॥ Matangi Ashtottara Shatanama Stotram Kannada Lyrics ॥
॥ ಶ್ರೀಮಾತಂಗೀಶತನಾಮಸ್ತೋತ್ರಮ್ ॥
ಶ್ರೀಭೈರವ್ಯುವಾಚ –
ಭಗವಂಛ್ರೋತುಮಿಚ್ಛಾಮಿ ಮಾತಂಗ್ಯಾಃ ಶತನಾಮಕಮ್ ।
ಯದ್ಗುಹ್ಯಂ ಸರ್ವತನ್ತ್ರೇಷು ಕೇನಾಪಿ ನ ಪ್ರಕಾಶಿತಮ್ ॥ 1 ॥
ಭೈರವ ಉವಾಚ –
ಶೃಣು ದೇವಿ ಪ್ರವಕ್ಷ್ಯಾಮಿ ರಹಸ್ಯಾತಿರಹಸ್ಯಕಮ್ ।
ನಾಖ್ಯೇಯಂ ಯತ್ರ ಕುತ್ರಾಪಿ ಪಠನೀಯಂ ಪರಾತ್ಪರಮ್ ॥ 2 ॥
ಯಸ್ಯೈಕವಾರಪಠನಾತ್ಸರ್ವೇ ವಿಘ್ನಾ ಉಪದ್ರವಾಃ ।
ನಶ್ಯನ್ತಿ ತತ್ಕ್ಷಣಾದ್ದೇವಿ ವಹ್ನಿನಾ ತೂಲರಾಶಿವತ್ ॥ 3 ॥
ಪ್ರಸನ್ನಾ ಜಾಯತೇ ದೇವೀ ಮಾತಂಗೀ ಚಾಸ್ಯ ಪಾಠತಃ ।
ಸಹಸ್ರನಾಮಪಠನೇ ಯತ್ಫಲಂ ಪರಿಕೀರ್ತಿತಮ್ ।
ತತ್ಕೋಟಿಗುಣಿತಂ ದೇವೀನಾಮಾಷ್ಟಶತಕಂ ಶುಭಮ್ ॥ 4 ॥
ಅಸ್ಯ ಶ್ರೀಮಾತಂಗೀಶತನಾಮಸ್ತೋತ್ರಸ್ಯ ಭಗವಾನ್ಮತಂಗ ಋಷಿಃ
ಅನುಷ್ಟುಪ್ ಛನ್ದಃ ಮಾತಂಗೀ ದೇವತಾ ಮಾತಂಗೀಪ್ರೀತಯೇ ಜಪೇ ವಿನಿಯೋಗಃ ।
ಮಹಾಮತ್ತಮಾತಂಗಿನೀ ಸಿದ್ಧಿರೂಪಾ ತಥಾ ಯೋಗಿನೀ ಭದ್ರಕಾಲೀ ರಮಾ ಚ ।
ಭವಾನೀ ಭವಪ್ರೀತಿದಾ ಭೂತಿಯುಕ್ತಾ ಭವಾರಾಧಿತಾ ಭೂತಿಸಮ್ಪತ್ಕರೀ ಚ ॥ 1 ॥
ಧನಾಧೀಶಮಾತಾ ಧನಾಗಾರದೃಷ್ಟಿರ್ಧನೇಶಾರ್ಚಿತಾ ಧೀರವಾಪೀವರಾಂಗೀ ।
ಪ್ರಕೃಷ್ಟಪ್ರಭಾರೂಪಿಣೀ ಕಾಮರೂಪಪ್ರಹೃಷ್ಟಾ ಮಹಾಕೀರ್ತಿದಾ ಕರ್ಣನಾಲೀ ॥ 2 ॥
ಕರಾಲೀ ಭಗಾ ಘೋರರೂಪಾ ಭಗಾಂಗೀ ಭಗಾಹ್ವಾ ಭಗಪ್ರೀತಿದಾ ಭೀಮರೂಪಾ ।
ಭವಾನೀ ಮಹಾಕೌಶಿಕೀ ಕೋಶಪೂರ್ಣಾ ಕಿಶೋರೀಕಿಶೋರಪ್ರಿಯಾನನ್ದ ಈಹಾ ॥ 3 ॥
ಮಹಾಕಾರಣಾಕಾರಣಾ ಕರ್ಮಶೀಲಾ ಕಪಾಲಿಪ್ರಸಿದ್ಧಾ ಮಹಾಸಿದ್ಖಂಡಾ ।
ಮಕಾರಪ್ರಿಯಾ ಮಾನರೂಪಾ ಮಹೇಶೀ ಮಹೋಲ್ಲಾಸಿನೀಲಾಸ್ಯಲೀಲಾಲಯಾಂಗೀ ॥ 4 ॥
ಕ್ಷಮಾಕ್ಷೇಮಶೀಲಾ ಕ್ಷಪಾಕಾರಿಣೀ ಚಾಕ್ಷಯಪ್ರೀತಿದಾ ಭೂತಿಯುಕ್ತಾ ಭವಾನೀ ।
ಭವಾರಾಧಿತಾ ಭೂತಿಸತ್ಯಾತ್ಮಿಕಾ ಚ ಪ್ರಭೋದ್ಭಾಸಿತಾ ಭಾನುಭಾಸ್ವತ್ಕರಾ ಚ ॥ 5 ॥
ಧರಾಧೀಶಮಾತಾ ಧರಾಗಾರದೃಷ್ಟಿರ್ಧರೇಶಾರ್ಚಿತಾ ಧೀವರಾಧೀವರಾಂಗೀ ।
ಪ್ರಕೃಷ್ಟಪ್ರಭಾರೂಪಿಣೀ ಪ್ರಾಣರೂಪಪ್ರಕೃಷ್ಟಸ್ವರೂಪಾ ಸ್ವರೂಪಪ್ರಿಯಾ ಚ ॥ 6 ॥
ಚಲತ್ಕುಂಡಲಾ ಕಾಮಿನೀ ಕಾನ್ತಯುಕ್ತಾ ಕಪಾಲಾಚಲಾ ಕಾಲಕೋದ್ಧಾರಿಣೀ ಚ ।
ಕದಮ್ಬಪ್ರಿಯಾ ಕೋಟರೀಕೋಟದೇಹಾ ಕ್ರಮಾ ಕೀರ್ತಿದಾ ಕರ್ಣರೂಪಾ ಚ ಕಾಕ್ಷ್ಮೀಃ ॥ 7 ॥
ಕ್ಷಮಾಂಗೀ ಕ್ಷಯಪ್ರೇಮರೂಪಾ ಕ್ಷಪಾ ಚ ಕ್ಷಯಾಕ್ಷಾ ಕ್ಷಯಾಹ್ವಾ ಕ್ಷಯಪ್ರಾನ್ತರಾ ಚ ।
ಕ್ಷವತ್ಕಾಮಿನೀ ಕ್ಷಾರಿಣೀ ಕ್ಷೀರಪೂರ್ಣಾ ಶಿವಾಂಗೀ ಚ ಶಾಕಮ್ಭರೀ ಶಾಕದೇಹಾ ॥ 8 ॥
ಮಹಾಶಾಕಯಜ್ಞಾ ಫಲಪ್ರಾಶಕಾ ಚ ಶಕಾಹ್ವಾ ಶಕಾಹ್ವಾಶಕಾಖ್ಯಾ ಶಕಾ ಚ ।
ಶಕಾಕ್ಷಾನ್ತರೋಷಾ ಸುರೋಷಾ ಸುರೇಖಾ ಮಹಾಶೇಷಯಜ್ಞೋಪವೀತಪ್ರಿಯಾ ಚ ॥ 9 ॥
ಜಯನ್ತೀ ಜಯಾ ಜಾಗ್ರತೀಯೋಗ್ಯರೂಪಾ ಜಯಾಂಗಾ ಜಪಧ್ಯಾನಸನ್ತುಷ್ಟಸಂಜ್ಞಾ ।
ಜಯಪ್ರಾಣರೂಪಾ ಜಯಸ್ವರ್ಣದೇಹಾ ಜಯಜ್ವಾಲಿನೀ ಯಾಮಿನೀ ಯಾಮ್ಯರೂಪಾ ॥ 10 ॥
ಜಗನ್ಮಾತೃರೂಪಾ ಜಗದ್ರಕ್ಷಣಾ ಚ ಸ್ವಧಾವೌಷಡನ್ತಾ ವಿಲಮ್ಬಾವಿಲಮ್ಬಾ ।
ಷಡಂಗಾ ಮಹಾಲಮ್ಬರೂಪಾಸಿಹಸ್ತಾ ಪದಾಹಾರಿಣೀಹಾರಿಣೀ ಹಾರಿಣೀ ಚ ॥ 11 ॥
ಮಹಾಮಂಗಲಾ ಮಂಗಲಪ್ರೇಮಕೀರ್ತಿರ್ನಿಶುಮ್ಭಚ್ಛಿದಾ ಶುಮ್ಭದರ್ಪತ್ವಹಾ ಚ ।
ತಥಾಽಽನನ್ದಬೀಜಾದಿಮುಕ್ತಸ್ವರೂಪಾ ತಥಾ ಚಂಡಮುಂಡಾಪದಾಮುಖ್ಯಚಂಡಾ ॥ 12 ॥
ಪ್ರಚಂಡಾಪ್ರಚಂಡಾ ಮಹಾಚಂಡವೇಗಾ ಚಲಚ್ಚಾಮರಾ ಚಾಮರಾಚನ್ದ್ರಕೀರ್ತಿಃ ।
ಸುಚಾಮೀಕರಾಚಿತ್ರಭೂಷೋಜ್ಜ್ವಲಾಂಗೀ ಸುಸಂಗೀತಗೀತಾ ಚ ಪಾಯಾದಪಾಯಾತ್ ॥ 13 ॥
ಇತಿ ತೇ ಕಥಿತಂ ದೇವಿ ನಾಮ್ನಾಮಷ್ಟೋತ್ತರಂ ಶತಮ್ ।
ಗೋಪ್ಯಂಚ ಸರ್ವತನ್ತ್ರೇಷು ಗೋಪನೀಯಂಚ ಸರ್ವದಾ ॥ 14 ॥
ಏತಸ್ಯ ಸತತಾಭ್ಯಾಸಾತ್ಸಾಕ್ಷಾದ್ದೇವೋ ಮಹೇಶ್ವರಃ ।
ತ್ರಿಸನ್ಧ್ಯಂಚ ಮಹಾಭಕ್ತ್ಯಾ ಪಠನೀಯಂ ಸುಖೋದಯಮ್ ॥ 15 ॥
ನ ತಸ್ಯ ದುಷ್ಕರಂ ಕಿಂಚಿಜ್ಜಾಯತೇ ಸ್ಪರ್ಶತಃ ಕ್ಷಣಾತ್ ।
ಸ್ವಕೃತಂ ಯತ್ತದೇವಾಪ್ತಂ ತಸ್ಮಾದಾವರ್ತಯೇತ್ಸದಾ ॥ 16 ॥
ಸದೈವ ಸನ್ನಿಧೌ ತಸ್ಯ ದೇವೀ ವಸತಿ ಸಾದರಮ್ ।
ಅಯೋಗಾ ಯೇ ತವೈವಾಗ್ರೇ ಸುಯೋಗಾಶ್ಚ ಭವನ್ತಿ ವೈ ॥ 17 ॥
ತ ಏವಮಿತ್ರಭೂತಾಶ್ಚ ಭವನ್ತಿ ತತ್ಪ್ರಸಾದತಃ ।
ವಿಷಾಣಿ ನೋಪಸರ್ಪನ್ತಿ ವ್ಯಾಧಯೋ ನ ಸ್ಪೃಶನ್ತಿ ತಾನ್ ॥ 18 ॥
ಲೂತಾವಿಸ್ಫೋಟಕಾಸ್ಸರ್ವೇ ಶಮಂ ಯಾನ್ತಿ ಚ ತತ್ಕ್ಷಣಾತ್ ।
ಜರಾಪಲಿತನಿರ್ಮುಕ್ತಃ ಕಲ್ಪಜೀವೀ ಭವೇನ್ನರಃ ॥ 19 ॥
ಅಪಿ ಕಿಂ ಬಹುನೋಕ್ತೇನ ಸಾನ್ನಿಧ್ಯಂ ಫಲಮಾಪ್ನುಯಾತ್ ।
ಯಾವನ್ಮಯಾ ಪುರಾ ಪ್ರೋಕ್ತಂ ಫಲಂ ಸಾಹಸ್ರನಾಮಕಮ್ ।
ತತ್ಸರ್ವಂ ಲಭತೇ ಮರ್ತ್ಯೋ ಮಹಾಮಾಯಾಪ್ರಸಾದತಃ ॥ 20 ॥
ಇತಿ ಶ್ರೀರುದ್ರಯಾಮಲೇ ಮಾತಂಗೀಶತನಾಮಸ್ತೋತ್ರಂ ಸಮ್ಪೂರ್ಣಮ್ ॥
– Chant Stotra in Other Languages –
Sri Durga Slokam » Sri Matangi Ashtottara Shatanama Stotram Lyrics in Sanskrit » English » Bengali » Gujarati » Malayalam » Odia » Telugu » Tamil