॥ Sri Ramashtakam 5 Malayalam Lyrics ॥
॥ രാമാഷ്ടകം 5 ॥
രാജത്കിരീടമണിദീധിതിദീപിതാംശം
ഉദ്യദ്ബൃഹസ്പതികവിപ്രതിമേ വഹന്തം ।
ദ്വേ കുണ്ഡലേഽങ്കരഹിതേന്ദുസമാനവക്ത്രം
രാമം ജഗത്ത്രയഗുരും സതതം ഭജാമി ॥ 1 ॥
ഉദ്യദ്വിഭാകരമരീചിവിബോധിതാബ്ജ-
നേത്രം സുബിംബദശനച്ഛദചാരുനാസം ।
ശുഭ്രാംശുരശ്മിപരിനിര്‍ജിതചാരുഹാസം
രാമം ജഗത്ത്രയഗുരും സതതം ഭജാമി ॥ 2 ॥
തം കംബുകണ്ഠമജമംബുജതുല്യരൂപം
മുക്താവലീകനകഹാരധൃതം വിഭാന്തം ।
വിദ്യുദ്വലാകഗണസംയുതമംബുദം വാ
രാമം ജഗത്ത്രയഗുരും സതതം ഭജാമി ॥ 3 ॥
ഉത്താനഹസ്തതലസംസ്ഥസഹസ്രപത്രം
പഞ്ചച്ഛദാധികശതം പ്രവരാങ്ഗുലീഭിഃ ।
കുര്‍വത്യശീതകനകദ്യുതി യസ്യ സീതാ
പാര്‍ശ്വേഽസ്തി തം രഘുവരം സതതം ഭജാമി ॥ 4 ॥
അഗ്രേ ധനുര്‍ധരവരഃ കനകോജ്ജ്വലാങ്ഗോ
ജ്യേഷ്ഠാനുസേവനരതോ വരഭൂഷണാഢ്യഃ ।
ശേഷാഖ്യധാമവരലക്ഷ്മണനാമ യസ്യ
രാമം ജഗത്ത്രയഗുരും സതതം ഭജാമി ॥ 5 ॥
യോ രാഘവേന്ദ്രകുലസിന്ധുസുധാംശുരൂപോ
മാരീചരാക്ഷസസുബാഹുമുഖാന്‍ നിഹത്യ ।
യജ്ഞം രരക്ഷ കുശികാന്വയപുണ്യരാശിം
രാമം ജഗത്ത്രയഗുരും സതതം ഭജാമി ॥ 6 ॥
ഹത്വാ ഖരത്രിശിരസൌ സഗണൌ കബന്ധം
ശ്രീദണ്ഡകാനനമദൂഷണമേവ കൃത്വാ ।
സുഗ്രീവമൈത്രമകരോദ്വിനിഹത്യ ശത്രും
തം രാഘവം ദശമുഖാന്തകരം ഭജാമി ॥ 7 ॥
ഭങ്ക്ത്വാ പിനാകമകരോജ്ജനകാത്മജായാ
വൈവാഹികോത്സവവിധിം പഥി ഭാര്‍ഗവേന്ദ്രം ।
ജിത്വാ പിതുര്‍മുദമുവാഹ കകുത്സ്ഥവര്യം
രാമം ജഗത്ത്രയഗുരും സതതം ഭജാമി ॥ 8 ॥
ഇതി മുരാരീ ഗുപ്താവിരചിതം രാമാഷ്ടകം സമ്പൂര്‍ണം ।
– Chant Stotra in Other Languages –
Sri Vishnu Stotram » Sri Rama Ashtakam 5 Lyrics in Sanskrit » English » Bengali » Gujarati » Kannada » Odia » Telugu » Tamil