॥ Matangi Ashtottara Shatanama Stotram Bengali Lyrics ॥
॥ শ্রীমাতঙ্গীশতনামস্তোত্রম্ ॥
শ্রীভৈরব্যুবাচ –
ভগবঞ্ছ্রোতুমিচ্ছামি মাতঙ্গ্যাঃ শতনামকম্ ।
য়দ্গুহ্যং সর্বতন্ত্রেষু কেনাপি ন প্রকাশিতম্ ॥ ১ ॥
ভৈরব উবাচ –
শৃণু দেবি প্রবক্ষ্যামি রহস্যাতিরহস্যকম্ ।
নাখ্যেয়ং য়ত্র কুত্রাপি পঠনীয়ং পরাত্পরম্ ॥ ২ ॥
য়স্যৈকবারপঠনাত্সর্বে বিঘ্না উপদ্রবাঃ ।
নশ্যন্তি তত্ক্ষণাদ্দেবি বহ্নিনা তূলরাশিবত্ ॥ ৩ ॥
প্রসন্না জায়তে দেবী মাতঙ্গী চাস্য পাঠতঃ ।
সহস্রনামপঠনে য়ত্ফলং পরিকীর্তিতম্ ।
তত্কোটিগুণিতং দেবীনামাষ্টশতকং শুভম্ ॥ ৪ ॥
অস্য শ্রীমাতঙ্গীশতনামস্তোত্রস্য ভগবান্মতঙ্গ ঋষিঃ
অনুষ্টুপ্ ছন্দঃ মাতঙ্গী দেবতা মাতঙ্গীপ্রীতয়ে জপে বিনিয়োগঃ ।
মহামত্তমাতঙ্গিনী সিদ্ধিরূপা তথা য়োগিনী ভদ্রকালী রমা চ ।
ভবানী ভবপ্রীতিদা ভূতিয়ুক্তা ভবারাধিতা ভূতিসম্পত্করী চ ॥ ১ ॥
ধনাধীশমাতা ধনাগারদৃষ্টির্ধনেশার্চিতা ধীরবাপীবরাঙ্গী ।
প্রকৃষ্টপ্রভারূপিণী কামরূপপ্রহৃষ্টা মহাকীর্তিদা কর্ণনালী ॥ ২ ॥
করালী ভগা ঘোররূপা ভগাঙ্গী ভগাহ্বা ভগপ্রীতিদা ভীমরূপা ।
ভবানী মহাকৌশিকী কোশপূর্ণা কিশোরীকিশোরপ্রিয়ানন্দ ঈহা ॥ ৩ ॥
মহাকারণাকারণা কর্মশীলা কপালিপ্রসিদ্ধা মহাসিদ্খণ্ডা ।
মকারপ্রিয়া মানরূপা মহেশী মহোল্লাসিনীলাস্যলীলালয়াঙ্গী ॥ ৪ ॥
ক্ষমাক্ষেমশীলা ক্ষপাকারিণী চাক্ষয়প্রীতিদা ভূতিয়ুক্তা ভবানী ।
ভবারাধিতা ভূতিসত্যাত্মিকা চ প্রভোদ্ভাসিতা ভানুভাস্বত্করা চ ॥ ৫ ॥
ধরাধীশমাতা ধরাগারদৃষ্টির্ধরেশার্চিতা ধীবরাধীবরাঙ্গী ।
প্রকৃষ্টপ্রভারূপিণী প্রাণরূপপ্রকৃষ্টস্বরূপা স্বরূপপ্রিয়া চ ॥ ৬ ॥
চলত্কুণ্ডলা কামিনী কান্তয়ুক্তা কপালাচলা কালকোদ্ধারিণী চ ।
কদম্বপ্রিয়া কোটরীকোটদেহা ক্রমা কীর্তিদা কর্ণরূপা চ কাক্ষ্মীঃ ॥ ৭ ॥
ক্ষমাঙ্গী ক্ষয়প্রেমরূপা ক্ষপা চ ক্ষয়াক্ষা ক্ষয়াহ্বা ক্ষয়প্রান্তরা চ ।
ক্ষবত্কামিনী ক্ষারিণী ক্ষীরপূর্ণা শিবাঙ্গী চ শাকম্ভরী শাকদেহা ॥ ৮ ॥
মহাশাকয়জ্ঞা ফলপ্রাশকা চ শকাহ্বা শকাহ্বাশকাখ্যা শকা চ ।
শকাক্ষান্তরোষা সুরোষা সুরেখা মহাশেষয়জ্ঞোপবীতপ্রিয়া চ ॥ ৯ ॥
জয়ন্তী জয়া জাগ্রতীয়োগ্যরূপা জয়াঙ্গা জপধ্যানসন্তুষ্টসংজ্ঞা ।
জয়প্রাণরূপা জয়স্বর্ণদেহা জয়জ্বালিনী য়ামিনী য়াম্যরূপা ॥ ১০ ॥
জগন্মাতৃরূপা জগদ্রক্ষণা চ স্বধাবৌষডন্তা বিলম্বাবিলম্বা ।
ষডঙ্গা মহালম্বরূপাসিহস্তা পদাহারিণীহারিণী হারিণী চ ॥ ১১ ॥
মহামঙ্গলা মঙ্গলপ্রেমকীর্তির্নিশুম্ভচ্ছিদা শুম্ভদর্পত্বহা চ ।
তথাঽঽনন্দবীজাদিমুক্তস্বরূপা তথা চণ্ডমুণ্ডাপদামুখ্যচণ্ডা ॥ ১২ ॥
প্রচণ্ডাপ্রচণ্ডা মহাচণ্ডবেগা চলচ্চামরা চামরাচন্দ্রকীর্তিঃ ।
সুচামীকরাচিত্রভূষোজ্জ্বলাঙ্গী সুসঙ্গীতগীতা চ পায়াদপায়াত্ ॥ ১৩ ॥
ইতি তে কথিতং দেবি নাম্নামষ্টোত্তরং শতম্ ।
গোপ্যঞ্চ সর্বতন্ত্রেষু গোপনীয়ঞ্চ সর্বদা ॥ ১৪ ॥
এতস্য সততাভ্যাসাত্সাক্ষাদ্দেবো মহেশ্বরঃ ।
ত্রিসন্ধ্যঞ্চ মহাভক্ত্যা পঠনীয়ং সুখোদয়ম্ ॥ ১৫ ॥
ন তস্য দুষ্করং কিঞ্চিজ্জায়তে স্পর্শতঃ ক্ষণাত্ ।
স্বকৃতং য়ত্তদেবাপ্তং তস্মাদাবর্তয়েত্সদা ॥ ১৬ ॥
সদৈব সন্নিধৌ তস্য দেবী বসতি সাদরম্ ।
অয়োগা য়ে তবৈবাগ্রে সুয়োগাশ্চ ভবন্তি বৈ ॥ ১৭ ॥
ত এবমিত্রভূতাশ্চ ভবন্তি তত্প্রসাদতঃ ।
বিষাণি নোপসর্পন্তি ব্যাধয়ো ন স্পৃশন্তি তান্ ॥ ১৮ ॥
লূতাবিস্ফোটকাস্সর্বে শমং য়ান্তি চ তত্ক্ষণাত্ ।
জরাপলিতনির্মুক্তঃ কল্পজীবী ভবেন্নরঃ ॥ ১৯ ॥
অপি কিং বহুনোক্তেন সান্নিধ্যং ফলমাপ্নুয়াত্ ।
য়াবন্ময়া পুরা প্রোক্তং ফলং সাহস্রনামকম্ ।
তত্সর্বং লভতে মর্ত্যো মহামায়াপ্রসাদতঃ ॥ ২০ ॥
ইতি শ্রীরুদ্রয়ামলে মাতঙ্গীশতনামস্তোত্রং সম্পূর্ণম্ ॥
– Chant Stotra in Other Languages –
Sri Durga Slokam » Sri Matangi Ashtottara Shatanama Stotram Lyrics in Sanskrit » English » Gujarati » Kannada » Malayalam » Odia » Telugu » Tamil