॥ Sri Lalita Ashtottara Satanama Divya Stotram Telugu Lyrics ॥
॥ శ్రీలలితాఽష్టోత్తరశతనామదివ్యస్తోత్రమ్ ॥
॥ శ్రీః ॥
॥ అథ శ్రీలలితాఽష్టోత్తరశతనామదివ్యస్తోత్రమ్ ॥
శివప్రియాశివారాధ్యా శివేష్టా శివకోమలా ।
శివోత్సవా శివరసా శివదివ్యశిఖామణిః ॥ ౧ ॥
శివపూర్ణా శివఘనా శివస్థా శివవల్లభా ।
శివాభిన్నా శివార్ధాఙ్గీ శివాధీనా శివంకరీ ॥ ౨ ॥
శివనామజపాసక్తా శివసాంనిధ్యకారిణీ ।
శివశక్తిః శివాధ్యక్షా శివకామేశ్వరీ శివా ॥ ౩ ॥
శివయోగీశ్వరీదేవీ శివాజ్ఞావశవర్తినీ ।
శివవిద్యాతినిపుణా శివపఞ్చాక్షరప్రియా ॥ ౪ ॥
శివసౌభాగ్యసమ్పన్నా శివకైఙ్కర్యకారిణీ ।
శివాఙ్కస్థా శివాసక్తా శివకైవల్యదాయినీ ॥ ౫ ॥
శివక్రీడా శివనిధిః శివాశ్రయసమన్వితా ।
శివలీలా శివకలా శివకాన్తా శివప్రదా ॥ ౬ ॥
శివశ్రీలలితాదేవీ శివస్య నయనామృతా ।
శివచిన్తామణిపదా శివస్య హృదయోజ్జ్వలా ॥ ౭ ॥
శివోత్తమా శివాకారా శివకామప్రపూరిణీ ।
శివలిఙ్గార్చనపరా శివాలిఙ్గనకౌతుకీ ॥ ౮ ॥
శివాలోకనసంతుష్టా శివలోకనివాసినీ ।
శివకైలాసనగరస్వామినీ శివరఞ్జినీ ॥ ౯ ॥
శివస్యాహోపురుషికా శివసంకల్పపూరకా ।
శివసౌన్దర్యసర్వాఙ్గీ శివసౌభాగ్యదాయినీ ॥ ౧౦ ॥
శివశబ్దైకనిరతా శివధ్యానపరాయణా ।
శివభక్తైకసులభా శివభక్తజనప్రియా ॥ ౧౧ ॥
శివానుగ్రహసమ్పూర్ణా శివానన్దరసార్ణ్వా ।
శివప్రకాశసంతుష్టా శివశైలకుమారికా ॥ ౧౨ ॥
శివాస్యపఙ్కజార్కాభా శివాన్తఃపురవాసినీ ।
శివజీవాతుకలికా శివపుణ్యపరంపరా ॥ ౧౩ ॥
శివాక్షమాలాసంతృప్తా శివనిత్యమనోహరా ।
శివభక్తశివజ్ఞానప్రదా శివవిలాసినీ ॥ ౧౪ ॥
శివసంమోహనకరీ శివసాంరాజ్యశాలినీ ।
శివసాక్షాద్బ్రహ్మవిద్యా శివతాణ్డవసాక్షిణీ ॥ ౧౫ ॥
శివాగమార్థతత్త్వజ్ఞా శివమాన్యా శివాత్మికా ।
శివకార్యైకచతురా శివశాస్త్రప్రవర్తకా ॥ ౧౬ ॥
శివప్రసాదజననీ శివస్య హితకారిణీ ।
శివోజ్జ్వలా శివజ్యోతిః శివభోగసుఖంకరీ ॥ ౧౭ ॥
శివస్య నిత్యతరుణీ శివకల్పకవల్లరీ ।
శివబిల్వార్చనకరీ శివభక్తార్తిభఞ్జనీ ॥ ౧౮ ॥
శివాక్షికుముదజ్యోత్స్నా శివశ్రీకరుణాకరా ।
శివానన్దసుధాపూర్ణా శివభాగ్యాబ్ధిచన్ద్రికా ॥ ౧౯ ॥
శివశక్త్యైక్యలలితా శివక్రీడారసోజ్జ్వలా ।
శివప్రేమమహారత్నకాఠిన్యకలశస్తనీ ॥ ౨౦ ॥
శివలాలితళాక్షార్ద్రచరణాంబుజకోమలా ।
శివచిత్తైకహరణవ్యాలోలఘనవేణికా ॥ ౨౧ ॥
శివాభీష్టప్రదానశ్రీకల్పవల్లీకరాంబుజా ।
శివేతరమహాతాపనిర్మూలామృతవర్షిణీ ॥ ౨౨ ॥
శివయోగీన్ద్రదుర్వాసమహిమ్నస్తుతితోషితా ।
శివసమ్పూర్ణవిమలజ్ఞానదుగ్ధాబ్ధిశాయినీ ॥ ౨౩ ॥
శివభక్తాగ్రగణ్యేశవిష్ణుబ్రహ్మేన్ద్రవన్దితా ।
శివమాయాసమాక్రాన్తమహిషాసురమర్దినీ ।
శివదత్తబలోన్మత్తశుమ్భాద్యసురనాశినీ ॥ ౨౪ ॥
శివద్విజార్భకస్తన్యజ్ఞానక్షీరప్రదాయినీ ।
శివాతిప్రియభక్తాదినన్దిభృఙ్గిరిటిస్తుతా ॥ ౨౫ ॥
శివానలసముద్భూతభస్మోద్ధూలితవిగ్రహా ।
శివజ్ఞానాబ్ధిపారజ్ఞమహాత్రిపురసున్దరీ ॥ ౨౬ ॥
ఇత్యేతల్లలితానామ్నామష్టోత్తరశతం మునే ।
అనేకజన్మపాపఘ్నం లలితాప్రీతిదాయకమ్ ॥ ౨౭ ॥
సర్వైశ్వర్యప్రదం నౄణామాధివ్యాధినివారణమ్ ।
యో మర్త్యః పఠతే నిత్యం సర్వాన్కామానవాప్నుయాత్ ॥ ౨౮ ॥
ఇతిశ్రీలలితోపాఖ్యానే స్తోత్రఖణ్డే శ్రీలలితాష్టోత్తర-
శతనామస్తోత్రం సమ్పూర్ణమ్ ॥
– Chant Stotra in Other Languages –
Sri Durga Slokam » Sri Lalita Ashtottara Shatanama Divya Stotram Lyrics in Sanskrit » English » Bengali » Gujarati » Kannada » Malayalam » Odia » Tamil