॥ Sri Radhakunda Ashtakam Telugu Lyrics ॥
శ్రీరాధాకుణ్డాష్టకమ్
వృషభదనుజనాశాత్ నర్మధర్మోక్తిరఙ్గైః
నిఖిలనిజతనూభిర్యత్స్వహస్తేన పూర్ణమ్ ।
ప్రకటితమపి వృన్దారణ్యరాజ్ఞా ప్రమోదైః
తదతిసురభి రాధాకుణ్డమేవాశ్రయో మే ॥ ౧ ॥
వ్రజభువి మురశత్రోః ప్రేయసీనాం నికామైః
అసులభమపి తూర్ణం ప్రేమకల్పద్రుమం తమ్ ।
జనయతి హృది భూమౌ స్నాతురుచ్చైః ప్రియం యత్
తదతిసురభి రాధాకుణ్డమేవాశ్రయో మే ॥ ౨ ॥
అఘరిపురపి యత్నాదత్ర దేవ్యాః ప్రసాద-
ప్రసరకృతకటాక్షప్రాప్తికామః ప్రకామమ్ ।
అనుసరతి యదుచ్చైః స్నానసేవానుబన్ధైః
తదతిసురభి రాధాకుణ్డమేవాశ్రయో మే ॥ ౩ ॥
వ్రజభువనసుధాంశోః ప్రేమభూమిర్నికామం
వ్రజమధురకిశోరీమౌలిరత్నప్రియేవ ।
పరిచితమపి నామ్నా యచ్చ తేనైవ తస్యాః
తదతిసురభి రాధాకుణ్డమేవాశ్రయో మే ॥ ౪ ॥
అపి జన ఇహ కశ్చిద్యస్య సేవాప్రసాదైః
ప్రణయసురలతా స్యాత్తస్య గోష్ఠేన్ద్రసూనోః ।
సపది కిల మదీశా దాస్యపుష్పప్రశస్యా
తదతిసురభి రాధాకుణ్డమేవాశ్రయో మే ॥ ౫ ॥
తతమధురనికుఞ్జాః క్లృప్తనామాన ఉచ్చైః
నిజపరిజనవర్గైః సంవిభజ్యాశ్రితాస్తైః ।
మధుకరరుతరమ్యా యస్య రాజన్తి కామ్యాః
తదతిసురభి రాధాకుణ్డమేవాశ్రయో మే ॥ ౬ ॥
తతభువి వరవేద్యం యస్య నర్మాతిహృద్యం
మధురమధురవార్తాం గోష్ఠచన్ద్రస్య భఙ్గ్యా ।
ప్రథయితుమిత ఈశప్రాణసఖ్యాలిభిః సా
తదతిసురభి రాధాకుణ్డమేవాశ్రయో మే ॥ ౭ ॥
అనుదినమతిరఙ్గైః ప్రేమమత్తాలిసఙ్ఘైః
వరసరసిజగన్ధైః హారివారిప్రపూర్ణే ।
విహరత ఇహ యస్మన్ దమ్పతీ తౌ ప్రమత్తౌ
తదతిసురభి రాధాకుణ్డమేవాశ్రయో మే ॥ ౮ ॥
ఇతి రాధాకుణ్డాష్టకం సమాప్తమ్ ।
– Chant Stotra in Other Languages –
Sri Radha Mantras » Sri Radhakunda Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil