॥ Sri Parasurama Ashtakam 3 Odia Lyrics ॥
॥ ଶ୍ରୀପରଶୁରାମାଷ୍ଟକମ୍ ୩ ॥656
॥ ଶ୍ରୀମଦ୍ଦିଵ୍ୟପରଶୁରାମାଷ୍ଟକସ୍ତୋତ୍ରମ୍ ॥
ବ୍ରହ୍ମଵିଷ୍ଣୁମହେଶସନ୍ନୁତପାଵନାଙ୍ଘ୍ରିସରୋରୁହଂ
ନୀଲନୀରଜଲୋଚନଂ ହରିମାଶ୍ରିତାମରଭୂରୁହମ୍ ।
କେଶଵଂ ଜଗଦୀଶ୍ଵରଂ ତ୍ରିଗୁଣାତ୍ମକଂ ପରପୂରୁଷଂ
ପର୍ଶୁରାମମୁପାସ୍ମହେ ମମ କିଙ୍କରିଷ୍ୟତି ୟୋଽପି ଵୈ ॥ ୧ ॥
ଅକ୍ଷୟଂ କଲୁଷାପହଂ ନିରୁପଦ୍ରଵଂ କରୁଣାନିଧିଂ
ଵେଦରୂପମନାମୟଂ ଵିଭୁମଚ୍ୟୁତଂ ପରମେଶ୍ଵରମ୍ ।
ହର୍ଷଦଂ ଜମଦଗ୍ନିପୁତ୍ରକମାର୍ୟଜୁଷ୍ଟପଦାମ୍ବୁଜଂ
ପର୍ଶୁରାମମୁପାସ୍ମହେ ମମ କିଙ୍କରିଷ୍ୟତି ୟୋଽପି ଵୈ ॥ ୨ ॥
ରୈଣୁକେୟମହୀନସତ୍ଵକମଵ୍ୟୟଂ ସୁଜନାର୍ଚିତଂ
ଵିକ୍ରମାଢ୍ୟମିନାବ୍ଜନେତ୍ରକମବ୍ଜଶାର୍ଙ୍ଗଗଦାଧରମ୍ ।
ଛତ୍ରିତାହିମଶେଷଵିଦ୍ୟଗମଷ୍ଟମୂର୍ତିମନାଶ୍ରୟଂ – ??
ପର୍ଶୁରାମମୁପାସ୍ମହେ ମମ କିଙ୍କରିଷ୍ୟତି ୟୋଽପି ଵୈ ॥ ୩ ॥
ବାହୁଜାନ୍ଵୟଵାରଣାଙ୍କୁଶମର୍ଵକଣ୍ଠମନୁତ୍ତମଂ
ସର୍ଵଭୂତଦୟାପରଂ ଶିଵମବ୍ଧିଶାୟିନମୌର୍ଵଜମ୍ ।
ଭକ୍ତଶତ୍ରୁଜନାର୍ଦନଂ ନିରୟାର୍ଦନଂ କୁଜନାର୍ଦନଂ
ପର୍ଶୁରାମମୁପାସ୍ମହେ ମମ କିଙ୍କରିଷ୍ୟତି ୟୋଽପି ଵୈ ॥ ୪ ॥
ଜମ୍ଭୟଜ୍ଞଵିନାଶକଞ୍ଚ ତ୍ରିଵିକ୍ରମଂ ଦନୁଜାନ୍ତକଂ
ନିର୍ଵିକାରମଗୋଚରଂ ନରସିଂହରୂପମନର୍ଦହମ୍ ।
ଵେଦଭଦ୍ରପଦାନୁସାରିଣମିନ୍ଦିରାଧିପମିଷ୍ଟଦଂ
ପର୍ଶୁରାମମୁପାସ୍ମହେ ମମ କିଙ୍କରିଷ୍ୟତି ୟୋଽପି ଵୈ ॥ ୫ ॥
ନିର୍ଜରଂ ଗରୁଡଧ୍ଵଜଂ ଧରଣୀଶ୍ଵରଂ ପରମୋଦଦଂ
ସର୍ଵଦେଵମହର୍ଷିଭୂସୁରଗୀତରୂପମରୂପକମ୍ ।
ଭୂମତାପସଵେଷଧାରିଣମଦ୍ରିଶଞ୍ଚ ମହାମହଂ
ପର୍ଶୁରାମମୁପାସ୍ମହେ ମମ କିଙ୍କରିଷ୍ୟତି ୟୋଽପି ଵୈ ॥ ୬ ॥
ସାମଲୋଲମଭଦ୍ରନାଶକମାଦିମୂର୍ତିମିଲାସୁରଂ
ସର୍ଵତୋମୁଖମକ୍ଷିକର୍ଷକମାର୍ୟଦୁଃଖହରଙ୍କଲୌ ।
ଵେଙ୍କଟେଶ୍ଵରରୂପକଂ ନିଜଭକ୍ତପାଲନଦୀକ୍ଷିତଂ
ପର୍ଶୁରାମମୁପାସ୍ମହେ ମମ କିଙ୍କରିଷ୍ୟତି ୟୋଽପି ଵୈ ॥ ୭ ॥
ଦିଵ୍ୟଵିଗ୍ରହଧାରିଣଂ ନିଖିଲାଧିପଂ ପରମଂ ମହା-
ଵୈରିସୂଦନପଣ୍ଡିତଂ ଗିରିଜାତପୂଜିତରୂପକମ୍ ।
ବାହୁଲେୟକୁଗର୍ଵହାରକମାଶ୍ରିତାଵଳିତାରକଂ
ପର୍ଶୁରାମମୁପାସ୍ମହେ ମମ କିଙ୍କରିଷ୍ୟତି ୟୋଽପି ଵୈ ॥ ୮ ॥
ପର୍ଶୁରାମାଷ୍ଟକମିଦଂ ତ୍ରିସନ୍ଧ୍ୟଂ ୟଃ ପଠେନ୍ନରଃ
ପର୍ଶୁରାମକୃପାସାରଂ ସତ୍ୟଂ ପ୍ରାପ୍ନୋତି ସତ୍ଵରମ୍ ॥
॥ ଇତି ଶ୍ରୀପୂସପାଟି ରଙ୍ଗନାୟକାମାତ୍ୟ ଭାର୍ଗଵର୍ଷିକୃତ
ଶ୍ରୀମଦ୍ଦିଵ୍ୟପରଶୁରାମାଷ୍ଟକଂ ସମ୍ପୂର୍ଣମ୍ ॥
– Chant Stotra in Other Languages –
Sri Vishnu Slokam » Sri Parasurama Ashtakam 3 Lyrics in Sanskrit » English » Bengali » Gujarati » Kannada » Malayalam » Telugu » Tamil