॥ Manmahaprabhorashtakam Shrisvarupacharitamritam Telugu Lyrics ॥
॥ శ్రీమన్మహాప్రభోరష్టకమ్ శ్రీస్వరూపచరితామృతమ్ ॥
స్వరూప ! భవతో భవత్వయమితి స్మితస్నిగ్ధయా
గిరైవ రఘునాథముత్పులకిగాత్రముల్లాసయన్ ।
రహస్యుపదిశన్ నిజప్రణయగూఢముద్రాం స్వయం
విరాజతు చిరాయ మే హృది స గౌరచన్ద్రః ప్రభుః ॥ ౧ ॥
స్వరూప ! మమ హృద్వ్రణం బత వివేద రూపః కథం
లిలేఖ యదయం పఠ త్వమపి తాలపత్రేఽక్షరమ్ ।
ఇతి ప్రణయవేల్లితం విదధదాశు రూపాన్తరం
విరాజతు చిరాయ మే హృది స గౌరచన్ద్రః ప్రభుః ॥ ౨ ॥
స్వరూప ! పరకీయసత్ప్రవరవస్తునాశేచ్ఛతాం
దధజ్జన ఇహ త్వయా పరిచితో న వేతీక్షయమ్ ।
సనాతనముదిత్య విస్మితముఖం మహావిస్మితం
విరాజతు చిరాయ మే హృది స గౌరచన్ద్రః ప్రభుః ॥ ౩ ॥
స్వరూప ! హరినామ యజ్ జగదఘోషయం తేన కిం
న వాచయితుమప్యథాశకమిమం శివానన్దజమ్ ।
ఇతి స్వపదలేహనైః శిశుమచీకరన్ యః కవిం
విరాజతు చిరాయ మే హృది స గౌరచన్ద్రః ప్రభుః ॥ ౪ ॥
స్వరూప ! రసరీతిరమ్బుజదృశాం వ్రజే భణ్యతాం
ఘనప్రణయమానజా శ్రుతియుగం మమోత్కణ్ఠతే ।
రమా యదిహ మానినీ తదపి లోకయేతి బ్రువన్
విరాజతు చిరాయ మే హృది స గౌరచన్ద్రః ప్రభుః ॥ ౫ ॥
స్వరూప ! రసమన్దిరం భవసి మన్ముదామాస్పదం
త్వమత్ర పురుషోత్తమే వ్రజభువీవ మే వర్తసే ।
ఇతి స్వపరిరమ్భణైః పులకినం వ్యధాత్తం చ యో
విరాజతు చిరాయ మే హృది స గౌరచన్ద్రః ప్రభుః ॥ ౬ ॥
స్వరూప ! కిమపీక్షితం క్వ ను విభో నిశి స్వప్నతః
ప్రభో కథయ కిం ను తన్నవయువా వరామ్భోధరః ।
వ్యధాత్కిమయమీక్ష్యతే కిము న హీత్యగాత్తాం దశాం
విరాజతు చిరాయ మే హృది స గౌరచన్ద్రః ప్రభుః ॥ ౭ ॥
స్వరూప ! మమ నేత్రయోః పురత ఏవ కృష్ణో హసన్న్
ఉపైతి న కరగ్రహం బత దదాతి హా కిం సఖే ।
ఇతి స్ఖలతి ధావతి శ్వసితి ఘూర్ణతే యః సదా
విరాజతు చిరాయ మే హృది స గౌరచన్ద్రః ప్రభుః ॥ ౮ ॥
స్వరూపచరితామృతం కిల మహాప్రభోరష్టకం
రహస్యతమమద్భుతం పఠతి యః కృతీ ప్రత్యహమ్ ।
స్వరూపపరివారతాం నయతి తం శచీనన్దనో
ఘనప్రణయమాధురీం స్వపదయోః సమాత్వాదయన్ ॥ ౯ ॥
ఇతి శ్రీవిశ్వనాథచక్రవర్తిఠక్కురవిరచితస్తవామృతలహర్యాం
శ్రీమహాప్రభోరష్టకం సమ్పూర్ణమ్ ।
– Chant Stotra in Other Languages –
Sri Manmahaprabhorashtakam Shrisvarupacharitamritam Lyrics in Sanskrit » English » Bengali » Gujarati » Kannada » Malayalam » Odia » Tamil