॥ Sri Radhakunda Ashtakam Kannada Lyrics ॥
ಶ್ರೀರಾಧಾಕುಂಡಾಷ್ಟಕಮ್
ವೃಷಭದನುಜನಾಶಾತ್ ನರ್ಮಧರ್ಮೋಕ್ತಿರಂಗೈಃ
ನಿಖಿಲನಿಜತನೂಭಿರ್ಯತ್ಸ್ವಹಸ್ತೇನ ಪೂರ್ಣಮ್ ।
ಪ್ರಕಟಿತಮಪಿ ವೃನ್ದಾರಣ್ಯರಾಜ್ಞಾ ಪ್ರಮೋದೈಃ
ತದತಿಸುರಭಿ ರಾಧಾಕುಂಡಮೇವಾಶ್ರಯೋ ಮೇ ॥ 1 ॥
ವ್ರಜಭುವಿ ಮುರಶತ್ರೋಃ ಪ್ರೇಯಸೀನಾಂ ನಿಕಾಮೈಃ
ಅಸುಲಭಮಪಿ ತೂರ್ಣಂ ಪ್ರೇಮಕಲ್ಪದ್ರುಮಂ ತಮ್ ।
ಜನಯತಿ ಹೃದಿ ಭೂಮೌ ಸ್ನಾತುರುಚ್ಚೈಃ ಪ್ರಿಯಂ ಯತ್
ತದತಿಸುರಭಿ ರಾಧಾಕುಂಡಮೇವಾಶ್ರಯೋ ಮೇ ॥ 2 ॥
ಅಘರಿಪುರಪಿ ಯತ್ನಾದತ್ರ ದೇವ್ಯಾಃ ಪ್ರಸಾದ-
ಪ್ರಸರಕೃತಕಟಾಕ್ಷಪ್ರಾಪ್ತಿಕಾಮಃ ಪ್ರಕಾಮಮ್ ।
ಅನುಸರತಿ ಯದುಚ್ಚೈಃ ಸ್ನಾನಸೇವಾನುಬನ್ಧೈಃ
ತದತಿಸುರಭಿ ರಾಧಾಕುಂಡಮೇವಾಶ್ರಯೋ ಮೇ ॥ 3 ॥
ವ್ರಜಭುವನಸುಧಾಂಶೋಃ ಪ್ರೇಮಭೂಮಿರ್ನಿಕಾಮಂ
ವ್ರಜಮಧುರಕಿಶೋರೀಮೌಲಿರತ್ನಪ್ರಿಯೇವ ।
ಪರಿಚಿತಮಪಿ ನಾಮ್ನಾ ಯಚ್ಚ ತೇನೈವ ತಸ್ಯಾಃ
ತದತಿಸುರಭಿ ರಾಧಾಕುಂಡಮೇವಾಶ್ರಯೋ ಮೇ ॥ 4 ॥
ಅಪಿ ಜನ ಇಹ ಕಶ್ಚಿದ್ಯಸ್ಯ ಸೇವಾಪ್ರಸಾದೈಃ
ಪ್ರಣಯಸುರಲತಾ ಸ್ಯಾತ್ತಸ್ಯ ಗೋಷ್ಠೇನ್ದ್ರಸೂನೋಃ ।
ಸಪದಿ ಕಿಲ ಮದೀಶಾ ದಾಸ್ಯಪುಷ್ಪಪ್ರಶಸ್ಯಾ
ತದತಿಸುರಭಿ ರಾಧಾಕುಂಡಮೇವಾಶ್ರಯೋ ಮೇ ॥ 5 ॥
ತತಮಧುರನಿಕುಂಜಾಃ ಕ್ಲೃಪ್ತನಾಮಾನ ಉಚ್ಚೈಃ
ನಿಜಪರಿಜನವರ್ಗೈಃ ಸಂವಿಭಜ್ಯಾಶ್ರಿತಾಸ್ತೈಃ ।
ಮಧುಕರರುತರಮ್ಯಾ ಯಸ್ಯ ರಾಜನ್ತಿ ಕಾಮ್ಯಾಃ
ತದತಿಸುರಭಿ ರಾಧಾಕುಂಡಮೇವಾಶ್ರಯೋ ಮೇ ॥ 6 ॥
ತತಭುವಿ ವರವೇದ್ಯಂ ಯಸ್ಯ ನರ್ಮಾತಿಹೃದ್ಯಂ
ಮಧುರಮಧುರವಾರ್ತಾಂ ಗೋಷ್ಠಚನ್ದ್ರಸ್ಯ ಭಂಗ್ಯಾ ।
ಪ್ರಥಯಿತುಮಿತ ಈಶಪ್ರಾಣಸಖ್ಯಾಲಿಭಿಃ ಸಾ
ತದತಿಸುರಭಿ ರಾಧಾಕುಂಡಮೇವಾಶ್ರಯೋ ಮೇ ॥ 7 ॥
ಅನುದಿನಮತಿರಂಗೈಃ ಪ್ರೇಮಮತ್ತಾಲಿಸಂಘೈಃ
ವರಸರಸಿಜಗನ್ಧೈಃ ಹಾರಿವಾರಿಪ್ರಪೂರ್ಣೇ ।
ವಿಹರತ ಇಹ ಯಸ್ಮನ್ ದಮ್ಪತೀ ತೌ ಪ್ರಮತ್ತೌ
ತದತಿಸುರಭಿ ರಾಧಾಕುಂಡಮೇವಾಶ್ರಯೋ ಮೇ ॥ 8 ॥
ಇತಿ ರಾಧಾಕುಂಡಾಷ್ಟಕಂ ಸಮಾಪ್ತಮ್ ।
– Chant Stotra in Other Languages –
Sri Radha Mantras » Sri Radhakunda Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil