॥ Sri Narasimha Stambha Avirbhava Stotram Telugu Lyrics ॥
॥ శ్రీ నృసింహ స్తంభావిర్భావ స్తోత్రం ॥
(ధన్యవాదాలు – శ్రీ చక్రవర్తుల సుధన్వాచార్యులు గారికి)
సహస్రభాస్కరస్ఫురత్ప్రభాక్షదుర్నిరీక్షణం
ప్రభగ్నకౄరకృద్ధిరణ్యకశ్యపోరురస్థలమ్ ।
అజస్తృజాండకర్పరప్రభగ్నరౌద్రగర్జనం
ఉదగ్రనిగ్రహాగ్రహోగ్రవిగ్రహాకృతిం భజే ॥ ౧ ॥
స్వయంభుశంభుజంభజిత్ప్రముఖ్యదివ్యసంభ్రమం
ద్విజృంభమధ్యదుత్కటోగ్రదైత్యకుంభకుంభినిన్ ।
అనర్గళాట్టహాసనిస్పృహాష్టదిగ్గజార్భటిన్
యుగాంతిమాంతమత్కృతాంతధిక్కృతాంతకం భజే ॥ ౨ ॥
జగజ్వలద్దహద్గ్రసత్ప్రహస్ఫురన్ముఖార్భటిం
మహద్భయద్భవద్దహగ్రసల్లసత్కృతాకృతిమ్ ।
హిరణ్యకశ్యపోసహస్రసంహరత్సమర్థకృ-
-న్ముహుర్ముహుర్ముహుర్గళధ్వనన్నృసింహ రక్ష మామ్ ॥ ౩ ॥
దరిద్రదేవి దుష్టి దృష్టి దుఃఖ దుర్భరం హరం
నవగ్రహోగ్రవక్రదోషణాదివ్యాధి నిగ్రహమ్ ।
పరౌషధాదిమన్త్రయన్త్రతన్త్రకృత్రిమంహనం
అకాలమృత్యుమృత్యుమృత్యుముగ్రమూర్తిణం భజే ॥ ౪ ॥
జయత్వవక్రవిక్రమక్రమక్రమక్రియాహరం
స్ఫురత్సహస్రవిస్ఫులింగభాస్కరప్రభాగ్రసత్ ।
ధగద్ధగద్ధగల్లసన్మహద్భ్రమత్సుదర్శనో-
న్మదేభభిత్స్వరూపభృద్భవత్కృపారసామృతమ్ ॥ ౫ ॥
విపక్షపక్షరాక్షసాక్షమాక్షరూక్షవీక్షణం
సదాఽక్షయత్కృపాకటాక్షలక్ష్మలక్ష్మివక్షసమ్ ।
విచక్షణం విలక్షణం ప్రతీక్షణం పరీక్షణం
పరీక్ష దీక్ష రక్ష శిక్ష సాక్షిణం క్షమం భజే ॥ ౬ ॥
అపూర్వ శౌర్య ధైర్య వీర్య దుర్నివార్య దుర్గమం
అకార్యకృద్ధనార్య గర్వపర్వతప్రహార్యసత్ ।
ప్రచార్యసర్వనిర్వహస్తుపర్యవర్యపర్విణం
సదార్యకార్యభార్యభృద్దుదారవర్యణం భజే ॥ ౭ ॥
ప్రపత్తినార్ద్రనాభనాభివందనప్రదక్షిణా
నతాననాంగవాఙ్మనఃస్మరజ్జపస్తువద్గదా ।
అశ్రుపూరణార్ద్రపూర్ణభక్తిపారవశ్యతా
సకృత్క్రియాచరద్ధవత్కృపా నృసింహ రక్ష మామ్ ॥ ౮ ॥
కరాళవక్త్ర కర్కశోగ్ర వజ్రదంష్ట్రముజ్జ్వలం
కుఠారఖడ్గకుంతరోమరాంకుశోన్నఖాయుధమ్ ।
మహద్భ్రయూధభగ్నసంచలజ్ఞతా సటాలకం
జగత్ప్రమూర్ఛితాట్టహాసచక్రవర్తిణం భజే ॥ ౯ ॥
నవగ్రహాఽపమృత్యుగండ వాస్తురోగ వృశ్చికా-
-ఽగ్ని బాడబాగ్ని కాననాగ్ని శతృమండల ।
ప్రవాహ క్షుత్పిపాస దుఃఖ తస్కర ప్రయోగ దు-
-ష్ప్రమాదసంకటాత్సదా నృసింహ రక్ష మాం ప్రభో ॥ ౧౦ ॥
ఉగ్రం వీరం మహావిష్ణుం జ్వలన్తం సర్వతోముఖమ్ ।
నృసింహం భీషణం భద్రం మృత్యోర్మృత్యుర్నమామ్యహమ్ ॥
ఓం నమో నృసింహ దేవాయ ॥
– Chant Stotra in Other Languages –
Sri Narasimha Stambha Avirbhava Stotram in English – Sanskrit – Kannada – Telugu – Tamil