॥ Matangi Ashtottara Shatanama Stotram Odia Lyrics ॥
॥ ଶ୍ରୀମାତଙ୍ଗୀଶତନାମସ୍ତୋତ୍ରମ୍ ॥
ଶ୍ରୀଭୈରଵ୍ୟୁଵାଚ –
ଭଗଵଞ୍ଛ୍ରୋତୁମିଚ୍ଛାମି ମାତଙ୍ଗ୍ୟାଃ ଶତନାମକମ୍ ।
ୟଦ୍ଗୁହ୍ୟଂ ସର୍ଵତନ୍ତ୍ରେଷୁ କେନାପି ନ ପ୍ରକାଶିତମ୍ ॥ ୧ ॥
ଭୈରଵ ଉଵାଚ –
ଶୃଣୁ ଦେଵି ପ୍ରଵକ୍ଷ୍ୟାମି ରହସ୍ୟାତିରହସ୍ୟକମ୍ ।
ନାଖ୍ୟେୟଂ ୟତ୍ର କୁତ୍ରାପି ପଠନୀୟଂ ପରାତ୍ପରମ୍ ॥ ୨ ॥
ୟସ୍ୟୈକଵାରପଠନାତ୍ସର୍ଵେ ଵିଘ୍ନା ଉପଦ୍ରଵାଃ ।
ନଶ୍ୟନ୍ତି ତତ୍କ୍ଷଣାଦ୍ଦେଵି ଵହ୍ନିନା ତୂଲରାଶିଵତ୍ ॥ ୩ ॥
ପ୍ରସନ୍ନା ଜାୟତେ ଦେଵୀ ମାତଙ୍ଗୀ ଚାସ୍ୟ ପାଠତଃ ।
ସହସ୍ରନାମପଠନେ ୟତ୍ଫଲଂ ପରିକୀର୍ତିତମ୍ ।
ତତ୍କୋଟିଗୁଣିତଂ ଦେଵୀନାମାଷ୍ଟଶତକଂ ଶୁଭମ୍ ॥ ୪ ॥
ଅସ୍ୟ ଶ୍ରୀମାତଙ୍ଗୀଶତନାମସ୍ତୋତ୍ରସ୍ୟ ଭଗଵାନ୍ମତଙ୍ଗ ଋଷିଃ
ଅନୁଷ୍ଟୁପ୍ ଛନ୍ଦଃ ମାତଙ୍ଗୀ ଦେଵତା ମାତଙ୍ଗୀପ୍ରୀତୟେ ଜପେ ଵିନିୟୋଗଃ ।
ମହାମତ୍ତମାତଙ୍ଗିନୀ ସିଦ୍ଧିରୂପା ତଥା ୟୋଗିନୀ ଭଦ୍ରକାଲୀ ରମା ଚ ।
ଭଵାନୀ ଭଵପ୍ରୀତିଦା ଭୂତିୟୁକ୍ତା ଭଵାରାଧିତା ଭୂତିସମ୍ପତ୍କରୀ ଚ ॥ ୧ ॥
ଧନାଧୀଶମାତା ଧନାଗାରଦୃଷ୍ଟିର୍ଧନେଶାର୍ଚିତା ଧୀରଵାପୀଵରାଙ୍ଗୀ ।
ପ୍ରକୃଷ୍ଟପ୍ରଭାରୂପିଣୀ କାମରୂପପ୍ରହୃଷ୍ଟା ମହାକୀର୍ତିଦା କର୍ଣନାଲୀ ॥ ୨ ॥
କରାଲୀ ଭଗା ଘୋରରୂପା ଭଗାଙ୍ଗୀ ଭଗାହ୍ଵା ଭଗପ୍ରୀତିଦା ଭୀମରୂପା ।
ଭଵାନୀ ମହାକୌଶିକୀ କୋଶପୂର୍ଣା କିଶୋରୀକିଶୋରପ୍ରିୟାନନ୍ଦ ଈହା ॥ ୩ ॥
ମହାକାରଣାକାରଣା କର୍ମଶୀଲା କପାଲିପ୍ରସିଦ୍ଧା ମହାସିଦ୍ଖଣ୍ଡା ।
ମକାରପ୍ରିୟା ମାନରୂପା ମହେଶୀ ମହୋଲ୍ଲାସିନୀଲାସ୍ୟଲୀଲାଲୟାଙ୍ଗୀ ॥ ୪ ॥
କ୍ଷମାକ୍ଷେମଶୀଲା କ୍ଷପାକାରିଣୀ ଚାକ୍ଷୟପ୍ରୀତିଦା ଭୂତିୟୁକ୍ତା ଭଵାନୀ ।
ଭଵାରାଧିତା ଭୂତିସତ୍ୟାତ୍ମିକା ଚ ପ୍ରଭୋଦ୍ଭାସିତା ଭାନୁଭାସ୍ଵତ୍କରା ଚ ॥ ୫ ॥
ଧରାଧୀଶମାତା ଧରାଗାରଦୃଷ୍ଟିର୍ଧରେଶାର୍ଚିତା ଧୀଵରାଧୀଵରାଙ୍ଗୀ ।
ପ୍ରକୃଷ୍ଟପ୍ରଭାରୂପିଣୀ ପ୍ରାଣରୂପପ୍ରକୃଷ୍ଟସ୍ଵରୂପା ସ୍ଵରୂପପ୍ରିୟା ଚ ॥ ୬ ॥
ଚଲତ୍କୁଣ୍ଡଲା କାମିନୀ କାନ୍ତୟୁକ୍ତା କପାଲାଚଲା କାଲକୋଦ୍ଧାରିଣୀ ଚ ।
କଦମ୍ବପ୍ରିୟା କୋଟରୀକୋଟଦେହା କ୍ରମା କୀର୍ତିଦା କର୍ଣରୂପା ଚ କାକ୍ଷ୍ମୀଃ ॥ ୭ ॥
କ୍ଷମାଙ୍ଗୀ କ୍ଷୟପ୍ରେମରୂପା କ୍ଷପା ଚ କ୍ଷୟାକ୍ଷା କ୍ଷୟାହ୍ଵା କ୍ଷୟପ୍ରାନ୍ତରା ଚ ।
କ୍ଷଵତ୍କାମିନୀ କ୍ଷାରିଣୀ କ୍ଷୀରପୂର୍ଣା ଶିଵାଙ୍ଗୀ ଚ ଶାକମ୍ଭରୀ ଶାକଦେହା ॥ ୮ ॥
ମହାଶାକୟଜ୍ଞା ଫଲପ୍ରାଶକା ଚ ଶକାହ୍ଵା ଶକାହ୍ଵାଶକାଖ୍ୟା ଶକା ଚ ।
ଶକାକ୍ଷାନ୍ତରୋଷା ସୁରୋଷା ସୁରେଖା ମହାଶେଷୟଜ୍ଞୋପଵୀତପ୍ରିୟା ଚ ॥ ୯ ॥
ଜୟନ୍ତୀ ଜୟା ଜାଗ୍ରତୀୟୋଗ୍ୟରୂପା ଜୟାଙ୍ଗା ଜପଧ୍ୟାନସନ୍ତୁଷ୍ଟସଂଜ୍ଞା ।
ଜୟପ୍ରାଣରୂପା ଜୟସ୍ଵର୍ଣଦେହା ଜୟଜ୍ଵାଲିନୀ ୟାମିନୀ ୟାମ୍ୟରୂପା ॥ ୧୦ ॥
ଜଗନ୍ମାତୃରୂପା ଜଗଦ୍ରକ୍ଷଣା ଚ ସ୍ଵଧାଵୌଷଡନ୍ତା ଵିଲମ୍ବାଵିଲମ୍ବା ।
ଷଡଙ୍ଗା ମହାଲମ୍ବରୂପାସିହସ୍ତା ପଦାହାରିଣୀହାରିଣୀ ହାରିଣୀ ଚ ॥ ୧୧ ॥
ମହାମଙ୍ଗଲା ମଙ୍ଗଲପ୍ରେମକୀର୍ତିର୍ନିଶୁମ୍ଭଚ୍ଛିଦା ଶୁମ୍ଭଦର୍ପତ୍ଵହା ଚ ।
ତଥାଽଽନନ୍ଦବୀଜାଦିମୁକ୍ତସ୍ଵରୂପା ତଥା ଚଣ୍ଡମୁଣ୍ଡାପଦାମୁଖ୍ୟଚଣ୍ଡା ॥ ୧୨ ॥
ପ୍ରଚଣ୍ଡାପ୍ରଚଣ୍ଡା ମହାଚଣ୍ଡଵେଗା ଚଲଚ୍ଚାମରା ଚାମରାଚନ୍ଦ୍ରକୀର୍ତିଃ ।
ସୁଚାମୀକରାଚିତ୍ରଭୂଷୋଜ୍ଜ୍ଵଲାଙ୍ଗୀ ସୁସଙ୍ଗୀତଗୀତା ଚ ପାୟାଦପାୟାତ୍ ॥ ୧୩ ॥
ଇତି ତେ କଥିତଂ ଦେଵି ନାମ୍ନାମଷ୍ଟୋତ୍ତରଂ ଶତମ୍ ।
ଗୋପ୍ୟଞ୍ଚ ସର୍ଵତନ୍ତ୍ରେଷୁ ଗୋପନୀୟଞ୍ଚ ସର୍ଵଦା ॥ ୧୪ ॥
ଏତସ୍ୟ ସତତାଭ୍ୟାସାତ୍ସାକ୍ଷାଦ୍ଦେଵୋ ମହେଶ୍ଵରଃ ।
ତ୍ରିସନ୍ଧ୍ୟଞ୍ଚ ମହାଭକ୍ତ୍ୟା ପଠନୀୟଂ ସୁଖୋଦୟମ୍ ॥ ୧୫ ॥
ନ ତସ୍ୟ ଦୁଷ୍କରଂ କିଞ୍ଚିଜ୍ଜାୟତେ ସ୍ପର୍ଶତଃ କ୍ଷଣାତ୍ ।
ସ୍ଵକୃତଂ ୟତ୍ତଦେଵାପ୍ତଂ ତସ୍ମାଦାଵର୍ତୟେତ୍ସଦା ॥ ୧୬ ॥
ସଦୈଵ ସନ୍ନିଧୌ ତସ୍ୟ ଦେଵୀ ଵସତି ସାଦରମ୍ ।
ଅୟୋଗା ୟେ ତଵୈଵାଗ୍ରେ ସୁୟୋଗାଶ୍ଚ ଭଵନ୍ତି ଵୈ ॥ ୧୭ ॥
ତ ଏଵମିତ୍ରଭୂତାଶ୍ଚ ଭଵନ୍ତି ତତ୍ପ୍ରସାଦତଃ ।
ଵିଷାଣି ନୋପସର୍ପନ୍ତି ଵ୍ୟାଧୟୋ ନ ସ୍ପୃଶନ୍ତି ତାନ୍ ॥ ୧୮ ॥
ଲୂତାଵିସ୍ଫୋଟକାସ୍ସର୍ଵେ ଶମଂ ୟାନ୍ତି ଚ ତତ୍କ୍ଷଣାତ୍ ।
ଜରାପଲିତନିର୍ମୁକ୍ତଃ କଲ୍ପଜୀଵୀ ଭଵେନ୍ନରଃ ॥ ୧୯ ॥
ଅପି କିଂ ବହୁନୋକ୍ତେନ ସାନ୍ନିଧ୍ୟଂ ଫଲମାପ୍ନୁୟାତ୍ ।
ୟାଵନ୍ମୟା ପୁରା ପ୍ରୋକ୍ତଂ ଫଲଂ ସାହସ୍ରନାମକମ୍ ।
ତତ୍ସର୍ଵଂ ଲଭତେ ମର୍ତ୍ୟୋ ମହାମାୟାପ୍ରସାଦତଃ ॥ ୨୦ ॥
ଇତି ଶ୍ରୀରୁଦ୍ରୟାମଲେ ମାତଙ୍ଗୀଶତନାମସ୍ତୋତ୍ରଂ ସମ୍ପୂର୍ଣମ୍ ॥
– Chant Stotra in Other Languages –
Sri Durga Slokam » Sri Matangi Ashtottara Shatanama Stotram Lyrics in Sanskrit » English » Bengali » Gujarati » Kannada » Malayalam » Telugu » Tamil