॥ Sri Kamalashtottara Shatanama Stotram Bengali Lyrics ॥
॥ শ্রীকমলাষ্টোত্তরশতনামস্তোত্রম্ ॥
শ্রীশিব উবাচ
শতমষ্টোত্তরং নাম্নাং কমলায়া বরাননে ।
প্রবক্ষ্যাম্যতিগুহ্যং হি ন কদাপি প্রকাশয়েত্ ॥ ১ ॥
মহামায়া মহালক্ষ্মীর্মহাবাণী মহেশ্বরী ।
মহাদেবী মহারাত্রির্মহিষাসুরমর্দি নী ॥ ২ ॥
কালরাত্রিঃ কুহূঃ পূর্ণা নন্দাঽঽদ্যা ভদ্রিকা নিশা ।
জয়া রিক্তা মহাশক্তির্দেবমাতা কৃশোদরী ॥ ৩ ॥
শচীন্দ্রাণী শক্রনুতা শঙ্করপ্রিয়বল্লভা ।
মহাবরাহজননী মদনোন্মথিনী মহী ॥ ৪ ॥
বৈকুণ্ঠনাথরমণী বিষ্ণুবক্ষঃস্থলস্থিতা ।
বিশ্বেশ্বরী বিশ্বমাতা বরদাঽভয়দা শিবা ॥ ৫ ॥
শূলিনী চক্রিণী মা চ পাশিনী শঙ্খধারিণী ।
গদিনী মুণ্ডমালা চ কমলা করুণালয়া ॥ ৬ ॥
পদ্মাক্ষধারিণী হ্যম্বা মহাবিষ্ণুপ্রিয়ঙ্করী ।
গোলোকনাথরমণী গোলোকেশ্বরপূজিতা ॥ ৭ ॥
গয়া গঙ্গা চ য়মুনা গোমতী গরুডাসনা ।
গণ্ডকী সরয়ূস্তাপী রেবা চৈব পয়স্বিনী ॥ ৮ ॥
নর্মদা চৈব কাবেরী কেদারস্থলবাসিনী ।
কিশোরী কেশবনুতা মহেন্দ্রপরিবন্দিতা ॥ ৯ ॥
ব্রহ্মাদিদেবনির্মাণকারিণী বেদপূজিতা ।
কোটিব্রহ্মাণ্ডমধ্যস্থা কোটিব্রহ্মাণ্ডকারিণী ॥ ১০ ॥
শ্রুতিরূপা শ্রুতিকরী শ্রুতিস্মৃতিপরায়ণা ।
ইন্দিরা সিন্ধুতনয়া মাতঙ্গী লোকমাতৃকা ॥ ১১ ॥
ত্রিলোকজননী তন্ত্রা তন্ত্রমন্ত্রস্বরূপিণী ।
তরুণী চ তমোহন্ত্রী মঙ্গলা মঙ্গলায়না ॥ ১২ ॥
মধুকৈটভমথনী শুম্ভাসুরবিনাশিনী ।
নিশুম্ভাদি হরা মাতা হরিশঙ্করপূজিতা ॥ ১৩ ॥
সর্বদেবময়ী সর্বা শরণাগতপালিনী ।
শরণ্যা শম্ভুবনিতা সিন্ধুতীরনিবাসিনী ॥ ১৪ ॥
গন্ধর্বগানরসিকা গীতা গোবিন্দবল্লভা ।
ত্রৈলোক্যপালিনী তত্ত্বরূপা তারুণ্যপূরিতা ॥ ১৫ ॥
চন্দ্রাবলী চন্দ্রমুখী চন্দ্রিকা চন্দ্রপূজিতা ।
চন্দ্রা শশাঙ্কভগিনী গীতবাদ্যপরায়ণা ॥ ১৬ ॥
সৃষ্টিরূপা সৃষ্টিকরী সৃষ্টিসংহারকারিণী ।
ইতি তে কথিতং দেবি রমানামশতাষ্টকম্ ॥ ১৭ ॥
ত্রিসন্ধ্যং প্রয়তো ভূত্বা পঠেদেতত্সমাহিতঃ ।
য়ং য়ং কাময়তে কামং তং তং প্রাপ্নোত্যসংশয়ম্ ॥ ১৮ ॥
ইমং স্তবং য়ঃ পঠতীহ মর্ত্যো বৈকুণ্ঠপত্ন্যাঃ পরসাদরেণ ।
ধনাধিপাদ্যৈঃ পরিবন্দিতঃ স্যাত্ প্রয়াস্যতি শ্রীপদমন্তকালে ॥ ১৯ ॥
ইতি শ্রীকমলাষ্টোত্তরশতনামস্তোত্রং সম্পূর্ণম্ ॥
– Chant Stotra in Other Languages –
Goddess Durga Slokam » Sri Kamala Ashtottara Shatanama Stotram Lyrics in Sanskrit » English » Gujarati » Kannada » Malayalam » Odia » Telugu » Tamil