କୃତେ ନ୍ୟାସେ ଫଲପ୍ରଦଃ ॥ ୧୭୦ ॥
ଅସାହସୋଽନପାୟଶ୍ରୀସ୍ସହାୟସ୍ସ ଶ୍ରିୟୈ ଵସନ୍ ।
ଶ୍ରୀମାନ୍ନାରାୟଣୋ ଵାସୁଦେଵୋଽଵ୍ୟାଦ୍ଵିଷ୍ଣୁରୁତ୍ତମଃ ॥ ୧୭୧ ॥
॥ ଓଂ ॥
ଇତୀଦଂ ପରମଂ ଗୁହ୍ୟଂ ସର୍ଵପାପପ୍ରଣାଶନମ୍ ।
ଵାଗୀଶନାମସାହସ୍ରଂ ଵତ୍ସ ତେଽଭିହିତଂ ମୟା ॥ ୧ ॥
ୟ ଇଦଂ ଶୃଣୁୟାଦ୍ଭକ୍ତ୍ୟା ଶ୍ରାଵୟେଦ୍ଵା ସ୍ଵୟଂ ପଠତ୍ ।
ନାସୌ ପ୍ରାପ୍ନୋତି ଦୁରିତମିହାମୁତ୍ର ଚ କିଞ୍ଚନ ॥ ୨ ॥
ତଦିଦଂ ପ୍ରଜପନ୍ ସ୍ଵାମୀ ଵିଦ୍ୟାଧୀଶୋ ହୟାନନଃ ।
କ୍ଷତ୍ରିୟଶ୍ଚେନ୍ମହାରୁଦ୍ରୋ ଵିକ୍ରମାକ୍ରାନ୍ତସର୍ଵଭୂଃ ॥ ୩ ॥
ମହୋଦାରୋ ମହାକୀର୍ତିର୍ମହିତୋ ଵିଜୟୀ ଭଵେତ୍ ।
ଊରୁଜଶ୍ଚେଦୁରୁୟଶୋଧନଧାନ୍ୟସମୃଦ୍ଧିମାନ୍ ॥ ୪ ॥
ଅଶେଷଭୋଗସମ୍ଭୂତୋ ଧନାଧିପସମୋ ଭଵେତ୍ ।
ଶୃଣୁୟାଦେଵ ଵୃଷଲସ୍ସ୍ଵୟଂ ଵିପ୍ରାତ୍ସୁପୂଜିତାତ୍ ॥ ୫ ॥
ମହିମାନମଵାପ୍ନୋତି ମହିତୈଶ୍ଵର୍ୟଭାଜନମ୍ ।
ଶ୍ରୀମତୋ ହୟଶୀର୍ଷସ୍ୟ ନାମ୍ନାଂ ସାହସ୍ରମୁତ୍ତମମ୍ ॥ ୬ ॥
ଶୃଣ୍ଵନ୍ପଠନ୍ନପି ନରସ୍ସର୍ଵାନ୍କାମାନଵାପ୍ନୁୟାତ୍ ।
ଧର୍ମାର୍ଥକାମସନ୍ତାନଭାଗ୍ୟାରୋଗ୍ୟୋତ୍ତମାୟୁଷାମ୍ ॥ ୭ ॥
ପ୍ରାପଣେ ପରମୋ ହେତୁଃ ସ୍ତଵରାଜୋଽୟମଦ୍ଭୁତଃ ।
ହୟଗ୍ରୀଵେ ପରା ଭକ୍ତିମୁଦ୍ଵହନ୍ ୟ ଇମଂ ପଠେତ୍ ॥ ୮ ॥
ତ୍ରିସନ୍ଧ୍ୟଂ ନିୟତଶ୍ଶୁଦ୍ଧସ୍ସୋଽପଵର୍ଗାୟ କଲ୍ପତେ ।
ତ୍ରିଃ ପଠନ୍ନାମସାହସ୍ରଂ ପ୍ରତ୍ୟହଂ ଵାଗଧୀଶିତୁଃ ॥ ୯ ॥
ମହତୀଂ କୀର୍ତିମାପ୍ନୋତି ନିସ୍ସୀମାଂ ପ୍ରେୟସୀଂ ପ୍ରିୟାମ୍ ।
ଵୀର୍ୟଂ ବଲଂ ପତିତ୍ଵଂ ଚ ମେଧାଶ୍ରଦ୍ଧାଵଲୋନ୍ନତୀଃ ॥ ୧୦ ॥
ସାରସ୍ଵତସମୃଦ୍ଧିଂ ଚ ଭଵ୍ୟାନ୍ଭୋଗ୍ୟାନ୍ନତାନ୍ସୁତାନ୍ ।
ଅଭିରୂପାଂ ଵଧୂଂ ସାଧ୍ଵୀଂ ସୁହୃଦଶ୍ଚ ହିତୈଷିଣଃ ॥ ୧୧ ॥
ବ୍ରହ୍ମଵିଦ୍ୟାପ୍ରଵଚନୈଃ କାଲକ୍ଷେପଂ ଚ ସନ୍ତତମ୍ ।
ହୟଗ୍ରୀଵପଦାମ୍ଭୋଜ ସଲିଲସ୍ୟାନୁକୂଲତଃ ॥ ୧୨ ॥
ଲଭେତ ନିର୍ମଲଂ ଶାନ୍ତୋ ହଂସୋପାସନତତ୍ପରଃ ।
ଶ୍ରୀମତ୍ପରମହଂସସ୍ୟ ଚିତ୍ତୋଲ୍ଲାସନସଦ୍ଵିଧୌ ॥ ୧୩ ॥
ଇଦଂ ତୁ ନାମ୍ନାଂ ସାହସ୍ରମିଷ୍ଟସାଧନମୁତ୍ତମମ୍ ।
ପାପୀ ପାପାଦ୍ଵିମୁକ୍ତସ୍ସ୍ୟାଦ୍ରୋଗୀ ରୋଗାଦ୍ଵିମୁଚ୍ୟତେ ॥ ୧୪ ॥
ବଦ୍ଧୋ ବନ୍ଧାଦ୍ଵିମୁଚ୍ୟେତ ଭୀତେ ଭୀତିର୍ଵିମୁଚ୍ୟତେ ।
ମୁକ୍ତୋ ଦରିଦ୍ରୋ ଦାରିଦ୍ର୍ୟାଦ୍ଭଵେତ୍ପୂର୍ଣମନୋରଥଃ ॥ ୧୫ ॥
ଆପନ୍ନ ଆପଦା ମୁକ୍ତୋ ଭଵତ୍ୟେଵ ନ ସଂଶୟଃ ।
ହଂସାର୍ଚନପରୋ ନିତ୍ୟଂ ହଂସାର୍ଚନପରାୟଣଃ ॥ ୧୬ ॥
ନିର୍ଧୂତକଲ୍ମଷୋ ନିତ୍ୟଂ ବ୍ରହ୍ମସାୟୁଜ୍ୟମାପ୍ନୁୟାତ୍ ।
ୟେ ଭକ୍ତ୍ୟା ପରମେ ହଂସେ ଶ୍ରିୟା ମିଥୁନିତାଙ୍ଗିତେ ॥ ୧୭ ॥
ଜନ୍ମଵ୍ୟାଧିଜରାନାଶଭୟଭାଜୋ ନ ତେ ଜନାଃ ।
ଆଚାର୍ୟାତ୍ତଦିଦଂ ସ୍ତୋତ୍ରମଧିଗତ୍ୟ ପଠେନ୍ନରଃ ॥ ୧୮ ॥
ତସ୍ୟେଦଂ କଲ୍ପତେ ସିଦ୍ଧ୍ୟୈ ନାନ୍ୟଥା ଵତ୍ସ କାଶ୍ୟପ ।
ଆଚାର୍ୟଂ ଲକ୍ଷଣୈର୍ୟୁକ୍ତମନ୍ୟଂ ଵାଽଽତ୍ମଵିଦୁତ୍ତମମ୍ ॥ ୧୯ ॥
ଵୃତ୍ଵାଚାର୍ୟଂ ସଦା ଭକ୍ତ୍ୟା ସିଦ୍ଧ୍ୟୈ ତଦିଦମଶ୍ନୁୟାତ୍ ।
ସ ୟାତି ପରମାଂ ଵିଦ୍ୟାଂ ଶକୁନିବ୍ରହ୍ମହର୍ଷଣୀମ୍ ॥ ୨୦ ॥
ହୟାସ୍ୟନାମସାହସ୍ରସ୍ତୁତିରଂହୋଵିନାଶିନୀ ।
ପରମୋ ହଂସ ଏଵାଦୌ ପ୍ରଣଵଂ ବ୍ରହ୍ମଣେ ଦିଶତ୍ ॥ ୨୧ ॥
ଉପାଦିଶତ୍ତତୋ ଵେଦାନ୍ ଶ୍ରୀମାନ ହୟଶିରୋ ହରିଃ ।
ତେନାସୌ ସ୍ତଵରାଜୋ ହି ହଂସାଖ୍ୟହୟଗୋଚରଃ ॥ ୨୨ ॥
ଵିଦ୍ୟାସାମ୍ରାଜ୍ୟସମ୍ପତ୍ତିମୋକ୍ଷୈକଫଲସାଧନମ୍ ।
ସର୍ଵଵିତ୍ସ୍ଵାତ୍ମଭାଵେନ ପରମଂ ପଦମାପ୍ନୁୟାତ୍ ॥ ୨୩ ॥
ନ ତତ୍ର ସଂଶୟଃ କଶ୍ଚିନ୍ନିପୁଣଂ ପରିପଶ୍ୟତି ।
ତଥାପି ସ୍ଵାତ୍ମନି ପ୍ରେମସିନ୍ଧୁସନ୍ଧୁକ୍ଷଣକ୍ଷମଃ। ॥ ୨୪ ॥
ଇତୀଦଂ ନାମସାହସ୍ରଂ ସଙ୍ଗୃହୀତଂ ତଥୋତ୍ତରମ୍ ।
ଏଵଂ ସଙ୍ଗୃହ୍ୟ ଦେଵେନ ହୟଗ୍ରୀଵେଣ ପାଲନମ୍ ॥ ୨୫ ॥
ସ୍ତୋତ୍ରରତ୍ନମିଦଂ ଦତ୍ତଂ ମହ୍ୟଂ ତତ୍ କଥିତଂ ତଵ ।
ହଂସନାମସହସ୍ରସ୍ୟ ଵୈଭଵଂ ପରମାଦ୍ଭୁତମ୍ ॥ ୨୬ ॥
ଵକ୍ତୁଂ ୟଥାଵତ୍କଶ୍ଶକ୍ତୋ ଵର୍ଷକୋଟିଶତୈରପି ।
ହୟାସ୍ୟଃ ପରମୋ ହଂସୋ ହରିର୍ନାରାୟଣୋଽଵ୍ୟୟଃ ॥ ୨୭ ॥
କାରଣଂ ଶରଣଂ ମୃତ୍ୟୁରମୃତଂ ଚାଖିଲାତ୍ମନାମ୍ ।
ସତ୍ୟଂ ସତ୍ୟଂ ପୁନସ୍ସତ୍ୟଂ ଧ୍ୟେୟୋ ନାରାୟଣୋ ହରିଃ ॥ ୨୮ ॥
ସମାନମଧିକଂ ଵେଦାନ୍ନ ଦୈଵଂ କେଶଵାତ୍ପରମ୍ ।
ତତ୍ତ୍ଵଂ ଵିଜ୍ଞାତୁକାମାନାଂ ପ୍ରମାଣୈସ୍ସର୍ଵତୋମୁଖୈଃ ॥ ୨୯ ॥
ତତ୍ତ୍ଵଂ ସ ପରମୋ ହଂସ ଏକ ଏଵ ଜନାର୍ଦନଃ ।
ଇଦଂ ରହସ୍ୟଂ ପରମଂ ମହାପାତକନାଶନମ୍ ॥ ୩୦ ॥
ନ ଚାଶୁଶ୍ରୂଷଵେ ଵାଚ୍ୟଂ ନାଭକ୍ତାୟ କଦାଚନ ।
ନାପ୍ୟନ୍ୟଦେଵତାୟାପି ନ ଵାଚ୍ୟଂ ନାସ୍ତିକାୟ ଚ ॥ ୩୧ ॥
ଅଧୀତ୍ୟୈତଦ୍ଗୁରୁମୁଖାଦନ୍ଵହଂ ୟଃ ପଠେନ୍ନରଃ ।
ତଦ୍ଵଂଶ୍ୟା ଅପି ସର୍ଵେ ସ୍ୟୁସ୍ସମ୍ପତ୍ସାରସ୍ଵତୋନ୍ନତାଃ ॥ ୩୨ ॥
ଇତି ହୟଵଦନାନନାରଵିନ୍ଦାନ୍ମଧୁଲହରୀଵ ନିରର୍ଗଲା ଗଲନ୍ତୀ ।
ଜଗତି ଦଶଶତୀତଦୀୟନାମ୍ନାଂ ଜୟତି ଜଡାନପି ଗୀର୍ଷୁ ୟୋଜୟନ୍ତୀ ॥ ୩୩ ॥
॥ ଇତି ଶ୍ରୀହୟଗ୍ରୀଵସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥
– Chant Stotra in Other Languages –
Sri Vishnu Stotram » 1000 Names of Hayagreeva » Hayagriva Sahasranama Stotram in Sanskrit » English » Bengali » Gujarati » Kannada » Malayalam » Telugu » Tamil